OBADIYA 1:3 - Kemethajüh (N) (Re-editing) Bible (BSI)

³ Nwikesa na no mechudha. No ghazen nyunutiwa na alon pi khweti vütheng; njjen na ayikhathu kemisi miwi ben, tsalina no ketanla no wi khi, ‘Thowa na hi zanshaya mehai nu?’

OBADIYA 1:3 Iomraidhean Croise

ADECHHÜ 36:8

Tsalina Esau na wa Edom diyyiwa yyishiphon wi hang wa.

2 KADIMITHU 14:7

Amaziya na Amcü Yyiketijü wi Edom nyi süpahithu hazar tagha pathia; ma aghi wi Sela nyunutiwa tsü nkaya nu tsüpi Joktheel ci nu tsüna khilila ben.

2 KHENICÜKI 25:11

Amaziya na kempvüza saya nu ma süpahizi ssinu Amcü Yyiketijü wi wa. Ciwi mathu na Edom nyi süpahithu ssikesali nu mathu hazar tagha pathia

2 KHENICÜKI 25:12

nu kepa wi hazar tagha ghanya. Mathu na atssüzüthu ssinu Sela nyunutiwa wi alonshi shoni wi ki ciwi na mathu pi cüchi nu mathu ya alon miwi kecenthi thsüa.

Job Lesüshen 20:6

Mathu na shigü pi di nu atssan la cu, tisie ntsa nu ma li na akulu la cuya mehai,

KEMETSAJÜH 16:18

Kekapvü nu awikesa tsüna nyu ssi wa keyasa nu kekhuli wi chi cüden.

KEMETSAJÜH 18:12

Anyi kesü ma ketanla ma satemeni nkesa tsü nyu ma nyuwakü nten; awikesathu na kededi len wi tendha.

KEMETSAJÜH 29:23

Kekapvü tsüna no zanshaden, isala keujüla no no satemeni ten lethu nyu no küden.

ISAYA 16:6

Judah nyithu na khi, “Ikhang na Moab nyi na khati kapvü khe zayadha. Ikhang na mathu na ammisa nu awisa tenle kesa chüdha, isala mathu dithang ketenwa tsüna kaghacang.”

JEREMIYA 21:13

Jerusalem, no alon kesü na deshentijü miwi shhugho keben ti no ayyiketijü miwi donkiben. Isala hi no ssinu kaghashen den. No anyi kesüla no ssikaghashenya nben nyelela nkhweti pvüqhe dughoya nbenle khiden.

JEREMIYA 37:9

Hi Apvüwa, no kitsan chiben, Babylonia nyithu na gho neng nbenle meshen nu no ketanla no nmechula, kepaghenanye mathu na gho neng metsiden.

JEREMIYA 48:28

“Nthu Moab wi kahangthu, nthu nyunuti teshilo! Wala alonshi miwi hanglo! Nkhetsü na alonshiku wi ma ghacen sa ketenwa tsüti salo.

JEREMIYA 49:16

Nwikesa na no mechudha. No ketanla no kemeshen ti thola no nmessile. No alonshi miwi ayikha wi hangden, no amumu kesü ti kemisi ntsa wi hangben lela Apvüwa na no zansha cüden. Apvüwa na khidha.”

JEREMIYA 49:4

Nthu lebentsentsa nkesathu, Mangkesa na ashhüsa ten nu? Nthu kezü nmila bendha. Mangkesa na nthu ketanla nthu kekhang nondi nu thola nthu ssikaghashenya nbenle saten nu?

EZEKIEL 28:16

No asenlikesa kedhamangwa tsüna no ssisen wa yasayala nu kesami wi chia. Tsalina hi no matang nu no ya iyikha kemetha teshilo sa, nu no hie keten nyilowa tsüna alon menkedhu kizali kesathu wina no jügüshi pia.

MALAKHI 1:4

Keujüla Esau shicübvügha Edom nyithu na “Ithu nyutithu na yasadha, isala ithu na tsü sa nengya tenle” khi lethu, Apvüwa na luneng ben, “Mathu ya tsü sa neng thsülo— hi kheneng tsü pheghe cüden. Anyithu na tsüthu pi ‘Nkemehai diyyiwa’ nu ‘Apvüwa na anuphanla ma miwi aghepvü keben mizzatentiwa’ tsüti ciaden.”