MATHI 6:2 - Kemethajüh (N) (Re-editing) Bible (BSI)

² “Tsalina nthu tsü nkenyeghe kesathu na kekinyijjen nu alentontithu wi sa keten ti nthu na pala pi kehhatu nyi kecü wi ammi nsa lalo. Anyithu ya mathu seng thsüle kesalina mathu na tsüti saden. Hi nthu kizaden, mathu na mathu kutimen tsüdi muyadha.

MATHI 6:2 Iomraidhean Croise

ZAKECI 112:9

Ma mohho ntsa sapi haketu nyi cüden, nu ma keccaketssüwa tsüna khiela nmila nten; ma khang ntsa nu kinyiküden.

ZAKECI 37:21

Anyi gheshighenawa na nyu ji nnaya, nu khiela pi dhineng nten, isala anyi kemehaiwa na ma kesawegü tsü mohho ntsa senden.

KEMETSAJÜH 19:17

Khathansha wi no pala pi ketha-uthu cü khe tsüna pi Apvüwa nna thsü keben ti kesa, nu Apvüwa na pi no cü neng den.

KEMETSAJÜH 20:6

Anyi tsüdila ma khatila ajühya nu aleben tsentsa saten khe tsü cüki khiden, isala anyi thowa na ntsakhiwa meshon khe tsüwa tsü bha nanlo!

Sansichhü 11:2

No keben pi alen kecheng mejü wi — alen kejon wi lela chiya, kepaghenanye ayyi hawi acenpvü nkemehai mangwa na nmiwi ghoten khe no khiela nchü.

ISAYA 10:6

Hi Assiriya kesun pi Anyiza nkechü mizzatenti, hi ya alebentsu thsü ketenwa tsü ssinu kaghashen thsü. Hi tsüthu kesun pi nyu ji shuya nu ghanfüya nu anyithu pi alen wi kenenkagha ti cüten thsüa.”

ISAYA 58:7

Nthu kedsakejjü pi kaghamathu gishü dsa nu nthu jjen sha pi ajjen nkemi ketha-uthu cülo. Athsümeni pi kimessü ketenthu mphi thsü, nu nthu shilithu nkiqala nsala.

ISAYA 9:17

Tsalina Apvüwa na acalithu kesütanla bvüya thsü nten, nu ma denyi-dema nu magha-maghangthu nantizen chi nten, kepaghenanye anyi tsüdila Anyiza nkinyila gheshighena ketan nu mathu kekuli tsüdila nmehai le. Tsüti sa lela Apvüwa leben ketsu na ma sakhen sa nben, isala kemeten pi cü le ma kwen chang sen nu ben den.

HOSEYA 8:1

Apvüwa na khiben, “Kemessi hhai sa chilo! Aghinyithu na amumu ti iyyi wi juchi dugho tendha! Inyithu na hi mathu ssinu cenkethenjüh tsü pakhhi nu hi kesansijüh tsü shunla hhagheben.

MATHI 15:7

Nthu nkenyeghe kesathu! Isa atusenjüh-kechüwa na nthu ghena kekhi tsüna atsentsale!

MATHI 16:3

Nu nthu na aghanen wi hati khiden, ‘Akulu nmie pi jang keben ghena atsangho benle.’ Nthu na akulu ghang nu atsanen kemehai keteshü khiya mehai, isala nthu na amankesa hathu matsü tsü khiya nbenle!

MATHI 22:18

Isala Jisu na mathu nkemehai kemeshen tsü chüya nu mathu wi kiza, “Nthu nkenyeghekesathu! Nthu mangkesa na acho sa pi hi ghanle saten nu?

MATHI 23:5

Mathu kekuli tsüdi wi anyithu ya mathu muya thsüle saden. Ghangchilo, mathu na Ntsawajüh zhüghu pi mathu tie nu ahacü wi chipvü, nu tsüna di ntsawa muben! Mathu thsümeni miwi athsü kizzakeu tsü la khatila sie nu!

MATHI 23:6

Mathu na akhothu wi kenyuwakü pen wi ben nu sinagogthu wi apen kemehai ntsawa wi keben tsü nenden;

MATHI 24:51

Ajjen pvüwa na ma pi akhemi wi khalachi nu pi nkenyeghekesathu gweghe meten cüben, nu ma ciwi qai nu ma yha kemeküli saben.

