5 Mutekeleze okwo Yesu Kirisito yatekelezaga:
Mwetweke enkomo yange, mwegere ahali inye, enshonga inye ngira obufura n'obwetohya, mara emyoyo yanyu erahumura.
N'ohai omukuru kushaaga ondijo: Ayashuntama kulya anga omukoziwe? Manya omukuru n'ogwo ayashuntama kulya. Kyonkai inye omuli inywe mba mukozi.
Ruhanga yakozire Yesu owa Nazareti amajuta, akamuha Mwoyo Mutakatifu n'obushobora, okwo Yesu ogwo yagendaga nakora ebirungi natambira bona abo Sitani yabaire nashasa. Okukora ebyo Ruhanga akaba amwemiremu.
Mbabeleire bulebero omuli buli kantu, okwo omu kukora mutyo emilimo yanyu muragiirwe kujuna abataina mani, nimwijuka ebigambo by'Omukama Yesu ati, ‘Okuha kuhaisa omugisha kushaaga okuhaba.’ ”
Murumuna wawe k'arasitazibwa eky'olikulya, eby'olikukora oraba otalikubikozibwa ngonzi. Eby'oralya bitaisa muntu owo Kirisito yafeleire.
Kuba Kirisito tiyayeshemeleize. Ekiliho nk'okwo kyahandikirwe, “Ebijumi by'abakujumire byabendabendera inye.”
Ruhanga atugumisize mara akatutamu ekihika abatunge omuturanwa gw'emilembe omuli Kirisito Yesu,
nk'okwo inye ndikushemeleza abantu bona omuli buli kimoi ekyo ndikukora, ntalikuhiga buge bwange shana aha bwa bangi, babone kurokoka.
Oburora bwanyu bube bw'engonzi, nk'okwo Kirisito yatugondize akatwetambilira, akaba kihongo mara kitambo ky'omugaju eky'okushemelera Ruhanga.
Inye Paulo na Timotheo, abairu ba Yesu Kirisito, nituhandikira abegesibwa bona ba Filipi, okwo mujwangaine aha rwa Yesu Kirisito. Nituhandikira n'abaaskofu n'abadiakoni.
Ogu nigwo mweto gwanyu, kuba na Kirisito akabashasira, yabasigira obulebero mushobore kumurondora.
Orwo Kirisito yashasire omubili, nainywe mukwate ebikwato by'endashana, nikwo kugir'oti mutekeleze nka wenene. Omuntu ayashasha omubili tashubira kufakara,
Omuntu alikugamba okwo ajwangaine na Kirisito naragirwa kuraba omuhanda gwonene gwonene ogwo Kirisito yarabiremu.
