Danieli 1:4 - Ebibulia 2001

⁴ Abasigazi abataina kamogo, bemirege, mara ababuya aba buli ngeli, abaina obumanyi bungi, enshobokerwa abakugasha kukora omu kikaare ky'Omukama, abo begesibwe kushoma n'okuhandika Orukalidayo.

Danieli 1:4 Iomraidhean Croise

Embandizo 41:46

Yozefu akaba aina emyaka makumi gashatu orwo yabandize kukolera Farao omukama wa Misiri. Aruga omu kikaare kya Farao agya kurambura ensi yona ya Misiri.

2 Samweli 14:25

Omuli Isiraeli yona hakaba hatalimu muntu wa kuhaisilizibwa muno aha rw'oburungibwe nka Abusalomu. Kumwema aha mutwe kumuturuka aha kalenge hakaba ataina kamogo.

Emigani 22:29

Omuntu alikukoza omulimogwe obubuya nomubona? Ogwo aliramata abakama, taliramata bantu ba ndilyo.

Mwegesa 7:19

Omumanyi obumanyi bumuha amani, ashaga abatwazi ikumi omu kigo kimoi.

Isaya 36:11

Ahanyuma Eliakimu, Shebuna na Yoa, bagambira omukuru ogwo wa Asiria bati, “Abairu bawe obagambire Oruaramaiki; niturushobokerwa. Oruyahudi otarutugambira. Abantu bona atuli ahali eboma bahuliliize.”

Yeremia 5:15

Kandi inywe Baisiraeli, nabasindikira eihanga ly'aharai. Inye, Omukama, n'inye nakigamba. Eihanga elyo ly'amani mara lya karai, ihanga elyo mutalikumanya rulimi rwalyo, n'ebyo balikugamba timwina kubishobokerwa.

Danieli 2:10

Abakalidayo bahorora Omukama Nebukadineza bati, “Waitu omu nsi egi talimu muntu n'omoi ayakushobora kugambira Mukama kigambo ekyo nk'okwo olikuragira. Takabagaho Mukama, alikaba muhango ngeliki anga aina bushoboraki arabalize bafumu anga mbandwa anga Bakalidayo kigambo nk'ekyo.

Danieli 2:2

Aho Omukama atumaho abafumu n'embandwa b'Abakalidayo baije bamushoborore ekirotokye, baija bemelera omu maishoge.

Danieli 3:8

Omu kanya ako Abakalidayo bamoiho baija balega Abayahudi.

Danieli 4:7

Nirwo abafumu, n'embandwa, n'Abakalidayo n'abahanuzi b'enyanyinyi baizire. Mbarotorolera ekiroto kyange, kyonkai balemwa kukitoitora.

Danieli 5:11

Omu bukama bwawe halimu omuntu omoi owo Ruhanga omutakatifu alikuhabukira. Kandi n'omu businge bwa sho akaba nabona, aina amagezi n'obumanyi nka baruhanga. Nikyo Omukama Nebukadineza yamuhinduliire kuba mukuru w'abafumu, embandwa n'Abakalidayo, n'ababuya b'enyanyinyi.

Danieli 5:7

Omukama aragira n'eiraka lihango kweta abafumu, Abakalidayo n'ababuya b'enyanyinyi. Agambira abamanyi abo ba Babiloni ati, “Wena wena arashoma ebihandiko ebi, akanshoborora enshonga yabyo, ndamujweka omwendo gwa zambarau, muteke omukofu gw'ezahabu omu ngoto, abe mutwazi wa kashatu omu bukama bwange.”

Danieli 9:1

Omu mwaka gwa mbere Dario atwete engoma, Dario eya Ahasuero Omumedi, Omukama w'Abakalidayo,

Zekaria 2:4

Amugambira ati, “Iruka ogambire omusigazi olinya oti, ‘Yerusalemu baligituramu okwo batura omu byaro bitaina boma aha rw'abantu bamwo bangi muno kandi n'ente zabo kukanya muno.

Ebikorwa 7:20

Omu makiro ago Musa azarwa, mara akaba ali mwana enshemere, okwo Ruhanga yabaire amutonzire. Bamulera emyezi eshatu omwabo.

Ebikorwa 7:22

Musa bamwegesa obumanyi bwa buli ngeli obw'Abamisiri, aba mushaija w'amani omu bigambo n'omu bikorwa.

Abaefeso 5:27

ashobore kukwasa enteko enshemere, etaina kibara anga mikanya, handiki kyona kyona nk'eki, enteko egyo eshobore kuba ntakatifu obuzira kamogo.

Abaramuzi 8:18

Aho agambira Zeba na Salumuna ati, “Abashaija abo mwaitiire Tabori bhakaba bemire batai?” Bahorora bati, “Okwo oli, nikwo babaire bali bona. Bhakaba nibashusha abana b'omukama.”