Danieli 12:1 - Ebibulia 2001

¹ “Omu makiro galinya, Mikaili omumalaika mukuru, omwemezi w'eihanga lyawe alija. Halibaho enaku ezitakabonekaga kwema abantu batonzirwe. Kyonkai omu biyengo ebyo eihanga lyawe lilihunga, nikwo kugamba bona abaliba bahandikirwe omu kitabo.

Danieli 12:1 Iomraidhean Croise

Ezaburi 56:8

Amashasi gange nogamanya; enaku zange orazekomya! Manya zihandikirwe omu kitabo kyawe.

Ezaburi 69:28

Omu kitabo ky'abarora bafutwemu; batabaliranwa mu bagorogoki.

Isaya 4:3

Omuntu alisigara Sioni n'alisigara Yerusalemu alyetwa mutakatifu, buli omoi ayahandikirwe hamoi n'abarora omuli Yerusalemu.

Isaya 9:7

Obutwazibwe n'emilembe biraikaraga nibyeyongera, obuzira ndekelero. Aliguma aha nketo ya Daudi atware engomaye, agitwaze amazima n'obugorogoki, kwema mbwenu kuturuka eirai lyona. Eki, Omukama w'amahe akigendeleire, alikikora.

Yeremia 30:10

Omukama nagamba ati, “Inywe Baisiraeli bairu bange, mutatina; mutahahanwa mitima inywe baana ba Yakobo. Ndibarokora mbaihye omu nsi ezili harai, n'abaana banyu mbaihye omu buzahe. Abaana ba Yakobo baligaruka bachulere, bagiire emilembe. Taliho muntu alibatinisa.

Yeremia 30:7

Ekiro kibi kyaija, mara taliho kilikishusha. Kiro ky'enaku aha Baisiraeli; kyonkai bararokoka.”

Ezekieli 13:9

Ninyija kubonabonyia abarangi abalikugamba ebyo batabonekeirwe, bakaragura n'ebishuba. Tibaligya mu rukiiko rwa bantu bange, anga kuhandikwa mu kitabo kya ihanga lya Isiraeli, nangu n'omu nsi ya Isiraeli tibalitahamu; aho mwije mumanye okwo Ruhanga Omukama aba inye.

Ezekieli 34:24

Kandi inye, Omukama, ndiba Ruhanga wazo, kandi omwiru wange Daudi aliba mutwazi wazo. Alikugamba n'inye Ruhanga Omukama.”

Ezekieli 5:9

Ninyija kukukora ekyo ntakakoraga mara ekyo ntalikora rundi, nkuture amahano ag'olikukora.

Danieli 10:13

Omumalaika omulinzi w'engoma ya Perisia amazire ebiro 21 nampakanisa. Kyonkai Mikaili, omoiho omu bamalaika bakuru, aizire yanjuma. Nikwo inye kumusigaho n'omumalaika omulinzi w'engoma ya Perisia

Danieli 10:21

Kyonkai ebihandikire omu Kitabo ky'Amazima ninyija kubikugambira. Kandi ow'okunyemamu kurashanisa abamalaika abalinzi ab'engoma ya Perisia na Bugiriki taliho, shana Mikaili wenkai, omumalaika mulinzi wa Isiraeli.”

Danieli 11:45

Alisisira omugati y'enyanja n'Eibanga lya Sioni elitakatifu ely'ekitinwa, kyonkai aligoba aha maheleruka ataina kyamba.”

Danieli 7:10

Omugera gw'omuliro gwamuruga mbali ali, abairu akaba aina emilioni emoi, nibamukolera; abandi emilioni ikumi bakaba bamwemeleireho. Emishango ebanza kuramurwa, ebitabo babishurura.”

Danieli 9:12

Ichwe chwenene n'abakama baitu okatukora nk'okwo wabaire ogambire karai. Ekibonabonyio ekyo wahaire Yerusalemu, ekyab'ekyo tikikabonwaga kigo kindi mu nsi.

Yoeli 2:2

Kiro ky'omwilima n'ekiire, kiro ky'ebichwi n'omwilima lindindi! Yaijwa eihanga lihango ely'amani, amabanga lyagabamba bundi mwilima. Okuruga karai takabagaho ihanga nk'elyo, mara amakiro agalija elyab'elyo tililizoka.

