ZAKECI 12:3 - Kemethajüh (N) (Re-editing) Bible (BSI)

³ Ajühtsentsa nkekhi mili tsü ya ceen ben wa thsülo, O Apvüwa! hatinu kekapvü jüh khi keten pang khenlo,

ZAKECI 12:3 Iomraidhean Croise

KEMETSAJÜH 18:21

No mangwa khichi khe tsüna no kahang pi tsanqai cü nyelela yasaya mehai; tsalina no njüh kutimen tsü meyathu yishü.

CCÜCAKECHI 13:5

Aghangsa yala kekapvü jühkhi nu Anyiza kimenni thsü, nu asha jügha nu keni kekhang keben saya kemehai pi cü theng.

DANIEL 7:8

Hi ma ghacüthu tsü ghang keben wi aghacü kepa wi kizza kesü na tsüthu jawi shhugho keten hi mu. Tsüwa tsüna aghacü ciwi keben kecheng pashüa. Aghacü hawa ha anyi nyon nu apang pvü nu kapvü wisa ntsa saden.

ZAKECI 17:10

mathu nyu ketizen nmi, nu kapvüshüsha ajühkhi den.

JUDE 1:16

Anyi hathu na keshüthangla nkulila nyu nkemehai khi nu nyu meshensa benden. Mathu na mathu sajjü kenen wi ketan hangden. Mathu ketanla mathu ghena kapvü isala nyu kejiki jühkhi nu mathu ghena kekiyi bhaden.

2 PITOR 2:18

Mathu kapvü nu kejüphon jüh khiden, nu asajjü kenen hang nkemetha sen nu anyi kesami yyi wi hang kebenthu ja wi na bvüshhu ketenthu tsü die den.

MALAKHI 3:13

Apvüwa na khiben, “Nthu na icüki qhethiketen kesa khi. Isala nthu na keüben, ‘Ithu na ncüki mangwa khi nu?’

DANIEL 7:25

Ma Kekhang ntsawa Anyiza kidhenjüh khi nu Anyiza nyithu pashaben. Ma mathu keccüna yenthu nu akhothu kemiliale kiden, nu Anyiza nyithu na amapi kecheng nu gishü pahan ma kekhang kekhu wi benden.

EZEKIEL 29:3

Hawa ha Kemisintsa Apvüwa na pi Ejipt kadimiwa kiza benle khilo. Hi nghinyi le, no aghangha ketiwa, aghaku wi jen ketenwa tsüle. No Nil ghaku tsüna nji nu no tsü sachile khiden.

EZEKIEL 28:9

Mathu na no pathia le kegho wi no ciwi la no acenpvü kesü tile khiben tenla? No no kepathithu ssinu kemetuli keya wi no keshü nyi ti saben khe acenpvü kesü ti saya nben.

EZEKIEL 28:2

Ma khi, “Keshü nyiwa, Tur wi kekhang kesenwa wi hi Kemisintsa Apvüwa na ma wi kiza keben jüh hapi kizalo: No kapvüla awisa nu no acenpvü kesü le khi. No acenpvü kesü ti atssükedonethu vü keben kadipen kesü miwi donki benle khi. No acenpvü kesü ghe saya mehai, isala nye, no keshü nyi khe Anyiza nye.

1 SAMUEL 2:3

Nthu nkapvüla yilo; nthu kekapvü jüh nkhi layi. Kepaghenanye Apvüwa tsüna Anyiza, ma pala tsüdi chüben, nu ma anyi tsüdi kekuli ghan nanden.

BVÜKESHHU 15:9

Aghinyiwa na khi, ‘Hi mathu jügü wa mathu ghan yaden; hi mathu keben gishü nu hi keyamvu tsüdi khuyaden; hi njünnu khushiya nu mathu keben tsüdi khuyaden.’

ISAYA 10:10

Hi kemeten pi tsikezhü, Jerusalem nu Samaria wi keben miwi la kejiki ben nu kinyi ketenthu cü le ikwen chang chi.

Job Lesüshen 32:22

Hi nyu kaghane jüh nkhichü, nu hi tsüti sa lethu Anyiza na wan hi meten cüaben.

ZAKECI 55:22

Ngükeccüthu tsüpi Apvüwa dhenchilo, isathu ma nsheipi yaden; ma anyi ketsatanthu yala khiela nyu ncha thsüla sa nben.

ZAKECI 116:11

hi messi keben wi tsü hati khi, “Thola nondi ya nben le.”

ZAKECI 140:12

Apvüwa, no ketha-u nu kehhatuthu kemeshon sheipiden kesa hi chüben.

KEMETSAJÜH 26:24

Nkenyeghe kesawa na ma nankemeghü tsüpi ajühkenyan nonwi kuthiden.

ISAYA 59:4

Nthu na ajüh kaghatenpen wi waden, isala nthu wiwa atsentsawa muya nten. Nthu na milikemesa kaghatenjühwa tsüpi khangya le saden. Nthu na nyu yasale kesa ghena nthu cho saden.

JEREMIYA 9:8

Mathu mili na alakusü nyu ghonthi keten ti, mathu keshüthangla milimesaden. Tsüdila meza-megüshu ma jenphon ccüneng den, isala ntsakhiwa aca pi ma dieben.

JEREMIYA 12:6

Ncünyuthu, ntheghithu lela no matsadha; mathu na nyu gweghe nu no ssikaghashen. Mathu na apvüshang kesa jüh ti khi lela mathu n-nondila.”