Danieli 4:19 - Ebibulia 2001

¹⁹ Danieli ayayetwaga Beliteshaza atwaraho akanya ashobeirwe, aburwa eky'okugamba. Omukama Nebukadineza agamba ati, “Beliteshaza, ekiroto n'okukitoitora bitakuchunchubaza.” Beliteshaza ahorora ati, “Rugaba, ekiroto eki kikwete aha balikukunoba, kandi omwitoitoro gwakyo gugweleire ababisha bawe!

Danieli 4:19 Iomraidhean Croise

Embandizo 31:35

Raheli agambira ishe ati, “Mukama wange otatamwa kubona ntalikushobora kwimuka mu maisho gawe kuba ndi omu ntwaza y'abakazi.” Labani achukura kyonkai baruhanga b'ekaye tiyababoine.

Embandizo 32:18

Aho ogambe oti, ‘By'omwiru wawe Yakobo, yabigemulira mukama wange Esau, na wenene atuli enyuma.’ ”

Embandizo 40:12

Aho Yozefu amugambira ati, “Omwitoitoro gwakyo nigw'ogu: Amatagi gashatu nibyo biro bishatu;

1 Abakama 18:7

Obadia kayabaire nagenda, abuganganwa Eliya. Obadia amumanya, ajumara ahansi, agamba ati, “Mukama wange Eliya n'iwe?”

Okuruga 32:32

Mbwenu osinge obagaruliire entambara yabo egyo. Kakitali kityo nintagiliza banfute omu kitabo kyawe ekyo ohandikiremu amabara g'abantu bawe.”

Yeremia 29:7

Ekigo ekyo ekyo nabazahizemu mukyendere emilembe mara mukishabire ahali Mukama. Kuba kiligira emilembe, nainywe muligira emilembe.”

Yeremia 4:19

Ninshasha muno, ninshasha muno! Obushasi bwanyita! Omutima! Omutima gwantera muno! Tinakwesiza; kuba nimpulira enzamba z'endashana; rwabara!

Danieli 1:7

Omukobe mukuru abashambagiza. Danieli emweta Beliteshaza, Hanania emweta Shadiraki, Mishaeli emweta Meshaki na Azaria emweta Abedinego.

Danieli 2:26

Omukama abaza Danieli ayayetwaga Beliteshaza ati, “Iwe noshobora kungambira ekyo ndosire n'enshonga yakyo?”

Danieli 2:37

Waitu Rugaba, oli Mukama atwara abakama! Ruhanga asingiire omw'iguru akakutunga obukama, n'obushobora, n'amani n'ekitinwa,

Danieli 4:24

Omwitoitoro gwakyo nigw'ogu Rugaba: Ogu muku gwa Rukirabyona ahali iwe Rugaba Mukama wange.

Danieli 5:12

Danieli ow'Omukama yashambagiize akamweta Beliteshaza akaba aina omutima gurungi muno, n'obumanyi, n'obushobokerwa bungi bw'okushoborora ebiroto, n'okushoborora enfumo n'okuhanuura ebigumire. Mbwenu bete Danieli nawe arakushoborora.”

Danieli 5:18

Waitu Mukama, Ruhanga Rushoborabyona akatunga Nebukadineza sho obukama, eiranga, ekitinwa n'obukuru.

Danieli 5:19

Kandi aha rw'obukurubwe obwo yamuhaire, abantu b'amahanga gona n'enganda zitali zimoi bamutinaga. Yaita yayasha, owo yayendaga kukiza amukiza, owo yagonzaga kukuza amukuza; owo yagonzaga kwaka obukama abumwaka.

Danieli 7:15

“Kyonkai inye, Danieli, ebyo nabonekeirwe bikantinisa, byanyita kubi muno.

Danieli 7:28

“Ebigambo ebi byahwera aha. Inye, Danieli, ebyo natekeleize bikanshasa muno, naziguka obuso. Kyonkai ebigambo ebi nkabibiika aha mutima.”

Danieli 8:27

Ebyo kabyahoire, inye, Danieli, ndemwa muno, n'okurwara ndwara, nshega ebiro bingi. Obugenda bw'eirai nkira, ngya nkora omulimo ogw'Omukama yabaire ankwasize, kyonkai ebyo nabonekeirwe ebyo, bikantangaza mara tinabishobokeirwe.

Habakuki 3:10

Amabanga gakakubona gachundwa, omwijuro gw'amaizi gwatwarangana, enyanja engundu yahinda, amayengo gayo gakanga eiguru.

1 Samweli 1:15

Kyonkai Hana amuhorora ati, “Chei, mukama wange, inye ndi mukazi omujune muno; tinkanyoire divai anga marwa gona gona; shana nayanjulira Omukama ebindi aha mutima.

1 Samweli 24:8

Ahanyuma Daudi nawe aruga omu mpako, ayeta Shauli ati, “Rugaba rwange omukama!” Ka Shauli yakebukire, Daudi abandama obuso bukanga aha itaka, amuhabukya.

1 Samweli 26:15

Daudi amugambira ati, “Iwe toli mushaija? N'ohai omuli Isiraeli alikukushusha? Kubaki otalikulinda mukama rugaba rwawe? Omuntu omoi yaba aizire kumwita.

1 Samweli 3:17

Amubaza ati, “Omukama akugambiireki? Otansheleka. Otakugira kyowansheleka akaija akakubonabonyia kubi.”