Abafilipi 4:8 - Ebibulia 2001

⁸ Eky'enzindo barumuna bange, kyona kyona ekiraba kili ky'amazima, kili ky'ekitinwa, kili omw'iteka, kitaina kamogo, kili kirungi, nikigonzibwa, ka haraba haliho ekirungi kyona kyona, ka haraba haliho ekisaine kusiimwa, ebi mube nibyo mutekeleza.

Abafilipi 4:8 Iomraidhean Croise

Embandizo 18:19

Chei, kuba namuronkire kwija kukomeleza abaanabe na baijukurube kumpulira, bakakora ebili birungi mara eby'amazima. Kabalikora batyo ndimukolera buli kimoi ekyo ndagaine.”

2 Samweli 1:23

Shauli na Yonatani babaire bali barungi nibagonzibwa! Omu burora n'omu kufa tibataishukaine; babaire barahuka kushaga enkwaju, amani nibakira entare.

2 Samweli 23:3

Ruhanga wa Isiraeli agambire, Rwazi rwa Isiraeli angambiire. Orwo omuntu atwaza abantu amazima, hakabatwara natina Ruhanga,

Ezaburi 82:2

“Muliberahai n'okuramura obuzira haki, n'okugilira abafakare ekigonzi?

Emigani 11:1

Omunzani ogutaina mazima gutama Omukama, kyonkai ebipimo ebilibyo bimushemelera.

Emigani 12:4

Omukazi murungi aba rukinga ahali iba, kyonkai omuhemu ahali iba ashusha endwara ya kansa.

Emigani 16:11

Omukama niwe agira omunzani ogutaiba, n'amabare gagwo gona niwe yagatonzire.

Emigani 20:7

Omugorogoki akora okwo ali mugorogoki, abaanabe kabamurondora baba baberwa.

Emigani 31:10

Kigumire kitai kubona omukazi emanzi! Oburungi nakira harai amabare g'eiguzi.

Emigani 31:29

“Abakazi bangi bakorage, kyonkai iwe nobashaga bona.”

Emigani 31:31

Eby'akora mubimusiimire, n'emilimoye emuhaise ekitinwa omu nkiiko.

Oruhoya 5:16

Inywe baana bahara ba Yerusalemu, emigambireye nenura muno, murungi wena. Ogu niwe mugonzibwa wange, mara niwe mutahi wange.

Isaya 26:7

Abagorogoki baikarage, nyakatetere amutunga oburora bw'emilembe.

Matayo 22:16

Bamutwekera abegesibwa babo, hamoi n'ab'omuteko gwa Herode, nibagamba bati, “Mwegesa, nitukumanya okwo oba w'amazima, n'emihango ya Ruhanga ogyegesa kabutekire, eby'abantu tobifaho. Ekitiinwa ky'abantu tokyetaho.

Mariko 6:20

kuba Herode yatinaga Yohana aha rw'okumumanya okwo ali mugorogoki mara mutakatifu, kityo yaba namulinda. Kayamazire kumuhulira yaikara nahwahwana muno omwoyo, kandi okwo yamuhuliilizaga n'amashemelerwa.

Luka 16:15

Kyonkai Yesu abagambira ati, “N'inywe mweyolekya okuba barungi omu maisho g'abantu, kyonkai Ruhanga namanya emitima yanyu. Manya ebyo abantu basiima, biba bizira ahali Ruhanga.

Luka 2:25

Aho omuli Yerusalemu hakaba halimu omushaija nayetwa Simeoni, akaba ali mugorogoki mara muntu wa Ruhanga, ayategelezaga okuchungurwa kwa Isiraeli, kandi na Mwoyo Mutakatifu akaba amulimu.

Luka 23:50

Akaba aliho omushaija nayetwa Yozefu, naruga omu kigo kimoiho ky'Abayahudi ekyayetwaga Arimatea. Akaba ali mugurusi omu rukiko, muntu murungi mara mugorogoki.

Yohana 7:18

Omuntu ayagamba nakoza obushobora obwe nyabwe ogwo aba nahiga ekitinwa. Kyonkai alikuhiga ekitinwa ky'ayamutumire ogwo n'iwe w'amazima, kandi naba ali muhikiilire.

