Abafilipi 3:9 - Ebibulia 2001

⁹ mara njwangane nawe, ti aha rwa bugorogoki obwange nyabwange obuzarukana omu Mateka, kyonkai obugorogoki obwo tubonesibwa okwesiga Kirisito. Obugorogoki obulikwema ahali Ruhanga butabuka aha kwesiga;

Abafilipi 3:9 Iomraidhean Croise

Embandizo 7:23

Buli kimoi ekyabaire kina oburora omu nsi Omukama akakisilikya: Abantu, ebigunju, ebyekurura n'ebinyonyi. Noa wenkai niwe yasigaireho n'abo yabaire ainabo omu bwato.

1 Abakama 8:46

“Kabarakufakaliraga (aha rw'okuba tabaho muntu n'omoi atafakara), naiwe okabanigalira, okabanaga omu mikono y'ababisha bakabatwara endore omu nsi yabo, yaba harai anga haihi,

2 Amakuru 32:25

Kyonkai agira eikuru lingi muno, tiyayolekize siimi aha rw'ebirungi eby'Omukama yabaire amukoleire. Mara Yuda na Yerusalemu bashasha aha rw'enshonga egyo, na wenene abulimu.

2 Amakuru 32:31

nangu n'orwo ababaka ba Babiloni baizire kumunyomozaho amakuru agabaire gagwire omu nsiye, Ruhanga akamuleka yakora okwo alikwenda ayenzire kumulenga omutima.

Ezaburi 14:3

Bona balyenagiremu, bona bajangukire kumoi; taliho n'omoi akora kurungi, nangu n'ow'omubazi.

Ezaburi 143:2

Omwiru wawe otamuramura, kuba taliho muntu murora aba mugorogoki omu mabona gawe.

Ezaburi 19:12

Taliho amanya ntambaraze; singa ongarulire amafu gange ago ntalikumanya.

Mwegesa 7:20

Mazima omu nsi tabamu muntu murungi akora kurungi, atafakara.

Isaya 46:13

Ndi haihi muno kuboleka okwo ndi mugorogoki, ndi hagufi muno kubarokora. Ninyija kurokora Sioni aha rwa Isiraeli ekitinwa kyange.

Isaya 53:11

K'oburorabwe obw'enaku buliba bwahoire alibona ebyera. Omwiru wange ogwo omugorogoki, enakuze zilimuha okurokora abantu bangi, alifa kwatilira amafu gabo.

Isaya 53:6

Ichwena tukabuliira omw'ishwa nk'entaama, buli omoi yagenda muhandagwe. Ekibonabonyio ekyakubaire kyaitu Omukama akakiteka ahali wenene.

Isaya 6:5

Aho inye ngira nti, “Nakagwamu! Nkoreki! Inye mba muntu agamba ebihagaire, mara ntura omu bantu abagamba ebihagaire byonkai. Mara kandi okwo nabona Omukama, Omukama w'amahe.”

Yeremia 23:6

Omu butwazibwe abantu ba Yuda baligira omuraro gurungi, kandi Isiraeli elitura omu milembe. Eibara balimweta bati: ‘Omukama n'iwe aturokora.’ ”

Yeremia 33:16

Omu bukiro obwo aba Yuda balirokoka, kandi Yerusalemu eligira emilembe. Yerusalemu elyetwa eti, ‘Omukama n'iwe Murokozi waitu.’ ”

Danieli 9:24

“Emyaka n70 emirundi 70, niyo myaka eyo Ruhanga ataireho. Emyaka egyo k'elikya, achungure eihanga lyawe n'ekigo kyawe ekitakatifu omu mafu n'omu ntambara. Amafu galigarulirwa, habeho obugorogoki obw'eirai lyona. Nirwo ebyo waboine omu kubonekerwa n'ebyarangirwe biliboneka okwo bili by'amazima, kandi Ruhanga alishuba atambirwe ebitambo omuli Rwensinga.

Matayo 9:13

Mugende mumanye enshonga y'ekigambo eki, ‘Tindikwenda kitambo, n'inyenda obuganyizi.’ Tinaizire kweta bagorogoki, nkaija kweta abafakare.”

