Abafilipi 3:8 - Ebibulia 2001

⁸ Mazima buli kantu nkakahwamu aha rw'enshonga y'okumanya amagoba g'okumanya Yesu Kirisito Omukama wange. Ebintu byona nkabihwamu aha rwa wenene, nimbibona nk'omwejuno, Kirisito ashobore kuba niwe aba itunga lyange,

Abafilipi 3:8 Iomraidhean Croise

1 Abakama 14:10

Aha rw'ekyo ninyija kuteza eka yawe enaku, omwawe nyite buli mushaija, omwiru, n'atali mwiru araba asigaire omuli Isiraeli. Eka yawe ningisosotora okw'omuntu ayokya obushai bw'ente bukahwaho bwona.

2 Abakama 9:37

n'omutumbigwe gulishusha obusha bw'ente omu nsi egyo; taliho alishobora kugamba ati ogu niwe Yezebeli.’ ”

Yobu 20:7

alihweraho kimoi nk'omwejunogwe; abamuboine bona balimubaza mbali yagiire.

Ezaburi 126:6

Omuntu aragenda nalira atwete embibo y'okubiba, aligaruka omuka nayeshanda ashutwire emiganda.

Ezaburi 73:25

Omw'iguru tingirayo ondijo shana iwe, omu nsi omu talimu kyondikwenda shana iwe.

Isaya 53:11

K'oburorabwe obw'enaku buliba bwahoire alibona ebyera. Omwiru wange ogwo omugorogoki, enakuze zilimuha okurokora abantu bangi, alifa kwatilira amafu gabo.

Malaki 2:3

Ndibonabonyia abaana banyu, nainywe mbasiige obushai omu maisho, obushai bw'ebitunganwa ebyo mulikumpongera, nshube mbabinge mulekere kunkolera.

Orubara 14:30

taliho n'omoi aligoba omu nsi eyo naragaine kubaha kuturamu; shana Kalebu eya Yefune na Yoshua eya Nuni nibo baligobamu.

Luka 1:43

Na kyonene eki kyandugirahai inye nyina mukama wange kunzindukira?

Luka 11:20

Kyonkai k'amasitani ndaba ningabingisa obushobora bwa Ruhanga, ahonu obukama bwa Ruhanga bwabagobire.

Yohana 14:20

Kir'ekyo mulimanya okwo ndi omuli Tata, nainywe omuli inye nanye omuli inywe.

Yohana 14:7

Kuba nimumanya na Tata mwakubaire nimummanya. Kyonkai kwema mbwenu mwamumanyire mara mwamuboine.”

Yohana 16:3

Ebi balibikozibwa okutamanya Tata, nangu nanye.

Yohana 17:3

Mara oburora obutalihwaho nibw'obu: Bakumanye iwe Ruhanga omumoi ow'amazima, bamanye na Yesu Kirisito owo watumire.

Yohana 17:8

enshonga mbagambire ebigambo ebyo iwe wangambire, mara babitoire, bamanya n'okwo gali mazima okwo narugire ahali iwe, baikiliize okwo wantumire.

Yohana 20:13

Bamubaza bati, “Iwe mukazi nolizibwaki?” Abahorora ati, “Enshonga batwara Mukama wange, kandi tindikumanya mbali bamuteka.”

Yohana 20:28

Tomasi amuhorora ati, “Mukama wange, Ruhanga wange!”

Ebikorwa 20:24

Tindikulenga nka burora bwange ahali inye buli bw'eiguzi. Ekyo ndikwenda kili kimoi: Kugobesheleza omulimo gwange n'eikora ely'Omukama Yesu yankwasize, kujulira evangeli elikugamba aha kisha kya Ruhanga.

Abaroma 8:18

Nintekeleza okwo obushasi obwa kaanya aka tibwakulengwa kitinwa ekyo tulikwija kushurulirwa.

Abaroma 8:39

anga obwemi, anga oburai bw'okugya okuzimu, handiki kyona kyona omu bitondwa, ekirashobora kututaishurana n'engonzi za Ruhanga omuli Kirisito Yesu Omukama waitu tikiliho.

1 Abakorinto 2:2

Ekyo nabaire nimpiga ahali inywe ti kindi shana Yesu Kirisito ogwo ayabambirwe.

