Danieli 2:4 - Ebibulia 2001

⁴ Aho Abakalidayo bagambira Omukama bati, “Kamelere Rugaba, rotorolera abairu bawe naichwe twije tukushoborore.”

Danieli 2:4 Iomraidhean Croise

Embandizo 31:47

Labani agyeta Yegarisahaduta, kyonkai Yakobo agyeta Galedi.

Embandizo 41:8

Aho bwankya ahwahwana omwoyo; ayeta abafumu bona ba Misiri n'abamanyi bayo bona, abarotorolera ekirotokye, kyonkai tiyazokire muntu wa kushobora kukimwitoitorolera.

1 Abakama 1:25

Kir'eki yagenda yatamba ente, n'eshajwa n'entama zingi muno mara yaraliza batabani bona b'Omukama, na Yoabu omukuru w'eihe na Abiatari omukuhani kandi leba nibalya nibanywa nawe, nibagamba bati, ‘Omukama Adoniya amelere.’

1 Abakama 1:31

Batisheba abandama obuso bugoba aha itaka, aho ashura Omukama ati, “Rugaba rwange Omukama Daudi amelere!”

2 Abakama 18:26

Aho Eliakimu eya Hilikia na Shebuna na Yoa, bagambira Rabushake bati, “Nitukushaba otugambire omu Ruaramaiki kuba ichwe niturushobokerwa; otatugambira Ruheburania, enshonga abantu bona abali aha boma nibaruhulira.”

Ezira 4:7

Omu biro bya Aritashasita, Bishilamu na Mitiredati na Tabeeli na batahi babo abandi bahandikira Aritashasita omukama wa Perisia. Ebarua ehandikwa omu Ruaramaiki bashuba bagihindura omu ndimi ezindi.

Nehemia 2:3

Mugambira nti, “Omukama n'akarame! Kubaki ntashoberwe, orwo ekigo mbali enziiko za batata zili kili ndaara, n'ebihigi byakyo bikasosotorwa omuliro?”

Isaya 36:11

Ahanyuma Eliakimu, Shebuna na Yoa, bagambira omukuru ogwo wa Asiria bati, “Abairu bawe obagambire Oruaramaiki; niturushobokerwa. Oruyahudi otarutugambira. Abantu bona atuli ahali eboma bahuliliize.”

Isaya 44:25

Ebyo embandwa ziragura mbisheshamu amaizi, n'ebyo ababuya b'enyanyinyi bagamba nzora okwo bitainamu kabu. Abamanyi bagamba mtulibisa Obwo baba nibeta bumanyi nzora okwo buli bufera.

Danieli 1:4

Abasigazi abataina kamogo, bemirege, mara ababuya aba buli ngeli, abaina obumanyi bungi, enshobokerwa abakugasha kukora omu kikaare ky'Omukama, abo begesibwe kushoma n'okuhandika Orukalidayo.

Danieli 2:7

Bamuhorora omurundi gwa kabili bati, “Waitu rotorolera abairu bawe ekiroto kyawe naichwe tukitoitore.”

Danieli 3:9

Baija obuso bagambira Omukama Nebukadineza bati, “Kamelere Rugaba!

Danieli 4:19

Danieli ayayetwaga Beliteshaza atwaraho akanya ashobeirwe, aburwa eky'okugamba. Omukama Nebukadineza agamba ati, “Beliteshaza, ekiroto n'okukitoitora bitakuchunchubaza.” Beliteshaza ahorora ati, “Rugaba, ekiroto eki kikwete aha balikukunoba, kandi omwitoitoro gwakyo gugweleire ababisha bawe!

Danieli 4:7

Nirwo abafumu, n'embandwa, n'Abakalidayo n'abahanuzi b'enyanyinyi baizire. Mbarotorolera ekiroto kyange, kyonkai balemwa kukitoitora.

Danieli 4:9

“Iwe Beliteshaza, omukuru w'abafumu, nimanya okwo baruhanga abatakatifu bakwemiremu, kandi taliho kyebisho ekikulema kukishoborora. Mbwenu onshoborore ekiroto ekyo ndosire nanye manye enshonga yakyo.

Danieli 5:10

Omukama mukuru kayahuliire ebyagambirwe Omukama n'abamibe, aija mbali babaire nibakolera obugenyi, agambira Omukama ati, “Kamelere Mukama! Eby'olikutekeleza bitakutinisa anga otachunchubara.

Danieli 5:8

Aho abamanyi bona ba wenene baija, nawe tibashoboire kushoma kihandiko ekyo, anga kumanyisa Omukama nshonga yakyo.

Danieli 6:21

Aho Danieli ahorora Omukama ati, “Kamelere Rugaba!

Danieli 6:6

Abakuru aba n'abagavana bema hamoi baija obuso, bamugambira bati, “Kamelere, Omukama Dario!

Danieli 6:7

Ichwe chwena abakuru b'omu bukama bwawe, n'abalebelezi, n'abagavana, n'abategeki, twaikilijanyia okwo Omukama ateho omuku oguhamire, ogulikugira guti: Omu biro 30 arashaba ahali ruhanga wena wena anga aha muntu wena wena atashabire ahali iwe bamunage omu rwina rw'entare.

Matayo 21:9

Embaga eyabaire emwebembeire n'eyamurugire enyuma etamu orushaaro ekwese, “Hosana Mwana wa Daudi! Ni kilimugisha ogu ayaija omw'ibara ly'Omukama! Hosana omw'iguru muno!”

1 Samweli 10:24

Samweli agambira abantu bona ati, “Mwamubona ow'Omukama yaronda? Aha rw'okuba omu bantu bona thalimu n'omoi alikumushusha.” Aho abantu bona batokera bati, “Omukama ahangare.”