Danieli 10:16 - Ebibulia 2001

¹⁶ Ahanyuma omumalaika emishusire muntu, ankwata aha minwa, nkinguka akanwa, mbanza kugamba. Okwo akanyemeleire omu maisho mugambira nti, “Mukama wange, ebyo mboine omu kubonekerwa bindeteire obunenwa, n'amani tinyinago.

Danieli 10:16 Iomraidhean Croise

Okuruga 4:10

Kyonkai Musa agambira Omukama ati, “Waitu Mukama wange, inye tindi ngambagambi, ebe nyeigoro anga ijo, anga kwema okagambire n'omwiru wawe; inye ngamba mpora ngira n'akaneta.”

Okuruga 4:13

Kyonkai Musa ati, “Waitu Mukama wange, ninkutagiliza batume omuntu ondijo.”

Mwegesa 1:18

Okuba omu bumanyi bungi habamu enaku zingi, kandi omuntu ayeyongera omu magezi ayeyongera omu bushasi.

Isaya 6:7

Ankora aha munwa, agamba ati, “Leba eikara lyakukora aha munwa, entambara yakurugaho, obufu bwawe bwagarulirwa.”

Yeremia 1:9

Aho Omukama aimukya omukono ankwata aha munwa, angambira ati, “Leba, ebyo oragamba nabikuha.

Ezekieli 1:26

Eiguru elyabaire libili aha mutwe, nalyo eiguru yalyo hakaba haliho ekilikushusha enketo y'amabare ga safiro. Kandi enketo egyo ekaba eshuntamirweho alikushusha omuntu.

Ezekieli 3:27

Kyonkai orwo ndashuba kukugambira, ndakuha obushobora kugamba, obagambire oti, ‘Omukama Ruhanga nagamba ati,’ Arahulira ahulire. Arayanga kuhulira ayange; manya ihanga ly'abashengi.”

Ezekieli 33:22

Obwaigoro obwabaire bwebembeire okwijakwe, nkaba mpuliire okwo Omukama omushobora yabaire asingiire omuli inye. Bukeire bwankya orwo ensingwa yagobire, Omukama wenene yanshoboza kugamba. Nakinguka akanwa, tinashubire kuba mutita rundi.

Danieli 12:8

Nkahulira kushai, tinashobokeirwe. Aho mbaza nti, “Mukama wange, omu halirugwamuki?”

Danieli 4:19

Danieli ayayetwaga Beliteshaza atwaraho akanya ashobeirwe, aburwa eky'okugamba. Omukama Nebukadineza agamba ati, “Beliteshaza, ekiroto n'okukitoitora bitakuchunchubaza.” Beliteshaza ahorora ati, “Rugaba, ekiroto eki kikwete aha balikukunoba, kandi omwitoitoro gwakyo gugweleire ababisha bawe!

Danieli 7:15

“Kyonkai inye, Danieli, ebyo nabonekeirwe bikantinisa, byanyita kubi muno.

Danieli 7:28

“Ebigambo ebi byahwera aha. Inye, Danieli, ebyo natekeleize bikanshasa muno, naziguka obuso. Kyonkai ebigambo ebi nkabibiika aha mutima.”

Danieli 8:15

Kanabaire ndiho nimpanyahanyia kushobokerwa ebyo nabonekerwa, leba alikushusha omuntu anyemeleire omu maisho.

Danieli 8:17

Kityo Gaburieli agoba mbali nyemeleire. Kanamuboine ntina, njumara ahansi, ndi wenene angambira ati, “Iwe muntu nyakufa, ebi ebyo wabonekerwa nibishusha amaheleruka.”

Danieli 8:18

Kayabaire ali omu kungambira atyo, nagira ntoka, mara nagira njumaire ahansi. Kyonkai wenene anterateraho anyemeleza.

Danieli 8:27

Ebyo kabyahoire, inye, Danieli, ndemwa muno, n'okurwara ndwara, nshega ebiro bingi. Obugenda bw'eirai nkira, ngya nkora omulimo ogw'Omukama yabaire ankwasize, kyonkai ebyo nabonekeirwe ebyo, bikantangaza mara tinabishobokeirwe.

Danieli 9:21

Kanabaire nkyashoma enshara, Gaburieli, owo nabaire mboine omu kubonekerwa okwa mbere, aija mbali ndi naharara. Likaba lili izoba ly'okutambiraho ekitambo kya bwaigoro.

Luka 1:64

Niho honkai akanwa kakinguka, orulimi rukomorogoka, agamba asingiza Ruhanga.

Luka 21:15

Ndibashoboza kugamba eby'obumanyi, ebyo ababisha banyu batalishobora kwemera anga kubihinduliza.

Yohana 20:28

Tomasi amuhorora ati, “Mukama wange, Ruhanga wange!”

Yoshua 5:14

Amuhorora ati, “Chei, shana naija ndi mukuru w'eihe ly'Omukama, mara naija mbwenu.” Yoshua agwa ahansi ajumaire, afukama, mara agamba ati, “Mukama wange noragiraki omwiru wawe?”

Okushurulirwa 1:13

omugati y'ebinaara ebyo halimu alikushusha Omwana w'Omuntu, ayambaire ekanzu ibili, omukandara gumurabire omu kifuba.

Abaramuzi 13:8

Aho Manoa atagiliza Omukama ati, “Waitu Mukama, ninkutagiliza, omushaija wa Ruhanga ow'obaire otumire atugarukire, atwegese ebyo turakolera omwana arazarwa.”

Abaramuzi 6:13

Gideoni amugambira ati, “Rugaba, k'Omukama araba aina ichwe, ahonu kubaki ebi byona bitugwireho? Isi ebitangazobye ebyo batataichwe batubaruliraga bati, ‘Omukama akatwihya Misiri!’ Kyonkai mbwenu Omukama atuhoiremu yatunaga omu mikono y'Abamidiani.”

Abaramuzi 6:15

Gideoni amubaza ati, “Waitu Mukama, nakurokora ntai Isiraeli? Leba oruganda rwange rujege muno omuli Manase, kandi nanye ndi muke muno omu ka ya tata.”