1 Abakorinto 9:10

Ab'alikugamba t'ichwe? Ebyo bikahandikwa kurokora ichwe, enshonga omulimi asaine kulima aina eshuubi, n'alikushekura emyaka ashekura aina eshuubi okwo aha myaka arabonaho omugabogwe.

2 Abakorinto 4:4

Abalikusilika abo, bahumisiibwe ruhanga w'ensi egi omu mitima yabo, batashamulirwa vangeli y'ekitinwa kya Kirisito, enshusho ya Ruhanga.

2 Abakorinto 4:6

Manya Ruhanga n'iwe yagambire ati, “Omu mwilima harugwemu omushana gwake,” n'iwe wenene ayayakize omushana omu mitima yaitu kutumanyisa ekitinwa kya Ruhanga ekyo tumanyira ahali Kirisito.

Abagalasia 1:16

akasinga yanshurulira Omwanawe mbone kumuranga omu Banyamahanga. Tinayehanwize aha muntu,

Abaefeso 4:13

Kityo aho turashobora kugira okwikiliza kumoi, n'Omwana wa Ruhanga tumumanye emimanyire emoi, tulemwe tube bagorogoki bwoli nk'okwo Kirisito ali mugorogoki bwoli.

Abafilipi 1:1

Inye Paulo na Timotheo, abairu ba Yesu Kirisito, nituhandikira abegesibwa bona ba Filipi, okwo mujwangaine aha rwa Yesu Kirisito. Nituhandikira n'abaaskofu n'abadiakoni.

Abafilipi 3:10

nyije mbone kumumanya n'okumanya amani g'okuhimbukakwe, nshashe nka wenene, nfe nka wenene,

Abafilipi 3:12

Tikugir'oti ebi nabiboine anga nabaire mugorogoki. Nintaho amani kubona emperwa egyo, Yesu Kirisito akandonka naba wa wenene.

Abafilipi 3:7

Kyonkai ebyo nabonaga biina omugasho ahali inye, nkabihwamu aha rwa Yesu Kirisito.

2 Timoteo 4:6

Inye n'orwo ndaba ndi w'okutambwa ekitambo nayetekatekire; akaanya kange kali haihi, naija kufa.

Abaheburania 3:14

Tuli hamoi na Kirisito katuraguma n'obwesige obwo twabandize nabwo kulemwa kugoba aha ndekelero.

1 Petero 2:7

Aha rw'ekyo ahali inywe abalikumwesiga Yesu Kirisito ogwo w'eiguzi lihango. Kyonkai ahali baliinya abatalikumwesiga, kikahandiikwa kiti, “Eibare lyonene lyonene elyayangirwe abombeki, nilyo lyabaire ly'epembe,”

2 Petero 1:2

Ekisha n'emilembe byeyongere omuli inywe omu kumanya Ruhanga na Yesu Omukama waitu.

2 Petero 1:3

Ruhanga, amanige nka Ruhanga gakatutunga buli kamoi kona tushobore kugir'oburora n'omutima gw'okumugonza orwo twamazire kumanya Yesu Kirisito ayatwesire katugira ekitinwa ekihango muno nk'ekya wenene.

2 Petero 1:8

Kamuragira engesho ezo mara zikeyongera kugira amani omuli inywe, zirabashoboza kukora ebigoshokire, mwije mubone kumanya kurungi Omukama waitu Yesu Kirisito.

2 Petero 3:18

Mweyongere kugira ekisha n'okumanya Omukama mara Omurokozi waitu Yesu Kirisito. Ekitiinwa kibe kya wenene mbwenu n'eirai lyona. Amina.

1 Yohana 1:3

Oburora obwo twaboine tukahulira nibwo tulikushuba tukabagambira, nainywe mubone kuba hamoi naichwe; mara tuli hamoi na Isheichwe hamoi n'Omwanawe Yesu Kirisito.

1 Yohana 2:19

Bakaturugamu, kyonkai bakaba batali baitu. Kabakubaire bali baitu bakutwikairemu. Kyonkai bakagenda kakimanyika bunyanungi okwo ti bona baitu.

1 Yohana 5:20

Ekindi nitumanya okwo Omwana wa Ruhanga yaizire mara akatuha okushobokerwa, tubone kumanya Ruhanga wenene ow'amazima; mara tujwangaine nawe, Ruhanga ow'amazima, hamoi n'Omwanawe Yesu Kirisito. Ogu niwe Ruhanga ow'amazima mara niwe burora obutalihwaho.