Malaki 3:16

Ahanyuma ababaire batina Ruhanga babanze kwegeya bonkai; Omukama atega amatwi abahulira. Abamutinaga nibamukunira bahandikwa omu kitabo omu maishoge.

Matayo 24:21

Aha rw'okuba halibaho ebiyengo by'amani ebitakabonekaga kwema ensi yatondwa kuhika mambwenu; mara tikilishuba kuzoka rundi.

Mariko 13:19

Nobona omu makiro ago halibaho ebiyengo ebitakabagaho kwema Ruhanga atonzire ensi kugoba mwaha, mara tibilizoka rundi.

Luka 10:20

Nawe eki mutakishemelerwa kubona amasitani nigabahulira; shana mushemelerwe kubona amabara ganyu gahandikirwe omw'iguru.”

Abaroma 11:15

K'okuchuubwa kwabo kuraba nikuletera ensi kugaruka ahali Ruhanga, okwikiliza kwabo nikwo kugambaki kakutali kuhimbuka mu bafu?

Abaroma 11:26

nirwo Isiraeli yona elirokoka; nk'okwo kihandikire kiti: “Omurokozi aliruga Sioni, achwe entambara omuli Yakobo;

Abaefeso 1:21

Ruhanga akakuza muno Kirisito yashaga abatwazi bona n'abaina obushobora n'abaina amani, n'abakama, mara yakira na buli ibara elikagambwa, ti mu bukiro obu obwa mbwenu bwonkai nawe n'omu bukiro obulija.

Abafilipi 4:3

Naiwe mutahi wange omwesigwa, ninkushaba ojune abakazi aba, aha rw'enshonga tukachwazikanira evangeli nibashobokerwangana, tuli hamoi na Kelemensi n'abakozi batahi bange abandi abo amabara gabo gahandikire omu kitabo ky'oburora.

Judi 1:9

Kyonkai orwo Mikaili Omumalaika Mukuru na Sitani barashaine nibarwanira omubili gwa Musa, Mikaili tiyakeenire Sitani n'akake, shana akagamba ati, “Olibonwa Mukama.”

Okushurulirwa 1:5

Nimbendera ekisha n'emilembe ya Yesu Kirisito omujulizi omwesigwa, kati ka mbanda ayahimbukire omu bafu, Omukama w'abakama b'ensi. Yesu Kirisito ogwo atugonza mara ayatuchungwize obwambabwe akatwihya omu mafu,

Okushurulirwa 12:7

Aho endashana eimuka omw'iguru. Mikaili n'abamalaikabe barashanisa ekinyamugenge. Ekinyamugenge n'abamalaika bakyo lirashana,

Okushurulirwa 13:8

Bona abakatura omu nsi balikifukamira. Kandi buli omoi ow'eibaralye kwema ensi etonzirwe litahandikirwe mu kitabo ky'abarora kya Kataama ogwo akaitwa.

Okushurulirwa 17:14

Nibaija kurashanisa Kataama, kyonkai Kataama arabasinga, kuba n'iwe aba Rugaba Nyamukuru, Omukama w'abakama; baliinya ab'ainaibo nibo bayesirwe, bakaronkwa bashuba baba besigwa.”

Okushurulirwa 20:12

Mbona abafu, abake n'abahango, bemeleire omu maisho g'enketo, n'ebitabo bishurwire. Kwakwo n'ekitabo ekindi, nikyo kitabo ky'oburora, nakyo kikaba kishurwirwe. Abafu baramurwa ebyabaire bihandikirwe omu bitabo ebyo, nibyo bikorwa byabo ebyo babaire bakozire.

Okushurulirwa 20:15

Omuntu ow'eibaralye litazokire mu kitabo kya burora akakunturwa omu nyanja y'omuliro.

Okushurulirwa 3:5

Alikasinga endashana alijwekwa mijwekerwe egi ey'ebijwaro bilikwera, n'eibaralye tindilifuta mu kitabo ky'oburora. Ndimwebuga omu mabona ga Tata, n'omu maisho g'abamalaikabe.

Okushurulirwa 7:14

Muhorora nti, “Rugaba rwange, n'iwe olikumanya.” Angambira ati, “Aba nibo barugire omu naku zingi; bogize ekanzu zabo omu bwamba bwa Kataama, bazeza katare.