Danieli 12:4 - Ebibulia 2001

⁴ Kyonkai iwe Danieli, ebigambo ebi obibiike, n'ekitabo okiteho omuhuri kulemwa kugoba aha maheleruka. Abantu batali bake balitabuuza kushobokerwa ebyo ebilibaho.”

Danieli 12:4 Iomraidhean Croise

Isaya 11:9

Ebyo byona tibilileta mwaga mw'Ibanga lyange lyona elitakatifu, kuba nk'okwo amaizi gabunda ensi, nikwo ensi yona elimanya Omukama kabutekire.

Isaya 29:11

Byona ebyo abarangi tulikubonekerwa timumanye nshonga yabyo; birashusha ekitabo ekikomesiibwe omuhuri. Kamulikitwalira omuntu alikumanya kushoma mukamushaba kukibashomera alibagambira okwo atalikushobora, enshonga ekitabo kikomesiibwe omuhuri.

Isaya 30:26

Okwezi kulyaka nk'eizoba, kandi eizoba lyonene emyakire yalyo lilishagaho emirundi mushanju, okw'obon'oti mushana gw'ebiro mushanju gwajwa omu kiro kimoi. Ebi byona bilibaho orwo Omukama alisinga akashemba eihangalye amahuta ago yalihutaize akagakiza.

Isaya 32:3

Baliba bantu ab'okubona mara bakahulira ametage g'abantu.

Isaya 8:16

Hamisiza kimoi Amateka aga, okomeleze abegesibwa bange bagakwate.

Yeremia 5:1

Mwiruke nimutera oku n'oku omu mbarabara za Yerusalemu, mulebe mwekomye! Mulebalebe omu materaniro g'embarabara zayo, mulebe nka murabonayo omuntu n'omoi omugorogoki alikukora eby'amazima nyije nganyire Sioni.

Danieli 10:1

Omu mwaka gwa kashatu Koreshi Omukama wa Perisia aliire engoma, Danieli owo bayetaga Beliteshaza, agya ashurulirwa ekigambo. Ekigambo ekyo kikaba kili ky'amazima, nikimanyisa okwo haliho endashana y'amani. Wenene akishobokerwa, ashobokerwa n'ebyo yabonekeirwe.

Danieli 10:14

nkaija kukumanyisa ebiligwa aha ihanga lyawe omu makiro agalija. Eby'oboine omu kubonekerwa tibilikwija kubaho juba, biligobelera irai.”

Danieli 10:21

Kyonkai ebihandikire omu Kitabo ky'Amazima ninyija kubikugambira. Kandi ow'okunyemamu kurashanisa abamalaika abalinzi ab'engoma ya Perisia na Bugiriki taliho, shana Mikaili wenkai, omumalaika mulinzi wa Isiraeli.”

Danieli 11:33

Abatwazi b'eihanga abamanyi balitegekera banu. Kyonkai entegeka yabo abandi baligihondera akanya kagufi, aho bagwe omu ndashana anga babokye n'omuliro; kandi abandi balitwarwa endore.

Danieli 11:40

“Aha maheleruka, Omukama aliruga Misiri kumutera, kyonkai Omukama wa Siria alisilikya owa Misiri nk'akazimu. Alija n'amagali n'ab'efarasi, n'emeli zingi. Alitabalira ensi zitali zike nk'okw'obona omutunga.

Danieli 12:13

Iwe ogendere kimoi kugoba aha maheleruka. Ahanyuma olifa, kyonkai olihimbuka, otungwe emperwa yawe aha maheleruka ago.”

Danieli 12:5

Aho mbona abandi babili, omoi ayemeleire rukungu oru rw'omwiga, ondijo ayemeleire aha rusigaire.

Danieli 12:9

Amporora ati, “Ogende, ogende, Danieli, empororo teliho kuhika aha maheleruka.

Danieli 8:17

Kityo Gaburieli agoba mbali nyemeleire. Kanamuboine ntina, njumara ahansi, ndi wenene angambira ati, “Iwe muntu nyakufa, ebi ebyo wabonekerwa nibishusha amaheleruka.”

Danieli 8:19

Angambira okwo alikwija kummanyisa ebilibaho aha maheleruka, orwo ensi eliramurwa, aha rw'okuba amaheleruka ago gakaragirwa, galibaho.

Danieli 8:26

Eby'obwankyai n'obwaigoro eby'ogambirwe omu kubonekerwa okwo bilibaho, by'amazima. Kyonkai ebyo eby'obonekeirwe obibiike omu mutima, kuba tibilikwija kubaho juba, biliizira eirai.”

Matayo 24:14

Kandi evangeli egi y'obukama bw'omw'iguru elirangwa omu nsi yona, niyo eliba bujulizi omu bantu bona; aho nirwo amaheleruka galibaho.”

Abaroma 10:18

Kyonkai nimbaza, tibakahuliire? Mazima bahuliire; aha rw'okuba “Eiraka lyabo lyagobire omu nsi zona, ebigambo byabo byagobire aha mbibi z'ensi yona.”

Okushurulirwa 10:4

Enkuba ezo mushanju kazabaire zasharukire, nkaba naija kuhandika, aho mpulira eiraka lyemire omw'iguru niligamba liti, “Eby'enkuba mushanju zagamba obikomese omuhuri otabihandika.”

Okushurulirwa 22:10

Angambira ati, “Ebigambo eby'ekitabo eki kilikugamba otabikomesa muhuri, enshonga akaanya kaija kugoba.

Okushurulirwa 5:1

Ngya mbona abandaire aha nketo omu mukonogwe gwa bulyo akwete ekitabo kihandikire omunda, kimaamirwe emihuri mushanju.