Danieli 11:4 - Ebibulia 2001

⁴ Kyonkai orwo eiranga lya wenene liliba lyakura kuhwayo, engomaye elibeganuka erugwemu ezindi inai. Abakama abalitwara tibaliba ba rura rwa wenene, kandi tibalimwigana bushobora. Obukama alibwihwaho rwamani butwarwe abandi.”

Danieli 11:4 Iomraidhean Croise

Ezaburi 39:6

Mazima omuntu nashusha ekinyumanyumi. Omuntu atuuma ebintu atalikumanya bililibw'ohai; ebintu ebyo kaziro mutuumo gwa bushai!

Mwegesa 4:8

Nk'omuntu ataina babo, yaba mwana anga omurumuna, kukora emilimo akahendeka obutalekera, buli kirungi kimushemelera, kyonkai tayebaza kugira ati, “Owo mpendekera, nkeimira ebirungi, ab'ohai?” Eki nakyo ni busha mara ky'obujune.

Yeremia 12:15

Kandaba nagarandwire ndagagilira embabazi, buli ihanga ndigarure omu butaka bwalyo, omu nsi yalyo.

Yeremia 12:17

Kyonkai kahaligira eihanga elyayanga kuhulira, aho ndilirandulira kimoi mara ndichwe. Alikugamba n'inye Omukama.”

Yeremia 18:7

Akanya kona kona kanakugamba kurandura eihanga anga engoma, anga nkagamba kubikambura nkabisilikya!

Yeremia 31:40

Oruhanga rwona mbali baziika abafu bakokezamu ewangaija n'amataka gona agali obunyaruguru bw'Akaiga ka Kedoroni, kulemwa kuturuka aha nshonda y'Ekihigi ky'Empunda kwolekera oburugaizoba, egyo yona eliba nsi yange entakatifu. Ekigo tikilikambuka rundi anga kusilika.”

Yeremia 45:4

“Kyonkai inye, Omukama, ninkambura ago nayombekire; ninyukura ebyo nabyaire. Ensi yona nikwo ndikwija kugigira nti.

Yeremia 49:36

Aba Elamu abo ndabasindikira omuyaga ogwa buli rubaju, mbaanaganage mbamalire omu nsi zona; taliho ihanga elyo batasingiirwemu.

Ezekieli 37:9

Ahanyuma Omukama angambira ati, “Mwana w'omuntu, rangira omuyaga, ogugire oti, Omukama Ruhanga nagamba ati: Iwe muyaga, ruga omu mbaju zona mbali oyema, otahe omu baisirwe aba, barore.”

Danieli 7:2

Agira ati, “Ekiro kimoi omw'itumbi ngya mbonekerwa, mbona omuyaga niguruga embaju inai nigutabangura enyanja mpango.

Danieli 7:6

Kumara kubona eki ngya mbona ekilikushusha empisi. Aha mugongo kiinaho amapapa ganai nk'ag'ekinyonyi. Emitwe kikaba kiina enai, mara nikizoka kiina obushobora.”

Danieli 7:8

Ndeeba amahembe, ago garugwamu elindi, kyonkai elyo like, likuura amahembe gashatu agalyebembeire. Eihembe eli likaba lina amaisho nk'ag'omuntu, mara niligambisa eikuru.

Danieli 8:22

Kandi okwo lyakuuka, omu mwanya gwalyo hakamerwamu amahembe agandi ganai, nikwo halibaho engoma inai, zilitabuka omu ngoma ya Bugiriki. Kyonkai abakama abalitwara engoma ezo tibaligira mani nka Mukama wa mbere.

Danieli 8:8

Nikwo empaya y'embuzi kwebuga ekekorogota. Kyonkai kandi omu ndashana yayo egyo, egya ekuuka eihembe lyayo. Mbali elyo lyaruga hamerwamu amahembe agandi ganai agarungi, buli limoi lyolekeire halyo.

Zekaria 2:6

Omukama nagamba ati, Inywe! Inywe! Musingwe muruge omu nsi ya bikara, aha rw'okuba mbamalire omu mahanga nabamazaho ensi yona.

Zekaria 6:5

Omumalaika amporora ati, “Efarasi ezi nizija kuturuka kugya omu nsi zona, zaruga aha Mukama w'ensi yona.

Matayo 12:25

Yesu orwo yamanyire ebitekelezo byabo abagambira ati, “Buli ngoma k'ebeganuka yonene yonkai esiliika. Kandi taliho kigo anga nju ebeganuka ekashuba ekemelera.

Luka 12:20

Kyonkai Ruhanga amugambira ati, ‘Iwe mufera! Omw'itumbi omu ninkwenza omwoyo gwawe. Ebintu eby'otura nohiiga biliba by'ohai?’

Okushurulirwa 7:1

Ebyo kabyahingwire, nikwo kubona abamalaika banai bemeleire aha ndekelero inai z'ensi, nibanyurura engeli inai z'omuyaga, omuyaga na gumoi gutaija gukahuta nsi anga nyanja anga gukasindika muti gwona gwona.