Ebikorwa 10:22

Bamuhorora bati, “Koroneli omukuru w'abaisherukare, omuntu omurungi atina Ruhanga, mara asiimwa eihanga lyona ly'Abayahudi, aragiliirwe omumalaika mutakatifu kukutumaho kwija owa wenene, ahulire eby'oramugambira.”

Ebikorwa 22:12

“Omushaija omoi Anania, omunyadini, alikukwata Amateka, ayabaire nasiimwa Abayahudi bona ba Damasiko,

Ebikorwa 6:3

Aha rw'ekyo barumuna baitu, omuli inywe murondemu abashaija mushanju abaina eibara lirungi, abaijwire Mwoyo Mutakatifu n'obumanyi, abo turakwasa omuruka ogu.

Abaroma 13:13

Turore nk'okwo kisaine kurora omu mushana, tutagira mururu anga kutamiira, tuleke obusiyani n'eby'enshoni, tuleke endwano n'eihagiko.

Abaroma 13:3

Manya abatwazi tibakanga barungi shana ababi. Wakuburwa kutina abatwazi? Ahonu okore kurungi nirwo omutwazi arakusiima,

Abaroma 14:18

Alikukolera Kirisito omu ntwaza egi akundwa Ruhanga mara asiimwa abantu.

Abaroma 2:29

Omuyahudi kwo araba ali Muyahudi omunda, kandi n'okutahirirwa nyakabara n'okutahirirwa aha mutima, okw'omu mwoyo ti mu bigambo. Talikusiimwa bantu, nasiimwa Ruhanga.

1 Abakorinto 4:5

Aha rw'ekyo mutaramura kaanya katakagobire, Omukama atakaizire, n'iwe alileta aha mushana ebishelekire omu mwilima ashurure n'ebitekelezo by'emitima: Aho nirwo buli muntu alibona esiimiye ahali Ruhanga.

2 Abakorinto 13:7

Ekikuru nitushaba Ruhanga mutakukora kubi, kitaija kikazoka okwo nichwe tuli babi. Nitumushaba mukore kurungi, n'orwo turaba nituzoka okwo tulemirwe.

2 Abakorinto 6:8

orwo tulikukunirwa n'orwo tulikugaywa, tulikaitwa ibara anga tulikagambwa kurungi.

2 Abakorinto 8:18

Twamutweka na murumuna waitu omoi alikumanyika omu nteeko zona aha rw'eiranga ly'okuranga evangeli.

2 Abakorinto 8:21

Nitugonza kukolera Omukama n'abantu.

Abagalasia 5:22

Ebiraba bya Mwoyo ziba ngonzi, ebyera, emilembe, obwegumisiliza, obufura, oburungi bw'omutima, obwesigwa,

Abaefeso 4:25

Ahonu mulekere ebishuba, omuntu na mutahiwe mugambe amazima, ahakuba ichwe chwenene tuba ngingo z'omubili gumoi.

Abaefeso 5:9

nobona omushana nigwo gurugwamu kaishe kantu akarungi, akagorogokire mara ak'amazima.

Abaefeso 6:14

Mwemelere nk'emanzi, omukandara gwanyu omu nyugunyu gabe mazima, omu kifuba obugorogoki mube nibwo mujwara nk'engabo,

Obwijukiro 16:20

Amazima, mara amazima gonkai obe nigo ohondera, nirwo olirora okasika n'ensi ey'Omukama Ruhanga wawe alikukuha.”

Abafilipi 3:1

Eky'enzindo barumuna bange, mushemelerwe aha rw'omujwangano gwanyu n'Omukama. Okubahandikira ebigambo byonene byonene inye tikulikundemesa, kandi nainywe ekyo nikibagasira.

Abakolosai 4:5

Ab'aheru mubaturemu n'obwegendeleza, kandi n'omwanya mutagwita bushai.

1 Abatesalonika 4:12

Aho nirwo abatakaikiliza barabakunira, mara mutakushabiliza mu bandi.

1 Timoteo 2:2

Mushabire abakama n'abatwazi bona tubone oburora bw'emilembe, obw'obuchulezi, oburora obwolekeire ahali Ruhanga, mara tube bantu abasaine kukunirwa omuli byona.

1 Timoteo 3:11

Abadiakonikazi nabo nibargirwa kushangwa batali bantu ba muzano. Babe batalikugeya banu, bagire okwebalira, kandi babe besigwa omuli buli kantu.

