Danieli 2:2 - Ebibulia 2001

² Aho Omukama atumaho abafumu n'embandwa b'Abakalidayo baije bamushoborore ekirotokye, baija bemelera omu maishoge.

Danieli 2:2 Iomraidhean Croise

Embandizo 41:8

Aho bwankya ahwahwana omwoyo; ayeta abafumu bona ba Misiri n'abamanyi bayo bona, abarotorolera ekirotokye, kyonkai tiyazokire muntu wa kushobora kukimwitoitorolera.

Esita(Hebrew) 1:13

Aho agambira abamanyi abamanyaga okwo bigenda, aha rw'okuba niyo yabaga ntwazaye kwehanuza ahali bona ababaire nibamanya amateka n'okuramura emishango.

Okuruga 7:11

Aho Farao ayeta abamanyi n'abarogi n'abakonikoni ba Misiri, nabo bakora batyo omu bubuya bwabo beshelekire.

Isaya 19:3

Ebyo Abamisiri tulikutegeka ndabitabura, nshube mbamare ekihika. Bararaguza aha bihuuku n'abarogi n'abafumu n'atulikugambisa ebizimu by'abafu.

Isaya 8:19

Kandi kabarabaragira kuraguza aha tulikugambisa ebizimu n'aha bafumu atulikunywigya nibagambira omu matama, timulikumanya okwo abantu baragiirwe kwehanuza ahali Ruhanga? Abantu atulikurora babaragulize aha bafire?

Danieli 1:20

Buli kimoi kyona eky'Omukama yababalize, ekikwete obumanyi n'amagezi, akashanga nibakira emirundi 10 abamanyi n'embandwa zona ezabaire zili omu bukamabwe bwona.

Danieli 1:4

Abasigazi abataina kamogo, bemirege, mara ababuya aba buli ngeli, abaina obumanyi bungi, enshobokerwa abakugasha kukora omu kikaare ky'Omukama, abo begesibwe kushoma n'okuhandika Orukalidayo.

Danieli 2:10

Abakalidayo bahorora Omukama Nebukadineza bati, “Waitu omu nsi egi talimu muntu n'omoi ayakushobora kugambira Mukama kigambo ekyo nk'okwo olikuragira. Takabagaho Mukama, alikaba muhango ngeliki anga aina bushoboraki arabalize bafumu anga mbandwa anga Bakalidayo kigambo nk'ekyo.

Danieli 2:27

Danieli ahorora Omukama ati, “Taliho mumanyi anga mbandwa anga mufumu anga babuya b'ebikwete aha nyanyinyi ayakushobora kwoleka Omukama ekyebisho ekyo alikubaza.

Danieli 3:8

Omu kanya ako Abakalidayo bamoiho baija balega Abayahudi.

Danieli 4:3

Obubonerobwe buhango butai, n'ebitangazobye by'amani bitai? Obukamabwe bw'eirai lyona, mara tibulichweka.

Danieli 4:6

Ndagira bandetere abamanyi bona ba Babiloni yona, banshoborore ekiroto kyange.

Danieli 5:7

Omukama aragira n'eiraka lihango kweta abafumu, Abakalidayo n'ababuya b'enyanyinyi. Agambira abamanyi abo ba Babiloni ati, “Wena wena arashoma ebihandiko ebi, akanshoborora enshonga yabyo, ndamujweka omwendo gwa zambarau, muteke omukofu gw'ezahabu omu ngoto, abe mutwazi wa kashatu omu bukama bwange.”

1 Samweli 6:2

Abafilisiti beta abakuhani n'abafumu bababaza bati, “Esanduku y'Omukama tugigire tutai? Mutumanyise okwo turagigarurayo.”