Danieli 10:1 - Ebibulia 2001

¹ Omu mwaka gwa kashatu Koreshi Omukama wa Perisia aliire engoma, Danieli owo bayetaga Beliteshaza, agya ashurulirwa ekigambo. Ekigambo ekyo kikaba kili ky'amazima, nikimanyisa okwo haliho endashana y'amani. Wenene akishobokerwa, ashobokerwa n'ebyo yabonekeirwe.

Danieli 10:1 Iomraidhean Croise

Embandizo 41:32

Okurota kabili kwa Farao nikwoleka okwo ekigambo ekyo kitairweho Ruhanga, mara naija kukigobesheleza bwangu.

2 Amakuru 36:22

Omu mwaka gwa mbere Koreshi omukama wa Perisia alire engoma, eky'Omukama yabaire agambire omu kanwa ka Yeremia kibone kugobelera, asindika Koreshi kutaho omuku ogu n'okugutweka guhandikire n'okugushoma omu rwatu omu ngomaye. Akagir'ati,

Ezira 3:7

Kityo baha abombeki n'abaselemara empiha, babaha n'ebyakulya n'eby'okunywa, kandi baha Abasidoni n'Abatiro amajuta babone kwihya emiti y'emielezi Lebanoni kugileta aha nyanja, kugigobya Yopa, kuhonderana n'orubara orwo Koreshi omukama wa Perisia yabaire abahaire.

Ezira 4:3

Kyonkai Zerubabeli na Yeshua n'abagurusi abandi b'amahiga ga Isiraeli babagambira bati, “Titulikubetaga mu kwombekera Mukama waitu Rwensinga, ichwe chwenkai turamwombekera nk'okwo Omukama Koreshi owa Perisia yaturagiire.”

Ezira 4:5

bakodi abakuru ba Serikali kubatanga elyombeka lyabo, ebiro byona bya Koreshi omukama wa Perisia, nangu kugoba aha butwazi bwa Dario ayamuhondeire.

Ezira 6:14

Abagurusi b'Abayahudi elyombeka balitwaza kurungi, n'abarangi Hagai na Zekaria eya Ido bata kubatamu ekihika. Elyombeka balimara kurungi kuba bakahulira omuhango gwa Ruhanga wa Isiraeli n'omuku gwa Koreshi na Dario na Aritashasita abakama ba Perisia.

Ezira 6:3

“Omu mwaka gwa mbere Omukama Koreshi aliire engoma, akataho omuku gw'okwombeka buhya Rwensinga ya Ruhanga omuli Yerusalemu, mbali ebitambo bitambirwa na mbali ebihongo by'okwokibwa biletwa. Obwemi bwayo bube mita 27 n'obukika mita 27.

Isaya 44:28

Ngamba okwo Koreshi aliba mushumba wange, aligobesheleza byona ebyo ndikwenda; aliragira Yerusalemu k'eyombekwa buhya, na Rwensinga ekombekwa omusingi.”

Danieli 1:17

Abasigazi abo banai Ruhanga abasingira bamanya okuhandika kurungi bagira n'obumanyi. Okubonekerwa kwa buli ngeli n'ebiroto, Danieli yabishobokerwaga.

Danieli 1:21

Danieli akaikara omu buramata kulemwa kugoba omu mwaka gwa mbere ogw'Omukama Koreshi yaliliiremu engoma.

Danieli 1:7

Omukobe mukuru abashambagiza. Danieli emweta Beliteshaza, Hanania emweta Shadiraki, Mishaeli emweta Meshaki na Azaria emweta Abedinego.

Danieli 10:14

nkaija kukumanyisa ebiligwa aha ihanga lyawe omu makiro agalija. Eby'oboine omu kubonekerwa tibilikwija kubaho juba, biligobelera irai.”

Danieli 11:2

“Mbwenu aha naija kukugambira amazima. Omuli Perisia nihaija kubamu abakama bashatu. Kyonkai Omukama wa kanai aliba mutungi muno kubashaga. K'alimara kutunga akaganagana, aliimukya amahe ga wenene gona atabalire Bugiriki.”

Danieli 12:4

Kyonkai iwe Danieli, ebigambo ebi obibiike, n'ekitabo okiteho omuhuri kulemwa kugoba aha maheleruka. Abantu batali bake balitabuuza kushobokerwa ebyo ebilibaho.”

Danieli 12:9

Amporora ati, “Ogende, ogende, Danieli, empororo teliho kuhika aha maheleruka.

Danieli 2:21

Ahindura amakiro n'ebirumo, aihyaho abakama aha nketo ataho abandi, abamanyi abaha obumanyi, n'ab'amagezi bagahabwa wenene.

Danieli 4:8

Aho Danieli ayayetwaga Beliteshaza nk'eibara lya ruhanga wange aija, wenene baruhanga bakaba bamwemiremu, murotorolera ekiroto nti,

Danieli 5:12

Danieli ow'Omukama yashambagiize akamweta Beliteshaza akaba aina omutima gurungi muno, n'obumanyi, n'obushobokerwa bungi bw'okushoborora ebiroto, n'okushoborora enfumo n'okuhanuura ebigumire. Mbwenu bete Danieli nawe arakushoborora.”

Danieli 5:17

Danieli ahorora Omukama ati, “Rugaba, ebigambo ebyo oikare nabyo, n'erongoro ogirongore omuntu ondijo, kyonkai inye ndakushomera ebihandiko ebyo mara nshoborore enshonga yabyo.

Danieli 6:28

Danieli yaba nikwo agira atyo emirembe omu businge bwa Dario, n'obwa Koreshi Omuperisi.

Danieli 8:16

Mpulira eiraka ly'omuntu lyemire omu Mwiga gwa Ulai nilyeta liti, “Gaburieli, shoborora omushaija ogwo ebyo yabonekerwa.”

Danieli 8:26

Eby'obwankyai n'obwaigoro eby'ogambirwe omu kubonekerwa okwo bilibaho, by'amazima. Kyonkai ebyo eby'obonekeirwe obibiike omu mutima, kuba tibilikwija kubaho juba, biliizira eirai.”

Luka 1:20

Leba noija kwesiza, tolikwija kugamba kulemwa kugoba mbali ebigambo ebi biliberaho. Aha rw'enshonga ebyo nakugambira tiwabiikiliza, Kyonkai akanya kabyo kakaligoba bilibaho.”

Okushurulirwa 19:9

Kandi omumalaika angambira ati, “Handika ekigambo eki: Baberwa abaraliziibwe aha muraagiro gw'obugenyi bw'obushwere bwa Kataama.” Ashuba angambira ati, “Ebigambo bya Ruhanga ebi by'amazima.”