OBADIYA 1:5 - Kemethajüh (N) (Re-editing) Bible (BSI)

⁵ ‘Khathansha wi kaghanfüthu na aghaja wi gho khe, mathu na yamvu keben ketan khuyaden. Khathansha wi anyithu na kemeshentsse bi la khe, mathu na keshüthangla keu teshiden. Isala nghinyithu na no yasatha pidha.

OBADIYA 1:5 Iomraidhean Croise

2 SAMUEL 1:19

“Israel yyishiphon thu miwi ithu ccülikesathu na shüdha! Ithu süpahi aghikekhang ntsathu na shüdha!

ISAYA 14:12

Babylonia kadimiwa, ghotsi sükhawa, no tang wina qanca dugho! Wa kesa tsü wi no mizzatentithu nkayaya gho, isala khilitsü no pi ayyi wi khala chidha.

ISAYA 17:6

Anyi kezeng-u ketan mehaiya ben, nu Israel nyithu na oliv ton wi ma bi layakhi nu ma shoni wi keni kecheng ketan teshi ketheng ti nyelela ma lapvü ma cüna wi kezeng-u ketan teshi ketheng ti saaben. Hi Apvüwa Israel Nyiza, hi khidha.”

ISAYA 24:13

Hawa ha mizzatenti tsüdi nu ayyi tsüdi wila saaben. Tsüwa tsüna alli kewwikhi pang wi oliv ton tsüdi wi ma bi kihhesha nu kemeshentsse ton wi ma bi tsüdila laya keten tsüti saaben.

JEREMIYA 49:9

Nyu na kemeshentsse bithu la lela mathu na maton wi pahan teshiaben, kaghanfüthu na aghaja wi gho nu mathu keya mvu ketan khuyaben.

JEREMIYA 50:23

Babylonia na ayyiwa maben whengcha zighedha, nu khili kewhengji tsü pachadha le! Mizzatenti tsüdila diyyi tsüwa miwi sakea tsü mu pi qhethidha.

JEREMIYA 6:9

Apvüwa Kekhangwa na hi wi khi, “Israel kihhe metha pi kemeshentsse ton wi mabi layakhi kesa ti saaden. Tsalina matsü keben jüwi na no saya kemehai chu anyi tsüdi kekasha yalo.”

NONKEGÜ 1:1

Jerusalem na khatila caghangca ben, kuti tsüwi anyi na pong ben keten! Kuti tsüwi ayyi na tsü nyuwakü keten, ma khili tsü denyile kesü ti sadha; Anyunutithu wi kedikemehaithu na nyu nssümagha sa wadha.

OBADIYA 1:9

Teman ghi kesanyi na qhethiketen piaden, nu Edom wi süpahi tsüdi pathikhiaben .”

MIKA 7:1

Ajü nmidha! Hi kaghama nyi kesü na kedsauton nyelela kemeshentsse tonthu wi ma bi mu nkeya ti sadha. Kemeshentsse bi nu khhaghabvü dsa kemehaithu tsüdila nyu na layadha.

ZEFANIYA 2:15

Anyunutiwa ma kekhang ghena kapvü ntsa sa nu apvü-nsale meshen ketenwa miwi tsü hati saaben. Ma nyithu na mathu nyunutiwa na ayyi wi keti ntsawa le meshenden. Khatila keyishapen kesü, asahangthu na kejenpen kesü saaben nu! Tsü pvüdhi kewa nyi tsüdila qhethiketen nu waishe saaben.

AYENZHÜNENG 24:21

Nthu na kuti kemeshentsse bi tsü laya lethu, kheneng keni tughu nwa lalo; kemeshentsse bi teshi kesathu tsüna asangthu, maghamaghangthu, nu denyilethu ghena sadha.

CCÜCAKECHI 18:10

Mathu na temeja wi ngan ben, kepaghenanye mathu na ma gweghe ketizen kesa tsü messiben. Mathu khiben, “Qhethiketen le! Khatila amankesa nu! Babilon, keti nu kekhang nyunutiwa! Amighe kekihhe kesü jü ketan na no meten cüdha man!”