MATHI 5:18

Chüyalo, atssan nu ayyi na keben chu nu pala tsüdila asakhenwa npi kesa tsü Ayenwa wi ajjügi kizza ntsawa nu keshenki kesü lela nmila saya nben.

MATHI 6:16

“Nthu na kezi wi nkenyeghe kesathu na sa keten ti ahathanathi nsa lalo. Nyu yala mathu zi benle kesa chüya thsüle kesalina mathu na atsi nsala benden. Hi nthu kizaden, mathu na akutimen tsüdi muyadha.

MATHI 6:3

Isala nthu na kehhatu nyi kiqa lethu pi nthu pvüshang ntsawa lela nchü thsüla sa tenlo.

MATHI 6:5

“Nthu na kekhie kesa wi nkenyeghe kesathu ti nsa lalo! Nyu tsüdi ya mathu muya thsüle kesalina mathu na kekinyijjen nu alentontithu wi shagha nu kekhie kesa tsü mathu nenden. Hi nthu kizaden, mathu na akutimen tsüdi muyadha.

MATHI 7:5

Nthu nkenyeghe kesathu, atuwa sa nthu nyon wi kenenkuwa keti tsü khüshilo, isathu tsaseng wi ncünyuwa nyon wi kenenkuwa kizzakeu tsü mehaitsü muya mehai.

MARK 12:39

nu Sinagogthu wi apen kemehai ntsa wi ben, nu kemishu wi kekinyikü pen wi ben mvuden.

MARK 7:6

Jisu na mathu wi khineng, “Isa na nthu ghena atusenjüh-kekhi tsüna khatila meshon nu! Nthu nkenyeghe- kesathu, ma hati zhütheng: ‘Anyi hathu hana mathu pang wi hi nyuwakü, isala mathu leben wi hi ssi temejaden.

Luk Zhükechi Jühtheü Kemehaiwa 11:41

Isala nthu hyikhu wi keben tsü pi ketha-u cülo, isathu nthu ghena pala tsüdila metha ben.

Luk Zhükechi Jühtheü Kemehaiwa 11:43

“Farisithu, nthu ghena khatila qhethiketen saten nu! Nthu na Sinagogthu wi apen kemehai ntsa pen wi ben nu asenkesapenthu wi nyu nthu nyuwaküla shalom kesa tsü nenden.

Luk Zhükechi Jühtheü Kemehaiwa 12:33

Nthu keben tsüdi jeü nu apisa pi ketha-u cülo. Mme wa nkesa ji apisa hikhu tsü pi nthu ji saya nu nthu keben pi tang wi khiela zeng neng wa nkeben pen wi tsanqai yalo, kepaghenanye ciwi kaghanfü na ghanfüya nben nu akimi la pvüya nben.

Luk Zhükechi Jühtheü Kemehaiwa 12:56

Nkenyeghe kesathu! Nthu na ayyi nu akulu ghang nu atsannen khiyaden; isathu nthu mangkesa na nansü kahang tsüwa ha chü meya nu?

Luk Zhükechi Jühtheü Kemehaiwa 13:15

Apvüwa na ma wi khineng, “Nthu nkenyeghe kesathu! Nthu tsüdila Sabbath tsathang wi nthu mesü nyelela gada ma jjen wina lisha sen wa atssü pi jjü thsü nten kwe?

Luk Zhükechi Jühtheü Kemehaiwa 20:46

“Nthu na Ayenkesansithu ghena kiden-keshayalo; mathu na agwo- mejuwa kaghazuthu pvünu kegoe nu asenkesapen wi nyu mathu nyuwaküla shalom kesa nen; Sinagogthu nu apen kemehai ntsawa nu kemishu wi kinyikü pen wi ben mvu ketenthu;

Luk Zhükechi Jühtheü Kemehaiwa 6:24

“Isala nthu khili kebenthu ghena qhethiketen saben; nthu na hang pi ccayadha!”

Luk Zhükechi Jühtheü Kemehaiwa 6:42

No khati nu n-nyon wi kenenkuwa keti keben tsü nmula ncünyuwa wi ‘Icünyuwa, hi n-nyon wi kenenkuwa kizzakeu keben tsü khüshi cü na,’ isa khiya mehai nu? Nthu nkenyeghekesathu! Atuwa sa nthu nyon wi kenenkuwa keti keben tsü khüshilo, isathu ncünyuwa nyon wi kenenkuwa kizzakeu keben tsü mehaitsü mushiya mehai le.”