1 Timoteo 3:4

Aragiirwe kumanya kugelera kurungi ekaye, abe muntu alikuhulirwa abanabe, kandi abe mukunirwa omu ngeli zona.

1 Timoteo 4:12

Omuntu atakugaya aha rw'enshonga oli musigazi. Obe bulebero bw'abaikiliza omu migambire n'omu migilire, omu ngonzi, omu kwesiga, n'omu bwera bw'omwoyo.

1 Timoteo 5:10

kandi babe nibamujulira okwo ali muntu murungi, alezire kurungi abanabe, muntu ow'ekisha, anabisa abakristo amaguru, amaramara abatangirwe, agira ekihika ky'okukora kurungi buli kantu.

1 Timoteo 5:2

Abakazi bakuru obahabure okw'obon'oti ni banyoko. Abakazi bato obahabure nka banyanyoko, mara bona obahabuze obwera bw'omwoyo.

Tito 1:8

Abe muntu omufura, omuntu w'emilembe, alikwelinda, omugorogoki, omutakatifu mara ayefutatire.

Tito 2:14

ayatwehaire kutuchungura omu ntambara zona n'okweyeleza abantu abe abalikwitanira ebigiro birungi.

Tito 2:2

Ogambire abagurusi bamanye okwebalira, bagire obwelinzi, bakoze amagezi, bagume omu kwesiga n'omu ngonzi, mara batahindukana.

Tito 2:7

Na iwe omuli buli kantu obe bulebero burungi, omu kwegesa kwawe ozoke okwo olikwegesa eby'amazima, n'okwo otalikuzana, abantu batakwetwaliliza.

Tito 3:14

Kandi abantu baitu ab'okwo bamanye kwikara nibakora emilimo y'ekitinwa n'okujuna banu orwo bakwatwa, babe bantu b'omugasho.

Abaheburania 11:2

Abantu ab'eira Ruhanga akabasiima aha rw'okugira okwesiga kw'engeli egi.

Abaheburania 13:18

Naichwe mutushabire. Titwina kyotulikweligomwa aha mutima, shana ekyo tulikwitanira ni buli kantu kukakora kurungi.

Yakobo 1:27

Edini enungi etainamu kamogo mu maisho ga Ruhanga Isheichwe niy'egi: Kukebera enfuuzi n'entumbwa eziina obushaasi, n'okwelinda ensi etakutokoza.

Yakobo 3:17

Kyonkai obumanyi oburuga oruguru ekya mbere buba burungi, kandi bw'emilembe, bw'obuchulezi, bw'entwaza nungi, bwina obuganyizi bungi mara burugwamu ebirungi, tibulengeshanyia kandi tibugiramu ka bugobya.

1 Petero 1:22

Mbwenu orwo mwamazire kuba batakatifu aha rw'okugira omuhuliro aha mazima, kushobora kugonza barumuna baanyu obumaramunda, mugonzangane muno engonzi ezilikuruga aha mutima.

1 Petero 2:12

Mugire emirolere mirungi omu Banyamahanga. Kityo n'orwo bakubagamba okwo muli babi, ahanyuma bashobore kubona ebikorwa byanyu ebirungi bashube basingize Ruhanga aha kiro ky'amaheleruka.

1 Petero 4:8

Ekilikushaga byona mugonzangane buli kaanya; engonzi zatilira amafu gangi.

2 Petero 3:1

Abagonzibwa, egi nabahandikira ebarua ya kabili. Ekyo ngendeleire omu barua ezo zombili ni kubasisiimura emitima yanyu etainamu bulyalya, aho nimbaijukya,

1 Yohana 3:18

Twana twange, tuleke kugonzangana omu bigambo anga aha rulimi kushai. Tugonzangane omu bikorwa n'omu mazima.

1 Yohana 3:3

Kandi buli omoi aina eshuubi egi ataho amaani kuba mutakatifu nk'okwo Kirisito wenene aba mutakatifu.

1 Yohana 4:1

Bagonzibwa bange, mutakwikiliza buli omoi alikwegamba okwo aina Mwoyo. Mubanze munyomoze nka Mwoyo owo ainawe naruga ahali Ruhanga. Ahakuba abarangi b'ebishuba bemaliire omu nsi zona.

Ruti 3:11

Mbwenu, mwana wange, otakutina; inye ndakukolera byona eby'olikushaba; aha rw'okuba abanyakigo batahi bange bona nibamanya okwo oli mukazi gasho.