Abaroma 1:17

Kuba obugorogoki bwa Ruhanga omu kuhindura abantu kuba bagorogoki nibubonekera omu vangeli egyo; abahinduza okwesiga kwonkai. Nk'okwo Ebihandiko Bitakatifu bilikugamba, “Okwesiga kw'omugorogoki nikwo kulimugiza oburora.”

Abaroma 10:10

Kuba omuntu aikiliza aha mutima aho ahindurwa mugorogoki, kandi agambakwo atyo arokoka.

Abaroma 16:7

Munshulire Andoroniko na Yunia, abanyaruganda bange mara abafungwa bataahi bange: Bonene abo omu ntumwa b'eiranga mara bakanyebembera kwikiliza Kirisito.

Abaroma 5:21

Kityo nk'okwo bufu bwayetwete aha rw'enshonga ya rufu, kwakwo n'ekisha nikwo kyaliire obukama aha rw'obugorogoki obulikututwara omu burora obutalihwaho omuli Yesu Kirisito Omukama waitu.

Abaroma 8:1

Mbwenu aha rw'ekyo abali ba Kirisito Yesu tibakiina mushango.

Abaroma 8:3

Nobona Ruhanga akakora eky'Amateka gatashoboire kukora aha rw'okujegaazibwa obunyama. Akatweka Omwanawe nyabwe omu mishusire y'omuntu nyamafu, mara yaija ali kihongo ky'enyatano y'obufu kuchwa obufu omu bantu,

1 Abakorinto 1:30

Ruhanga n'iwe ntabuko y'oburora bwanyu omuli Yesu Kirisito owo yahindwire bumanyi bwaitu, bugorogoki bwaitu, butakatifu bwaitu mara kuchungurwa kwaitu.

2 Abakorinto 5:17

Orwo omuntu alikumara kujwangana na Kirisito aba kitondwa ekihya; okwo abaire ali orwa mbere ebyo bihwa, aba muntu ondijo.

2 Abakorinto 5:21

Kirisito atamanyaga bufu Ruhanga akamuhindura mufakare aha rwaitu, kityo tujwangaine na Kirisito wenene, tushobore kuba bagorogoki ba Ruhanga.

Abagalasia 2:16

nitumanya okwo Amateka tigahindura muntu kuba mugorogoki. Okwesiga Yesu Kirisito nikwo kumuhindura mugorogoki. Nangu na ichwe tukesiga Yesu Kirisito. Ti Mateka agatuhindwire bagorogoki. Amateka tigaina kutuhindura bagorogoki.

Obwijukiro 27:26

‘N'akaraamwe aliba atekomize bigambo bya Mateka aga akabihikya.’ Abantu bona bagambe bati, ‘Amina.’ ”

Abafilipi 3:6

kandi ekihika nagira kingi nagingiza enteko. Leronu okwo omuntu aragirwa kuba mugorogoki aha rw'enshonga y'okukwata Amateka, ahali ekyo nabaga nyakatetere.

2 Timoteo 1:9

Akaturokora yashuba yatweta katuba bantube, tutasaine aha rwabikorwa byaitu, shana kuba wenene akakigendelera atyo, n'aha rw'ekisha ekyo yatutungire omuli Yesu Kirisito amakiro gatakabaireho.

Tito 3:5

akaturokora ti aha rwa bigiro byaitu bya bugorogoki, shana aha rw'obuganyizibwe orwo twayogiibwe n'amaizi tukazarwa buhya twahindurwa bahya omu mani ga Mwoyo Mutakatifu,

Abaheburania 6:18

ebintu bibili ebitahinduka, ebyo Ruhanga atashobora kubeiya, bibone kugumisa emitima yaitu geigeigei, ichwe abamuhungiireho tubone kuguma nitushubira ebyo twashubiziibwe.

Yakobo 3:2

Nobona ichwena tushobya omuli bingi. Kyonkai k'omuntu aba atashobize mu migambire ogwo aba ali mugorogoki, nashobora kugelera n'omubiligwe gwona.

2 Petero 1:1

Inye Simoni Petero, omwiru mara entumwa ya Yesu Kirisito, nimpandikira abaina okwikiliza nk'okwaitu okutalikuyuga omu kurondora Ruhanga waitu kandi Omurokozi waitu Yesu Kirisito.

1 Yohana 3:4

Buli muntu akora obufu akwatwa omushango gw'obushengi; manyasi obufu buba bushengi.