Danieli 4:6 - Ebibulia 2001

⁶ Ndagira bandetere abamanyi bona ba Babiloni yona, banshoborore ekiroto kyange.

Danieli 4:6 Iomraidhean Croise

Okuruga 7:11

Aho Farao ayeta abamanyi n'abarogi n'abakonikoni ba Misiri, nabo bakora batyo omu bubuya bwabo beshelekire.

Isaya 8:19

Kandi kabarabaragira kuraguza aha tulikugambisa ebizimu n'aha bafumu atulikunywigya nibagambira omu matama, timulikumanya okwo abantu baragiirwe kwehanuza ahali Ruhanga? Abantu atulikurora babaragulize aha bafire?

Danieli 1:17

Abasigazi abo banai Ruhanga abasingira bamanya okuhandika kurungi bagira n'obumanyi. Okubonekerwa kwa buli ngeli n'ebiroto, Danieli yabishobokerwaga.

Danieli 2:2

Aho Omukama atumaho abafumu n'embandwa b'Abakalidayo baije bamushoborore ekirotokye, baija bemelera omu maishoge.

Danieli 2:48

Nebukadineza aha Danieli ekitinwa kya buli ngeli, amuha n'ebintu. Amuhindura kuba gavana w'omukoa gwona gwa Babiloni mara mukuru w'abamanyi bona omuli Babiloni.

Danieli 4:15

Kyonkai ensibu yagwo n'emizi yayo otabisindura. Ensibu egyo eikare omw'itaka ekomirwe ekyoma n'omulinga ezingoirwe obunyasi bubisi. Omuntu aikare nagubwaho orume rw'eiguru. Aikare n'enyamaishwa elye obunyasi.

Danieli 5:11

Omu bukama bwawe halimu omuntu omoi owo Ruhanga omutakatifu alikuhabukira. Kandi n'omu businge bwa sho akaba nabona, aina amagezi n'obumanyi nka baruhanga. Nikyo Omukama Nebukadineza yamuhinduliire kuba mukuru w'abafumu, embandwa n'Abakalidayo, n'ababuya b'enyanyinyi.

Danieli 5:7

Omukama aragira n'eiraka lihango kweta abafumu, Abakalidayo n'ababuya b'enyanyinyi. Agambira abamanyi abo ba Babiloni ati, “Wena wena arashoma ebihandiko ebi, akanshoborora enshonga yabyo, ndamujweka omwendo gwa zambarau, muteke omukofu gw'ezahabu omu ngoto, abe mutwazi wa kashatu omu bukama bwange.”