Abafilipi 1:10 - Ebibulia 2001

¹⁰ mushobore kubona ebili birungi muno, kandi mube ntoronyonyo enzira kamogo, mwetekatekeire ekiro ekyo Kirisito aliija,

Abafilipi 1:10 Iomraidhean Croise

Embandizo 20:5

Isi ti Aburahamu ayangambiire ati, ‘Ni munyanyazi?’ N'omukazi wenene akagamba ati, ‘Aburahamu ni munyanyazi?’ Ekyo nakikoza omutima nyakatetere, n'engaro zilikwera.”

Yobu 12:11

Okwo orulimi ruroza ekyakulya, nikwo n'amatwi gamanya ekirungi n'ekibi.

Yobu 34:3

Okutwi kuhulira kurungi n'ebibi, nk'okwo orulimi ruroza ebyakulya.

Mika 3:2

Mutamwa ebirungi, mugonza ebibi; abantu bange mubaihyaho orushushu, mubagugumbura enyama aha magufa.

Matayo 16:23

Kyonkai Yesu ahinduka agambira Petero ati, “Ondugeho iwe Sitani! Iwe wagonza kuntanga, aha rw'okuba emitekelereze yawe ti ya Ruhanga, mitekelereze y'abantu.”

Matayo 26:33

Petero amugambira ati, “N'orwo bona barairuka bakakunagaho, inye tinkunageho n'akake.”

Yohana 1:47

Yesu abona Natanaeli naija, amugambira ati, “Leba Omunyaisiraeli nyhakabara, atainamu bugobya!”

Yohana 3:20

Manyasi buli muntu akora kubi anoba omushana, mara taija aha mushana ebikorwabye bitaija bikazoka.

Ebikorwa 24:16

Kityo buli kaanya ndenga okwo ndikushobora kwikara n'inyera ahali Ruhanga n'aha bantu.

Abaroma 12:2

Muleke kwekoma aha migilire y'ensi egi. Muhinduke, muhindure ebitekelezo byanyu buhya, mwije mumanye kabutekire ebyo Ruhanga ayenda, mumanye ekili kirungi, ekishemeire mara ekigorogokire.

Abaroma 12:9

Engonzi ziruge aha mutima. Munobe ebibi, mwekwate ebirungi.

Abaroma 16:17

Kyonkai barumuna bange nimbashaba, mwekenge abateraikubo abalikwisa banu omwaga, kubahakanisa aha byo mwegesiibwe; mubatantare.

Abaroma 2:18

nomanya eby'ayenda, n'ebili kaliza nobisiima, ahakuba oyegire Amateka,

Abaroma 7:16

Mbwenu kandikukora ekyo ntalikwenda, aho ninyikiliza okwo Amateka gaba garungi.

Abaroma 7:22

Okwo ndi omu mwoyo ninshemelerwa Amateka ga Ruhanga,

Abaroma 8:7

Omwoyo ogutairwe aha bunyama ogwo nigushenga Ruhanga; tiguhulira Mateka ga Ruhanga, pe tigwakushobora.

1 Abakorinto 1:8

Wenene n'iwe alibagumisa mukaikara muli nyakatetere kuturuka aha nzindo aha kiro ky'Omukama waitu Yesu Kirisito.

1 Abakorinto 10:32

Mutakutamisa Bayahudi anga Bagiriki anga enteko ya Ruhanga,

1 Abakorinto 8:13

Aha rw'ekyo k'ekyakulya kiraba kirasitaza murumuna wange, tindikuziza kulya nyama ntaija nkasitaza murumuna wange ogwo.

2 Abakorinto 1:12

Nitwebuga tuti: Omu mitima yaitu okwo oburora bwaitu omu nsi omu, okukiraho omuli inywe, bubaire buli burora nyakatetere obwo twatungirwe Ruhanga omu mani g'ekishakye, gatali mani ga bumanyi bwa bantu.

2 Abakorinto 2:17

Titulikushusha bantu bandi abali bangi, abalikutundurana ekigambo kya Ruhanga. Ruhanga ayatutumire n'iwe mujulizi waitu okwo tuli bairu ba Kirisito abalikugamba amazima.

2 Abakorinto 6:3

Titulikusitaza muntu, omulimo gwaitu gutaija gukagaywa.

2 Abakorinto 8:8

Omu kugamba ntyo tindikubaragira. Ningonza kuboleka ekihika eky'abandi bainakyo omu kujuna banu, mbone kumanya engonzi zanyu zina mazimaki.

Abagalasia 5:11

Barumuna bange, kyonkai kandi inye, kandaba nkyagamba kamutahirirwa, kubaki nkyagingizibwa? Kabyakubaire bityo, aho orwo narangire okwo Kirisito yabambirwe aha musaraba ekyo tikyakulesire mwaga.

Abaefeso 4:15

Ekiliho katuragamba amazima mara okwo nitugonzangana turarondora Kirisito omuli buli kantu, wenene n'iwe mutwe gwaitu.

Abaefeso 5:10

Mutemu amani mumanye ebishemelera Omukama.

Abaefeso 5:27

ashobore kukwasa enteko enshemere, etaina kibara anga mikanya, handiki kyona kyona nk'eki, enteko egyo eshobore kuba ntakatifu obuzira kamogo.

Abaefeso 6:24

Bona abagonza Omukama waitu Yesu Kirisito engonzi ezigobeleire, batungwe omugisha.

Abafilipi 1:16

Abalikwihwa aha mutima gurungi nibaranga ahali Kirisito basindikirwe engonzi, nibamanya okwo nagirwe jela aha rw'okurabira evangeli.

Abafilipi 1:6

Kandi nimanyira kimoi okwo Ruhanga ayatandikire omulimo gurungi ogu omuli inywe aligugobesheleza kiro ekyo Yesu Kirisito alija.

Abafilipi 2:16

mwekwete ekigambo ky'oburora, kityo orwo Kirisito alija mbone kweshanda kubona okwo amani gange gatafire bushai.

1 Abatesalonika 3:13

Aho arabagumisa mube nyakatetere omu kwitanira obutakatifu omu mabona ga Ruhanga waitu mara Isheichwe orwo Omukama waitu Yesu alihabuka n'abatakatifube bona.

1 Abatesalonika 5:21

kyonkaisi mutafa kwikiliza. Mugume aha bili birungi,

1 Abatesalonika 5:23

Ruhanga Omukama w'emilembe asinge abahindure batakatifu limoi limoi, kandi Omukama waitu Yesu Kirisito k'alija emitima yanyu n'emyoyo yanyu n'emibili yanyu bishangwe bigumire obuzira kamogo.

Yoshua 24:14

“Mbwenu aha rw'ekyo mutine Omukama, mumukolere n'obwesigwa n'amazima. Munage baruhanga abo bashw'enkurw'inywe bafukamiraga Mesopotamia na Misiri; mukolere Omukama wenkai.

1 Yohana 4:1

Bagonzibwa bange, mutakwikiliza buli omoi alikwegamba okwo aina Mwoyo. Mubanze munyomoze nka Mwoyo owo ainawe naruga ahali Ruhanga. Ahakuba abarangi b'ebishuba bemaliire omu nsi zona.

Okushurulirwa 2:2

‘Emilimo yawe ningimanya, akachwazikano kawe n'obwegumisiliza bwawe obw'amani. Nimanya n'okwo abantu ababi otalikubaha kaanya, n'abalikweyeta ntumwa okwo batali ntumwa nobamankuza.