Danieli 11:12 - Ebibulia 2001

¹² Alyeshanda kubona yasinga endashana egyo n'abaisherukare bangi abo yaita. Kyonkai taliikara asingiire.

Danieli 11:12 Iomraidhean Croise

2 Abakama 14:10

Ky'amazima Lebanoni ogiteire, washuba wayeshaijaza. Eiranga ely'oinalyo nilikumara, mbwenu oikare omuka; kiki kweletera enaku zikaija zikakutwalijanyia na Yuda?”

2 Amakuru 25:19

Mbwenu iwe Amazia noyeshalingya okwo oteire Abaedomu. Inye ninkutegekera oikare omuka; oleke kwekoroolera enaku zikaija zikakuzalira orushengo iwe n'ensi ya Yuda.”

2 Amakuru 26:16

Kyonkai kayagizire amani yagira n'eikuru lyamwisa. Yata kulemba Omukama Ruhangawe, nataha Rwensinga kwotera obunuma aha ealutare y'obunuma.

2 Amakuru 32:25

Kyonkai agira eikuru lingi muno, tiyayolekize siimi aha rw'ebirungi eby'Omukama yabaire amukoleire. Mara Yuda na Yerusalemu bashasha aha rw'enshonga egyo, na wenene abulimu.

Emigani 16:18

Eikuru lirugwamu orufu rubi, ayekuza ashuba enyuma.

Ezekieli 28:17

Oburungi bwawe bukakugiza eikuru; obumanyi bwawe wabwita aha rw'obushemere bwawe. Nkakukuntura ahansi nakutarangya omu maisho g'abakama kabakutangalira.

Ezekieli 28:2

“Iwe mwana w'omuntu, ogambire omukama wa Tiro oti, Omukama Ruhanga nagamba ati: Orwo ogira eikuru, okeyeta ruhanga, nogamba okwo oshuntamire aha nketo ya baruhanga omu nyanja engundu, kandi okwo oli muntu, toli ruhanga n'orwo olikutekeleza kuba mumanyi nka ruhanga,

Ezekieli 28:5

Obumanyi bwawe bungi omu kutunda bukubonesize eitunga elishagireho, kyonkai eitunga lyawe lyakugiza eikuru.”

Danieli 11:11

Omukama wa Misiri alinigara, atabalire Omukama wa Siria, n'eihelye elihango alikwate.

Danieli 11:13

Omukama wa Siria alishuba omuka ahumbanise eihe lihango elishagire elyo aliba ainalyo obubere. Akanya k'endashana orwo kaligoba, alishuba atabare n'eihe litali like, lina ebikwato bingi muno by'endashana.”

Danieli 5:23

Ogizire eikuru wajeemera Omukama ow'omw'iguru; bakuletera ebikwato bya Rwensingaye wabinyweramu edivai, iwe n'abami bawe n'abakazi bawe, n'ensholeke zawe. Mwasingiza ebishushani bya baruhanga abakozirwe efeza, ezahabu, omulinga, ekyoma, omuti n'amabare, ebitabona, anga ebitahulira, anga ebitamanya. Kyonkai Ruhanga ow'oburora bwawe bwemeleireho, ogwo akwemamu omuli byona eby'okakora tomuhaire kitinwa.

Danieli 8:25

Obwenge bwa wenene bulimugiza obujagujagu bw'okukora ebyo alyenda, kandi aliba muntu alikwebona. Aliita abantu bangi atabandize kubatatira, nangu n'Omukama atwara abakama alimushenga orubona. Kyonkai alifa kubi omuntu n'omoi atamukozireho.

Obwijukiro 8:14

mutalihindura mitima mukebwa Omukama Ruhanga wanyu ayabaihire Misiri omu bwiru,

1 Timoteo 3:6

Atashangwa ali muntu abaire mukirisito juba, kitali kityo yakwija ayeshalingya akwatwa omushango ogwakwete Sitani.

1 Petero 5:5

Kutyo nainywe abali bato muhulire abagurusi banyu. Mugilirangane obwetohya, nomanya, “Ruhanga tayenda baina ikuru, kandi abetohya nibo agilira ekisha.”