OBADIYA 1:12 - Kemethajüh (N) (Re-editing) Bible (BSI)

¹² No Judah wi nthu cünyuthu cenpvü nkemehai tsü nankeqhe kesa-u nye. Mathu keyasa ghanan wi no anonkeyen-u nye. Mathu na agüccü keben wi no mathu nankeqhe kesau nye.

OBADIYA 1:12 Iomraidhean Croise

Job Lesüshen 18:20

Nishu na wa nidu kecu ma cüki kizathu tsüdi messi pi ketheng nu kedheggüben.

Job Lesüshen 31:29

Hi khiela ighinyithu na ketizenkesa wi hi n-nong nyelela mathu na ketizenkesa metukeya wi hi nen nsa;

ZAKECI 22:17

Igü tsüdila mu wadha. Ighinyithu na hi ghang nu mathu qhethiketen sa.

ZAKECI 31:18

Milikemesathu ya ceen ben thsü— dithang nu kapvü ketenthu tsüdi ketsatan nyithu nkekhichi jühkhi.

ZAKECI 35:15

Isala hi tsü khathansha agükeccü wi benla khe, mathu tsü mathu nonghe, nu hi vüya nu hi nankeqhe; nkechünyi la hi kiccü nu hi kihhe ben den.

ZAKECI 37:13

Isala Apvüwa na nkemehai nyithu nankeqhe, kepaghenanye wan mathu yasa keten tsü ma chüben.

ZAKECI 54:7

No igükeccü tsüdi wi hi hangsha cü, nu hi ighinyithu na nyu nkecha tsü muyadha.

ZAKECI 59:10

Anyiza na hi ghaliden nu ma hi wi ghoben; ma hi yala ighinyithu nyu nchala kesa tsü mu thsüden.

ZAKECI 92:11

Ighinyithu na nchala kesa tsü hi mu, nu anyi gheshighenathu kiqai hhai tsü hi zayadha.

KEMETSAJÜH 17:5

Keujüla no ketha-u nyithu nankeqhe lethu no mathu sa kechiwa Anyiza nkekhichi saben. Keujüla anyi kesü ma cenpvü nkemehai ghena no n-nonyeng lethu no meten- mesha yaden.

ISAYA 37:24

No nmaghathu kesun pi hi wi chi nu ituwi kapvüla no gorugari tsüdi ssinu Lebanon Yinong kemisi ntsa tsüdila nkayale khi. No sedar chan kesie ntsa nu sipress chan kemehai ntsa shüchi, nu ayinong non ntsa wi lela cuyale khi nu kapvü.

NONKEGÜ 2:16

Nghinyithu tsüdila no nankeqhe, nu nanmeghüthi no ghangben. Mathu na mathu milissi nu nankeqhela, “Ithu na ha yasa cüdha! Ithu na atsathang hawa ha hie keben!

NONKEGÜ 4:21

Edom nu Uz nyithu, keqhelo; nthu na saya kemehai keben wi nongya. Nthu ghena ketizenkesa la gho tendha; nthu la kejüghekeya wi kemissü kulukhukhu saben.

EZEKIEL 35:12

Tsaseng wi nthu Israel yikhathu tsü yishadha nu nthu na tsü yaya mehaidha le meshen nu mathu nkhichi la khi kechi tsü hi Apvüwa na tsü zaya le kesa nthu na chüyaben.

EZEKIEL 35:15

tsüna nthu na iji Israel tsü kededi ghena nthu nonkeghe kesa ti. Seir yikhathu, anle, Edom yyi tsüdi yisha cüden. Tsaseng wi anyi tsüdila hi Apvüwa le kesa chüyaben.”

EZEKIEL 36:5

“Kemisintsa Apvüwa, ileben keminu kisa pvü nu ha khipi kevü mizzatentithu nu tsü miwi Edom shunben. Mathu na anonkeghe sa nu nkhichi sala iyyi nu ciwi amouthu yaya.

MIKA 4:11

Mizzatenti kejon na nthu ssisale saghuyadha. Mathu na khiben, “Jerusalem tsü yasa nsathu yishü le! Ithu na anyunuti hawa ha keyasa muben!”

Luk Zhükechi Jühtheü Kemehaiwa 19:41

Ma anyunutiwa tsü tetsaki gho nu mukeya wi tsü ghena qai,

JAMES 3:5

Tsalina anyi mili la tsüti kesa: tsüna agwo wi kizzakeu kesü isala pala kedidi khi pi kapvüya mehai. Ayinong tsüna di ntsawa saben lela anni keu pi tsü mecang chiya mehai le!

2 PITOR 2:18

Mathu kapvü nu kejüphon jüh khiden, nu asajjü kenen hang nkemetha sen nu anyi kesami yyi wi hang kebenthu ja wi na bvüshhu ketenthu tsü die den.

JUDE 1:16

Anyi hathu na keshüthangla nkulila nyu nkemehai khi nu nyu meshensa benden. Mathu na mathu sajjü kenen wi ketan hangden. Mathu ketanla mathu ghena kapvü isala nyu kejiki jühkhi nu mathu ghena kekiyi bhaden.

CCÜCAKECHI 13:5

Aghangsa yala kekapvü jühkhi nu Anyiza kimenni thsü, nu asha jügha nu keni kekhang keben saya kemehai pi cü theng.

1 SAMUEL 2:3

Nthu nkapvüla yilo; nthu kekapvü jüh nkhi layi. Kepaghenanye Apvüwa tsüna Anyiza, ma pala tsüdi chüben, nu ma anyi tsüdi kekuli ghan nanden.