ZAKECI 81:3 - Kemethajüh (N) (Re-editing) Bible (BSI)

³ Akho tsü ghena tutuwa khou chilo, asha kaghani nu asha kepong tsüdi wi.

ZAKECI 81:3 Iomraidhean Croise

2 KADIMITHU 4:23

Ma wuba na ma wi keü, “Mangkesa na nansü wale saben nu? Nansü ha Sabbath nyelela Asha Ketheü Kho nyele.” Nzawa na luneng, “Mangla nsa.”

1 KHENICÜKI 15:16

David na ahza pi Levi nyi ccülikesathu cü nu Levi nyithu ya kepapa sala akhwisa nu anonkeghe sa harp khou nu simbalthu kihhelo pi dhenchia.

1 KHENICÜKI 16:42

Heman nu Jeduthun manyi na achünong kepathu ghena lela aliwathu. Jeduthun gei wi anyithu na kaghapeng jenkathu ghikehie wi aliwathu saden.

1 KHENICÜKI 16:6

nu keqhaikedi Benaiya nu Jahaziel manyi na keshüthangla Cenkethenjüh Khitson tuwi tutuwa khou.

1 KHENICÜKI 25:1

Kadimi David nu Levi nyi ccülikesathu na Levi gei hathu kessi pi kekinyi kekuli wi aliwathu sa thsü: Asaf, Heman, nu Jeduthun. Mathu na Anyiza ketsijühthu pi kethangchi wi harp nu simbalthu khou pi akhwisa nu tsü gwegheben. Hawa hana anyithu kessi pi kekinyi wi aliwa kesathu nyankezhü nu akhang kesüsü kekuli sakechi tsü kezhü;

2 KHENICÜKI 13:12

Anyiza na ma ketanla ithu kessiwa nu ma keqhaikedithu na hewi tutuwa sen nu khou chile ithu cipi aghi wi nthu ssisa thsüle kidenben. Israel nyithu, Apvüwa nthu bamyithu Nyizawa tsü ssikaghashenle nsa lalo! Nthu na khangya nbenle!”

2 KHENICÜKI 13:14

Judah nyithu na ghangkevüli chi nan nyu na mathu vüya benla. Mathu na maghala Apvüwa wi kekiqa khie nu keqhaikedithu na tutuwa khou.

2 KHENICÜKI 2:4

Hi Apvüwa iNyiza kinyikü wina Kekinyijjen kesü sa ben. Tsüwa tsüna inyithu nu hi hankedemvu mecang pi ma kinyi, ithu na keshüthangla kemetha amesa pi ma kinyi nu ithu na aghanen nu aghaja kaghapen nu Sabbath tsathang wi la mecang pi kekinyi, Asha ketheü Kho, nu atsathang kemetha kepathu wi Apvüwa ithu Nyiza kekinyikü ghena apen kemetha kesü sa ben. Israel na anuphanla ha salo kesa ma ajüh khuchi cüdha.

2 KHENICÜKI 8:13

Ma Mosa Yenwa wi zhü ketheng kenie wina kemetha tsathang kaghapenla mecang pi kekinyi sa; Sabbath, Asha Ketheü kho, nu amapi kesü wi akho kecheng— azimi pi nkechi Mesa pi kemishu Kho, Matheükedhi Kho, nu Kelishu Kho.

ZAKECI 149:3

Ghakha nu ma nyan senglo; apha kihhe nu harp khou pi ma senglo!

ZAKECI 33:2

Harp khou pi Apvüwa senglo, achünongli kebenthu tsü khou pi ma senglo.

ZAKECI 98:6

Tutuwa nu amesü ghacüthu pi khou chi, nu anonkeghe wina jisha pi Apvüwa ithu kadimiwa wi chilo!

NONKEGÜ 2:6

Ma ithu na ma kinyiketen pen Kekinyijjenwa tsü whengcha zighedha; Ma Sabbath nu kemetha tsathangthu pi asakhen sadha. Kadimiwa nu keqhaikedithu makesü ma lebenketsu kekhang tsü pvüya.

NAHUM 1:15

Ghangchilo! nyilo kesü na ajühkemehaiwa sennu ayikha miwi na ghoten le! Ma khangkeya pi thangchi le ghoden! Judah nyithu, nthu khothu tsü salo, nu nthu na Anyiza wi kekishen kedhu khishi ketheng tsüpi ma cülo. gheshighenawa na khiela nthu yyi nkagho neng nbendha. Mathu yasatha sadha le!

SHICÜSI 15:3

Amesü süpon, khaghaneni süpon, khaghaneni nyelela aneni pi Apvüwa cüya mehai, tsüna mecang pi kekinyi, jühkhukechi kesacen hhansha kesa, kenen wina kekinyi, nyelela nthu na keccüna kho kesa wi lela; Apvüwa na atsse pi kekinyi han ha nen den.

SHICÜSI 28:11

Asha ghatsan kaghapenla mecang pi kekinyi sapi Apvüwa cülo: amesü süpon kaghani keni, khaghaneni süpon kesü, khaghaneni zza amapi kesü ji asüpon tagü tsüdila nyu ghojünkeya mangla nkemi.

AYENZHÜNENG 16:15

Kekinyipenwa witsü ghanan tagü akho ha sapi Apvüwa nthu Nyiza kinyikülo. Anonghelo, kepaghenanye Apvüwa na sawegü pi nthu llikewwi nu kekuli wi chicüdha.

KOLOSSINYI 2:16

Tsalina anyi thola nthu na kedsakejjü, atsathang kemechan, Asha Ketheü Kho, nyelela Sabbath tsathang cükithu ghena nthu nmeshensa thsüla.