OBADIYA 1:7 - Kemethajüh (N) (Re-editing) Bible (BSI)

⁷ Nthu pfüwathu na nthu mechudha; mathu na nthu diyyiwa wina nthu jügüshidha. Anyithu nthu ssinu kecca wi ben ketenthu na khili nthu nkayadha. Apvüshangthu nthu gweghe dsajjü ketenthu na aca kesü pi nthu die theng; mathu na hati nthu cüki khiben, “Ma acho kemehai keben tsüdi khiewi bvüdha nu?”

OBADIYA 1:7 Iomraidhean Croise

ZAKECI 41:10

Hi nantizen cülo, Apvüwa, nu igwo sapi mehai neng cülo, isanu hi ighinyithu kutimen pi cü neng den.

ZAKECI 41:9

Ipvüshang kemehai, hi ma nondi ntsa ketenwa, hi gweghe dsajjü ketenwa lela hi matang wadha.

ISAYA 27:11

Achan cünathu na shü nu qanca lethu nzathu na tsü saghu pi anni saden. Anyithu na mangla chüshi nkeya ghena, Anyiza mathu sahangkechiwa na mathu nantizen nben nyelela nanketizen mangla pi mathu ccüca nben.

JEREMIYA 20:10

Anyi tsüdi cakhusha wina hati khi keben hi zaya, “Kemessi na apen tsüdi wi bendha! Ithu ma cüki pi kekhang kesenthu kiza na!” Ipvüshang ntsathu lela hi keqanca hie. “Ithu na ma mechuyala mechü, isathu ithu na ma ghanya nu ajukhiya na.” mathu na isa keccünengli.

JEREMIYA 30:14

Nthu ssinu kinansuli ketenthu tsüdila nthu malidha; mathu na nthu n-ghangchi ladha. Hi ghinyi kesü ti nthu ssikaghashen; nthu kemeten na dhu mtsüa, kepaghenanye nthu kesami na ji mtsü, nu gheshighena na di mtsü le.

JEREMIYA 38:22

Ciwi hi Judah kadijjen wi teshi ketheng nzathu tsüdila ssi sen nu Babilon nyi kedithu wi wa keten mule. Mathu na wa keten len wi mangwale khi khe kinalo: ‘Kadimiwa pvüshang kemehai ntsathu na ma len tsütson sadha, mathu na ma miwi kekhang senyadha. Nu khili ma ccü na anisha wi dudha, ma pvüshangthu na ma teshidha.’ ”

JEREMIYA 4:30

Jerusalem, no dedidha! Mangkesa na no athsü kenmie mphi ten nu? Mangkesa na no alon menkedhu pi nghe sa pvü, nu n-nyon nyen pvü ten nu? No ma men nkemi wi ntsisa pi mehaipfü saben! No kenenthu na no yisha, nu no pathi mvu ben.

JEREMIYA 49:7

Hawa ha Apvüwa Kekhang ntsawa na Edom cüki kekhi: Edom nyithu na mathu kemetsa bhataghadha kwe? Mathu lenketsütsonthu na mathu nsenthu keyishü pi mathu kiza meyala kwe? Mathu kemetsa tsüdila bvüdha kwe?

NONKEGÜ 1:19

Hi ishusa ketenthu cichi, isala mathu na hi nkiqa mvula. Keqhaikedithu nu accülikesathu na anyunutiwa alentonti wi shüdha, Mathu na hangyale kesa ghena kedsakejjü bha kewa wi.

HOSEYA 13:13

Israel na hangya kemehai matsü kesü ben, isala pvüghaya le kebenwa meme tsüna apvü non wina nshhugho mvula keben ti, jüphon mtsü pi tsü ya meya.

HOSEYA 7:11

Israel na tuktur kesü ti jeng nu yazishu mechu yaden; ma nyithu na atuwa Egipt wi kekiqa khie, tsaseng wi mathu na Assiriya wi bvü wa!

JOHAN 13:18

“Hi nthu tsüdi cüki khi nben, hi hi kessiya kesathu chüben. Isala Ntsawajüh na khi keben tsü nsacenthu yishü, ‘Anyi hi gweghe amesa kedsawa na hi shunben.’