Abafilipi 3:12 - Ebibulia 2001

¹² Tikugir'oti ebi nabiboine anga nabaire mugorogoki. Nintaho amani kubona emperwa egyo, Yesu Kirisito akandonka naba wa wenene.

Abafilipi 3:12 Iomraidhean Croise

Yobu 17:9

Omurungi taihwaihwa, kandi nyakatetere ayongera kugira amani.

Ezaburi 119:5

Emirolere yange etahindukana, mbone kwekomya ebiragiro byawe!

Ezaburi 138:8

Omukama naija kugobesheleza byona ebyo yantekatekeire; waitu Mukama, ekisha kyawe ky'eirai lyona: Owo wayetondeire otamunaga.

Ezaburi 42:1

Nk'okwo enjaza eyegomba enchuro z'amaizi, nikwo omwoyo gwange gulikukwegomba, waitu Mukama.

Ezaburi 63:8

Omwoyo gwange gukwekwete; amani gawe nigo ganyemamu.

Ezaburi 84:2

Ningoza kutura omwo! N'inyegomba kutura omuli Rwensinga y'Omukama. Inyena, omwoyo n'omubili, ninzinira Ruhanga omurora akanyahwera.

Ezaburi 94:15

Ehaki eligarukira omugorogoki, n'ab'emitima egorogokire bona balimanya amazima.

Emigani 4:18

Kyonkai ebikorwa by'omugorogoki nibishusha emambya. Orwo emambya eshara obwire bugenda nibutaishukana kulemwa obwire kukya.

Isaya 51:1

“Mumpulilize inywe abataho amani kuba bagorogoki, mumpulilize inywe abaitanira Omukama. Mwijuke orwazi orwo mwatemirweho, mwijuke ekiina ky'amabare ekyo mwashokoirwemu.

Hosea 6:3

Mbwenu tutemu amani tumanye Omukama; alija okw'obona emambya, alija nk'enjura y'omuhanguko eitilira ensi.”

Matayo 5:48

Aha rw'ekyo nimuragirwa kuba bahikilire nk'okwo Isheinywe asingiire omw'iguru ali muhikiilire.”

Ebikorwa 9:15

Omukama amugambira ati, “Ogende, aha rw'okuba muronkire kuba kikwato kyange kugya kumanyisa abanyamahanga n'abakama n'Abaisiraeli eibara lyange.

Abaroma 8:39

anga obwemi, anga oburai bw'okugya okuzimu, handiki kyona kyona omu bitondwa, ekirashobora kututaishurana n'engonzi za Ruhanga omuli Kirisito Yesu Omukama waitu tikiliho.

1 Abakorinto 13:10

Kyonkai orwo ekihikilire kilimara kwija, ekitahikiliire kilihwaho.

1 Abakorinto 13:12

Mbwenu aha nitubona ekituliizi omu kyoo. Ahanyuma tulibona bubona. Kaanya aka nimbona ekichweka; kyonkai ahanyuma ndishobokerwa obwiziizi, nk'okwo Ruhanga alikunshobokerwa obwiziizi.

1 Abakorinto 9:24

Isi timulikumanya okwo abasindana omu kwiruka bairuka bona, nawe omoi wenkai n'iwe ahabwa esiimi? Mwiruke mutyo mubone esiimi egyo.

2 Abakorinto 13:9

Kuba ichwe nitushemelerwa kuba bajege, kandi amani gakagirwa inywe. Ekyo tulikushaba nitushaba kamugendelera omu maisho.

2 Abakorinto 7:1

Kityo bagonzibwa, orwo twashubiziibwe ebintu nk'ebi, twenyinye buli kahagare ak'omubili n'omwoyo, tutine Ruhanga, tube bagorogoki omu butakatifu.

Abagalasia 5:17

Nobona amairu g'omubili tigashobokeranwa na Mwoyo, n'ebyo Mwoyo ayenda tibigendanwa na mairu ga mubili. Mwoyo tashobokerwangana na mairu ga mubili. Aho nainywe nimuba mutakikora byomwakwenzire.

