ZAKECI 99:3 - Kemethajüh (N) (Re-editing) Bible (BSI)

³ Anyi tsüdi ma nyan kedi nu ajenkeben nyan kemethawa tsü seng den. Kemethawa tsüna Ma le!

ZAKECI 99:3 Iomraidhean Croise

NEHEMIYA 1:5

“Apvüwa, Tang wi kebenwa Anyiza! No di ntsa nu ithu na messila nganben. No no tizen nu no mangwa khi khe sa ketenthu tuwi jühtsentsa sala no cenkethenjüh tsü saden.

NEHEMIYA 4:14

Hi anyithu na ccükwenshü keben mu, tsalina hi mathu nu mathu ccülikesathu nu kedithu wi khi, “Ithu ghinyithu tsü nmessi lalo. Meshenchilo, Apvüwa na khatila di nu qhethiketen kesa khe, ma nthu diyyi nyithu, nthu tsangathu, nthu wubvüthu, nu nthu jjenthu ghena ssikesali den.”

NEHEMIYA 9:32

‘O Anyiza, ithu Nyiza, no khatila di nu! khatila qhethiketen nu khatila khang nu! No jühtsentsa sala cenkethenjüh khishikechi tsü nieden. Assiriya nyi kadimithu tsü wina ithu pasha gho nansü kecu saben, ithu na khatila ketizen sadha nu! Ithu kadimithu, ccülikesathu, keqhaikedithu, nu atusenjüh kechüthu, ithu bamyithu, nu ithu nyithu tsüdila ketizen sadha. Ithu na khatila ketizen sadha khe meshenchilo!

NEHEMIYA 9:5

Levi nyi hathu na kinyilo cichi: Jeshua, Kadmiel, Bani, Harshabuneiya, Sherebiya, Shebaniya, nu Pethahiya. Mathu na khi: “Shagha nu Apvüwa nthu Nyiza senglo; anuphan nu anuphanla ma senglo! Anyi tsüdi ya ma nyankethang tsü seng thsülo; anyi na seng wa cu meya lela.”

ZAKECI 100:4

Nkesengcha sa sen nu Kekinyijjen kaghapengjenka witsü dulo, keseng sen nu ma Kekinyijjen ccühha wi dulo. Nkesengcha pi ma cü nu ma senglo.

ZAKECI 103:1

Apvüwa senglo, ighamu! Hi kahangli tsüdi, ma nyan kemetha tsü senglo!

ZAKECI 111:9

Ma ma nyithu lishachi nu anuphan ghena mathu ssinu ajühcen. Kemetha nu kekhangwa tsüna ma le!

ZAKECI 145:17

Apvüwa na ma kekulithu tsüdi wi tsatan, ma kekuli tsüdi wi ketizen ketan.

ZAKECI 66:3

Anyiza wi khilo, “No kuli kechithu tsüna khatila amansa nu! No kekhangwa tsüna di ntsa kesalina ighinyithu na mathu messi nu ntuwi nkhwenca dua.

ZAKECI 76:1

Judah wi Anyiza tsü chüben; Israel wi ma nyan tsü nyuwaküden.

ZAKECI 76:12

Ma kadinga kapvü ketenthu tsü satemeni cüden, nu kadimithu pateqhe cüden.

ISAYA 6:3

Tsüthu na kesüsü wi kecili: “Kemetha, Kemetha, Kemetha! Kekhang ntsawa Apvüwa na metha! Ma nyankethang na ayyi pong ben!”

JEREMIYA 20:11

Isala Apvüwa, no khang nu zü sen nu hi wiwa ben, nu hi meten-mesha ketenthu na mehai meya laben. Mathu na anuphanla kejüghe yaben, mathu na haicen meyala keben ghena. Mathu kejüghe keya tsüna mangla maliya nben.

JOHAN 17:11

Hi khili no wi gha tendha; hi khilitsü ayyi ha wi nbendha, isala mathu tsü ha wi benden. O, Kemetha Bawa! No pi hi kecüthu tsü n-nyan kekhang wina mathu noncca ben tenlo, isanu mathu la ishinyi ti kesütan saben thsülo.

AYENZHÜNENG 28:58

“Keujüla nthu na Anyiza kesansijüh lesüshen hawi zhüketheng tsüdila nie kaketsü sa meya nu Apvüwa nthu Nyiza nyankethang amankesawa tsü kinyikü meyala lethu,

AYENZHÜNENG 7:21

Tsalina anyi hathu nmessi lalo. Apvüwa nthu Nyiza na nthu ssiden; ma kekhang Nyiza, ma kemessiu le.

JOSHUA 24:19

Joshua na anyithu wi khi, “Nthu na Apvüwa kekuli saya nben, kepaghenanye ma kemetha Nyiza kesü; ma anonkemeyen Nyiza kesü; nu ma nthu kesami teshicü nben.

CCÜCAKECHI 4:8

Hangben keten ghangsathu mejü, kesüsü wi agisha tugho na ben, nu anyon pi tsüthu pong pvüden. Tsüthu na tsathang tsajang khiela n-nganla hati khiden: “Kemetha, kemetha, kemetha, tsüna Apvüwa Anyiza kekhangkedi ntsawa, ma khili kebenwa, kheni na ketenwa, nu ha seng wi gho ketenwa.

1 SAMUEL 2:2

Anyi thola Apvüwa ti nmetha; ciwi ma ti kesa kesüla nmi, ithu Nyiza ti kekhwewa nmi.