Danieli 5:2 - Ebibulia 2001

² Kayamazire kurozaho aragira balete ebikwato by'ezahabu n'efeza ebyo Nebukadineza ishe yanyagire omuli Rwensinga Ya Yerusalemu, abileta kubinyweramu wenene n'abamibe, n'abakazibe, n'ensholekeze.

Danieli 5:2 Iomraidhean Croise

2 Samweli 9:7

Daudi amugambira ati, “Otatina, kuba ndakugilira ekisha aha rwa Yonatani sho, nkugaruliire n'amataka gona ga Shauli shwenkuru. Kandi orata nolya aha kiihuro kyange ebiro byona.”

2 Abakama 24:13

n'eitunga lyona lya Rwensinga, n'ely'ekikaare alikukumba. Ebikwato byamwo by'ezahabu ebyo Solomoni yabaire ahesire yabichwagachwagura, nk'okwo Omukama yabaire akigambire karai.

2 Abakama 25:15

n'ebyotezo, n'epakuli. Ebyabaire bili by'ezahabu omukuru w'abalinzi yabitwara eli zahabu; ebyabaire bili by'efeza yabitwara eli feza.

2 Amakuru 11:20

Amuhondezaho Maaka muka Abusalomu, nawe amuzaraho Abiya, Atai, Ziza na Shelomiti.

2 Amakuru 15:16

Nangu Maaka, nyina, Omukama Asa amwihyaho ekitinwa ky'okwetwa mukama mukuru enshonga akakoza ekihuuku kya Ashera. Asa atema ekihuuku ekyo akyatayata, akyokeza aha kaiga ka Kidironi.

2 Amakuru 36:10

Omu mbandizo y'omwaka Omukama Nebukadineza atuma ab'okumutwara Babiloni, bamutwalirana n'ebikwato bya Rwensinga y'Omukama eby'enshonga; omurumuna Zedekia aba niwe aha obukama kutwara Yuda na Yerusalemu.

2 Amakuru 36:18

Ebikwato bya Rwensinga byona na bike na bihango, n'eitunga lyamwo lyona, n'ely'omu kikare, byona ebyo akabitwara Babiloni nangu n'abaramata babulimu.

Ezira 5:14

Kandi ebikwato bya Rwensinga ya Ruhanga eby'ezahabu n'efeza ebyo Nebukadineza yaihire Yerusalemu akabitwara Rwensinga ya Babiloni, Omukama Koreshi akabihyamu yabikwasa omuntu omoi eibaralye Sheshubaza owo yabaire ahindwire gavana.

Yeremia 27:7

Amahanga gona galimukolera, gakolere n'omutabani n'omwijukuru kuhika orwo engomaye eligoba aha kukambuka; nirwo amahanga gangi n'abakama b'amani balimuhindura mwiru wabo.’ ”

Yeremia 50:35

Abakalidayo bagwe aha mbanda, abanyansi ba Babiloni embanda ebaite! Abatwazi bayo n'abamanyi bayo embanda ebamareho. Alikugamba n'inye Omukama.

Yeremia 52:19

Kwakwo n'epakuli ezike, n'enyungu z'okuyoza omuliro, ebeseni, enyungu, ebinara, eshahani z'obunuma, n'epakuli ez'ebihongo by'okunywa, byona ebyo nabyo bakabitwara. Ebyabaire bili by'ezahabu, Nebuzaradani akabitwara eli zahabu, ebyabaire bili by'efeza akabitwara eli feza.

Danieli 1:2

Ruhanga anaga Yehoyakimu Omukama wa Yuda omu mikono ya Nebukadineza n'ebikwato bimoiho bya Rwensinga. Nebukadineza abileta omu nsi ya Babiloni, abiteka omuli rwensinga ya ruhangawe, abibiika omuli buhanika ya rwensinga egyo.

Danieli 5:11

Omu bukama bwawe halimu omuntu omoi owo Ruhanga omutakatifu alikuhabukira. Kandi n'omu businge bwa sho akaba nabona, aina amagezi n'obumanyi nka baruhanga. Nikyo Omukama Nebukadineza yamuhinduliire kuba mukuru w'abafumu, embandwa n'Abakalidayo, n'ababuya b'enyanyinyi.

Danieli 5:13

Aho baleta Danieli obuso. Omukama amugambira ati, “Iwe n'iwe Danieli ayalesirwe oli mbohe kuruga omu nsi ya Yuda? N'iwe tata Omukama yanyagire kuruga Buyuda?

Danieli 5:18

Waitu Mukama, Ruhanga Rushoborabyona akatunga Nebukadineza sho obukama, eiranga, ekitinwa n'obukuru.

Danieli 5:23

Ogizire eikuru wajeemera Omukama ow'omw'iguru; bakuletera ebikwato bya Rwensingaye wabinyweramu edivai, iwe n'abami bawe n'abakazi bawe, n'ensholeke zawe. Mwasingiza ebishushani bya baruhanga abakozirwe efeza, ezahabu, omulinga, ekyoma, omuti n'amabare, ebitabona, anga ebitahulira, anga ebitamanya. Kyonkai Ruhanga ow'oburora bwawe bwemeleireho, ogwo akwemamu omuli byona eby'okakora tomuhaire kitinwa.

Danieli 5:3

Baleta ebikwato ebyo eby'ezahabu n'efeza ebyabaire birugire omu Rwensinga niyo nyaruju ya Ruhanga eli omuli Yerusalemu. Omukama n'abami, n'abakazibe, n'ensholekeze babinyweramu.

Danieli 5:30

Kir'ekyo omw'itumbi Omukama Belishaza ow'Abakalidayo bamwita.

Danieli 5:4

Banywa edivai, basingiza ebishushani bya baruhanga abakozirwe ezahabu, efeza, omulinga, ekyoma, omuti n'amabare.

Orubara 7:79

Akagira ekihongo ky'esahani y'efeza ey'eshekeli 130, n'ebeseni emoi y'eshekeli 70; zombili obusikizi bwazo kuhonderana n'eshekeli y'ahatakatifu, zijwire ensano nungi etabirainwe n'amajuta nk'okwo ekihongo ky'ensano kigenda.