Abaefeso 1:4

Ensi etakatonzirwe, Ruhanga akashangwa yaturonkire katujwangana na Kirisito tukaba batakatifu enzira katalizi omu maishoge.

Abaefeso 4:12

Omu kugir'atyo Kirisito akagonza kutekateka abakirisito kabashobora kugobesheleza oburagirwa bwabo omu kwombeka omubiligwe.

Abafilipi 1:1

Inye Paulo na Timotheo, abairu ba Yesu Kirisito, nituhandikira abegesibwa bona ba Filipi, okwo mujwangaine aha rwa Yesu Kirisito. Nituhandikira n'abaaskofu n'abadiakoni.

Abafilipi 3:16

Kyonkai amazima ago twaboine tube nigo tugumaho.

Abafilipi 3:3

Ichwe n'ichwe tutahiriirwe kwokwokwo. Ichwe abafukamira Ruhanga twemire na Mwoyo, mara nitwebuga Yesu Kirisito, kandi ebikorwa by'aheru ebyo titubyesigire,

Abafilipi 3:8

Mazima buli kantu nkakahwamu aha rw'enshonga y'okumanya amagoba g'okumanya Yesu Kirisito Omukama wange. Ebintu byona nkabihwamu aha rwa wenene, nimbibona nk'omwejuno, Kirisito ashobore kuba niwe aba itunga lyange,

1 Abatesalonika 5:15

Mwelinde hatabaho muntu n'omoi ayayehoroza. Buli kanya muteho amani kukolerangana kurungi mara mukolere kurungi abantu bona.

2 Abatesalonika 2:13

Ichwe, barumuna baitu abagonzibwa b'Omukama, turagiirwe kubasiimira Ruhanga, kuba akabaronka kwema obubere kamurokoka, orwo Mwoyo yabahindwire batakatifu, kandi mukaikiliza amazima.

1 Timoteo 5:10

kandi babe nibamujulira okwo ali muntu murungi, alezire kurungi abanabe, muntu ow'ekisha, anabisa abakristo amaguru, amaramara abatangirwe, agira ekihika ky'okukora kurungi buli kantu.

1 Timoteo 6:19

Babe nikwo beyombekera batyo omusingi gurungi ogw'oburora obw'omu maisho, nirwo balibona kuguma omu burora obuli burora kwo.

Abaheburania 12:14

Mwitanire okugira emilembe n'abantu bona. Mushube mugire ekihika ky'okuba batakatifu; Omuntu aliba atabaire mutakatifu talibona Mukama.

Abaheburania 12:23

Mwagoba n'enteko y'omuzigaijo, ab'amabara gabo gahandikire omw'iguru. Mwagoba Ruhanga omuramuzi w'abantu bona, n'emyoyo y'abantu abafura abagobire omu buhikilire.

Abaheburania 13:21

abatunge ebirungo byona, mubone kukora ebyo alikwenda, abakoze ebilikumushemelera mujwangaine na Yesu Kirisito. Yesu Kirisito ogu ahabwe ekitinwa eirai lyona. Amina.

Yakobo 3:2

Nobona ichwena tushobya omuli bingi. Kyonkai k'omuntu aba atashobize mu migambire ogwo aba ali mugorogoki, nashobora kugelera n'omubiligwe gwona.

1 Petero 5:10

Kamuraba mwashasire akabanga kake, Ruhanga omugizi w'ekisha ayabesire kamutaha omu kitinwakye eky'eirai lyona mujwangaine na Kirisito, arabaha amani mara abagumise, timuliyuga.

2 Petero 3:18

Mweyongere kugira ekisha n'okumanya Omukama mara Omurokozi waitu Yesu Kirisito. Ekitiinwa kibe kya wenene mbwenu n'eirai lyona. Amina.