Danieli 11:6 - Ebibulia 2001

⁶ K'emyaka eliba yakeire, Omukama wa Misiri n'Omukama wa Siria balikora omukataba, owa Misiri alisiigira owa Siria omuhara. Kyonkai omukataba ogwo tigulitura. Omukazi ogwo n'omushaijwe n'omwana wabo n'abairu abo baliba baragiize imwisiki ogwo baliba.”

Danieli 11:6 Iomraidhean Croise

Yobu 38:15

Ababi tibajwerwa mushana, baburwa amani g'okukora obukatili.

Ezaburi 10:5

Eby'akora bigoshoka buli, kityo taijuka n'akati okw'oba muramuzi, ababishabe bona abanonkya.

Ezekieli 30:21

“Mwana w'omuntu, Farao omukama wa Misiri muhenzire omukono. Mara leba tigukashembirwe kutambirwa gukagira mani ga kukwata mbanda.

Danieli 11:13

Omukama wa Siria alishuba omuka ahumbanise eihe lihango elishagire elyo aliba ainalyo obubere. Akanya k'endashana orwo kaligoba, alishuba atabare n'eihe litali like, lina ebikwato bingi muno by'endashana.”

Danieli 11:15

Kityo Omukama wa Siria alibunda ekigo ky'eboma akisinge. Abaisherukare ba Misiri balilekera kurashana. Nangu n'emanzi z'amani omuli bonene tibalibona mani gamazire.

Danieli 11:40

“Aha maheleruka, Omukama aliruga Misiri kumutera, kyonkai Omukama wa Siria alisilikya owa Misiri nk'akazimu. Alija n'amagali n'ab'efarasi, n'emeli zingi. Alitabalira ensi zitali zike nk'okw'obona omutunga.

Danieli 11:7

“Ebiro bitakeire birora, omunyabuzare w'omukazi ogwo aliba Mukama. Alitabalira eihe ly'Omukama wa Siria. Ekigo kyabo ky'eboma akishenshere, abaite.

Zekaria 11:16

Enshonga nataireho omushumba w'ensi atalikufaho ntama ezilikufa, anga kuhiga ezilikutamanga, anga kutambira ezihutaire, anga kugabira ezigumire. Ezigomokire nazilya nangu kuziguturaho n'ebinono.