Danieli 11:2 - Ebibulia 2001

² “Mbwenu aha naija kukugambira amazima. Omuli Perisia nihaija kubamu abakama bashatu. Kyonkai Omukama wa kanai aliba mutungi muno kubashaga. K'alimara kutunga akaganagana, aliimukya amahe ga wenene gona atabalire Bugiriki.”

Danieli 11:2 Iomraidhean Croise

Ezira 4:24

Elyombeka lya Rwensinga ya Ruhanga omuli Yerusalemu lilekera, lyemelera kuhika omu mwaka gwa kabili gw'obutwazi bwa Dario omukama wa Perisia.

Ezira 4:7

Omu biro bya Aritashasita, Bishilamu na Mitiredati na Tabeeli na batahi babo abandi bahandikira Aritashasita omukama wa Perisia. Ebarua ehandikwa omu Ruaramaiki bashuba bagihindura omu ndimi ezindi.

Esita(Hebrew) 1:1

Omu makiro ga Ahasuero, niwe Ahasuero ayatwaraga kwema Buhindi kugoba Etiopia, natwara emikoa 127,

Emigani 22:21

kukwoleka ebirungi mara eby'amazima, obone kutwalira abakutumire empororo elikwo?

Danieli 10:1

Omu mwaka gwa kashatu Koreshi Omukama wa Perisia aliire engoma, Danieli owo bayetaga Beliteshaza, agya ashurulirwa ekigambo. Ekigambo ekyo kikaba kili ky'amazima, nikimanyisa okwo haliho endashana y'amani. Wenene akishobokerwa, ashobokerwa n'ebyo yabonekeirwe.

Danieli 11:25

Alimanzara ahumbanise eihe lihango kutabalira Omukama wa Misiri, kyonkai ogwo nawe alishangwa yatekatekire eihe elye ely'amani kubinga owa Siria, kyonkai kaziro balimushenga, talishobora.

Danieli 7:5

Nshuba mbona ekya kabili, ekyo kikaba nikishusha edubu. Kiimuka orubaju rumoi, omu maino kiinamu amagufa g'embanda gashatu. Kigambirwa kwimuka kulya enyama nyingi.

Danieli 8:21

Kandi empaya y'embuzi neshura engoma, ogwo Mukama wa Bugiriki. Eihembe lihango eligili omu maisho gombili omugati ogwo Mukama wa mbere wa Bugiriki.

Danieli 8:26

Eby'obwankyai n'obwaigoro eby'ogambirwe omu kubonekerwa okwo bilibaho, by'amazima. Kyonkai ebyo eby'obonekeirwe obibiike omu mutima, kuba tibilikwija kubaho juba, biliizira eirai.”

Danieli 8:4

Empaya egyo esilikira obugwaizoba na bikara na kasi. Taliho kigunju kyashoboire kugyeteera mu kaso kugitanga, kandi ekigunju ekyo yatera ni kukitelera kimoi. Ekakikora akataka, yamara yayebona okwo eina amani.

Amosi 3:7

Omukama taina ky'akora atabandize kusherulira bairube abarangi enamaye.

Yohana 10:35

Ka balinya Ruhanga araba yabesire baruhanga abo yagambire ekigambokye, mara kandi ebihandiko bitakatifu tibina kuhinduka,

Okushurulirwa 21:5

Ayabaire abandaire aha nketo agamba ati, “Olebe ebintu byona nabihindura bihya.” Ashuba agamba ati, “Handika eki: Ebigambo ebi by'amazima mara by'okwikilizibwa.”