ZAKECI 127:1 - Kemethajüh (N) (Re-editing) Bible (BSI)

¹ Keujüla Apvüwa na ajjen tsü nsa lethu, ajjen kesathu kekuli tsüna ma men nmi; keujüla Apvüwa na anyunuti tsü nkhwe lethu, aghikehiethu na ngan nu kehie tsüna ma men nmi.

ZAKECI 127:1 Iomraidhean Croise

1 KADIMITHU 5:12

Apvüwa na ma khishi ketheng tsü nie nu kemetsa pi Solomon cü. Hiram nu Solomon manyi jüwi kecca na ben, nu manyi na keponghu kesü sa.

1 KHENICÜKI 28:10

Apvüwa na no ya ma Kekinyijjen kemethawa tsü sa thsüle kesalina no kessiyadha kesa chüyalo. Khili nleben zükeqhe nu tsü sashhu yilo.”

1 KHENICÜKI 28:20

Kadimi David na ma tsa Solomon wi khi, “Kempvüza sa nu leben zükeqhe sayalo. Kekuliwa tsü sashhu yilo, nu mangla no nkhen thsüla. Apvüwa Anyiza hi ma kekuli sa ketenwa na no ssiden. Ma no teshi nben, isala no ma Kekinyijjen wi kekuli npi kesacen chu ma no gweghe benben.

1 KHENICÜKI 29:19

Itsa Solomon ya ma leben ntsa sa n-yenkhukechi tsüdi kina mvu kesa nu hi Kekinyijjen ghena kiden-kesha ketheng hathu pi tsü saya thsülo.”

ZAKECI 120:1

Hi agükeccü wi keben wi Apvüwa, no cichi: ciwi ma hi luneng chi.

ZAKECI 121:1

Hi ayikha wi ghang; hi kekiqa khiewa na ghoten nu?

ZAKECI 122:1

Mathu hati hi kekiza wi hi nongya, “Ithu Apvüwa jjen wi wa nalo.”

ZAKECI 123:1

Apvüwa, hi yakila no ghang, tangwi no kekhang kesen pen wi tsü.

ZAKECI 124:1

Keujüla Apvüwa na ithu wiwa nmi lethu khati sa kesa nu? Luneng chilo, O Israel!

ZAKECI 125:1

Apvüwa nondi ketenthu na Zion yikha ti, khiela zankeju meya, khiela kuli meya.

ZAKECI 126:1

Apvüwa na ithu ssinu Jerusalem wi kheneng kegho tsüna aman kesü ti kesa!

ZAKECI 72:1

O Anyiza, kadimiwa sansi pi no ketsatan wi ajühkaghatenya thsülo; no kemeshonwa tsüpi ma la cülo,

ZAKECI 78:69

Tang wi ma jjen ti kesa ma kekinyijjen saya; ma tsüwa tsü pila ayyi ti zükeqhe matsü tsüdi wi ngan benya thsü.

KEMETSAJÜH 16:9

No nchothu kidenya mehai, isala Anyiza na no kekulithu tsütson senden.

Sansichhü 9:11

Hi pala kepa wi kesü chükeya na ayyi hawi bvü kemehai ntsawa na keshüthangla kebvü wi khangya nten, nu kempvüza ntsawa na keshüthangla aghi wi khangya nten. Kemetsa nyi na keshüthangla kedsakejjü muya nten, metsa-mena nyi na keshüthangla benya nten, nu sapichü nyi na keshüthangla apen kemisi wi kiya nten. Isala acenpvü nkemi na tsüdi miwi ghoden.

Kesaki khwi 3:3

Ghikehiethu na anyunutiwa wi hi mu. Hi mathu wi keü, “Nthu na Izi pvüzawa mula nu?”

Kesaki khwi 5:7

Ghihiethangthu na anyunutiwa wi hi muya; mathu na hi kiccü nu kihhecha; anyunutiwa wi ghihie kebenthu na ithsümeni mezüqhea.

ISAYA 27:3

“Hi tsü hie nu atssü pi zügükini sa. Hi thola ya tsü meyasa thsüle kesa ghena ghaja ghanan tsü hieden.

ISAYA 56:10

Ma khiben, “Accülikesathu, inyithu kitsan kechithu tsüdila anyon nmuladha! Mathu na mangla nchü. Mathu na ajjen kehie ffü khou nketenthu ti, jen nu aman man keten ketan sadha. Mathu na khatila jenben mvu ten nu!

ISAYA 62:6

Jerusalem, hi nkhweti miwi aghikehiethu pi chitheng, mathu na aghaja nu aghanan lela ccen ben wa yishü. Nu ma yala khiela tsüthu nmali thsüla.

JEREMIYA 51:12

Zensu sachi nu Babilon khweti vüya thsülo! Aghikehiethu satezüchi! Anyithu pi aghiceng benya thsülo!” Apvüwa na Babylonia miwi mangwa saaben le khitheng khe ma tsü sadha.

JEREMIYA 51:31

Nyilothu na kesenniela bvü wa Babylonia nyunutiwa wi apen tsüdila pvüghedu bendha le kesa pi kadimiwa kizale saben.

1 KORINTHNYI 15:14

nu keujüla keshü wina Khrista sa pi hang nshagha thsü lethu, ikhang na pi nyu sansi keten ha mang men la nmi, nu nthu kenondi tsü la mang men la nmi.

1 KORINTHNYI 3:7

Tsalina anyi amacü pi vvü kechiwa le atssü pi zügü kechiwa lela mangla nye, isala Anyiza na maton sa pi shigü keshaghawa tsü le!

GALATIANYI 4:11

Hi nthu ghena leben güccü ben le! Hi nthu ghena kekuli tsü tsüdila ma men nkemi saya mehai kwe?

AYENZHÜNENG 8:18

Apvüwa nthu Nyiza na ma kekhang pi nthu cü nu benya thsüle kesa meshenyalo. Ma ha sachi kepaghenanye ma nansü kecu wila kheni nthu bamyithu ssinu cenkethenjüh witsü jühtsentsa saben.

JOSHUA 2:2

Jerikho wi kadimiwa na tsü ghaja Israel nyi pahan na diyyiwa hhainanle gho benle kesa zaya,