JOHAN 13:29

Judah na apisa hikhu kenonccawa ghena, sansikeyathu pahan kemeshen na Jisu na ma kiza nu wala kemishu ghena mathu nsenthu keyishü shei sen gholo, nyelela pala pahan pi ketha-u cülo kesa ghena le sa.

JOHAN 5:41

“Hi anyithu wi anyankethang pvü mvu nben.

JOHAN 5:44

Nthu na khokho wi nyankethang tsü ya mvu, isala nthu na Anyiza wina kegho nyankethangwa tsü bha mvu nten, isathu nthu na khati nu hi nondiya mehai nu?

JOHAN 7:18

Anyi thowa na ma ketanla ma kekhang wina khiten khe tsüna ma ketanla ma nyankethang tsü bhaden, isala thowa na ma kesun kechiwa nyankethang bhaten khe tsüna atsentsa, nu ma wi milikemesa mangla nmi.

KEKULI 10:2

Ma nu ma theghi tsüdila Anyiza messi nu kinyi den. Ma Judah nyi ketha-uthu kejonla kiqa nu Anyiza wi khieki benden.

KEKULI 10:31

nu khi, ‘Kornelia! Anyiza na no kekhie za yadhale, nu no nyu nantizen kechi kekuli tsü la chüben.

KEKULI 10:4

Ma messi ntsa tangnyilowa ghang nu khi, “Kediwa, ha mangwa jjügi saben nu?” Tangnyilowa na ma wi kiza, “Anyiza na no kekhie nu nyu nanketizen kekuli tsü muyadha, nu ma no kekhie luneng cüle ben.

KEKULI 11:29

Sansikeyathu na mathu meshu kesüsü saya kemehai chu kekiqa kesun pi Judea wi mathu pvüshang kenondithu cü tenle kesa südheya.

KEKULI 24:17

“Hi amapi keni kecheng Jerusalem wina kebvü seng wi apisa pi inyithu cü nu kekinyi sale ciwi wa neng.

KEKULI 9:36

Joppa wi kenondi nyi nza kesü ma nyan Tabitha (Grik jüh wina ma nyan Dorka, ma jjügi “ameshü”) na ben. Ma matsü tsüdi wi kemehai kuli nu ketha-uthu kiqaden.

ROMNYI 12:8

keujüla tsüna nyu kechü-kenong kesa lethu, ithu na tsüti kesa-u. Thowa na pala pi nyu cüten khe mohho ntsa pi kecü-u; thowa na kekhang senben khe apiketsü sa kekuli-u; thowa na nyu tuwi ccatssüten khe anonghethi kesa-u.

1 KORINTHNYI 13:3

Hi keben tsüdila pi nyu cü nu igwo lela pi mecang thsü — isala keujüla hi nanketizen nmi lethu, ha ighena kemehai mangla nmi.

GALATIANYI 2:10

Mathu kekhi na ikhang na mathu jawi kahhatuthu tsü meshen ben tenlo khi, tsüwa tsüna hi sa mvu ntsa keghowa tsü.

EFESANYI 4:28

Anyi ghanfü ketenwa n-ghanfüla nu ma ketanla ma nmen milledsa nu ketha-u kiqayale kesalina kuliwa nsathu yishü.

1 THESSALONIKANYI 2:6

Ikhang na nthu wi nyelela anyi kepa wi lela keseng tsü muya le sa nten,

1 TIMOTHI 6:18

Mathu wi kemehaiwa kuli, kekuli kemehai wi keban sa, mohho ntsa sa nu pala pi nyu gishü senlo kizalo.

FILEMON 1:7

Hi ketizen icünyuwa, no nyu ketizen cüki ghena inonghe nu kechü-kenong ntsa saben le! No Anyiza nyithu tsüdi leben satecca cüben.

IBRINYI 13:16

Kesü kesü ghena kemehaiwa sa nu kiqali nmalila, kepaghenanye hathu ha ahhansha kesathu Anyiza kenen sayaden.

1 PITOR 4:11

Anyi thowa na nyu sansi ten khe Anyiza ketsijüh pi sansi thsülo; thowa na nyu kekuli sa ten khe ma ya Anyiza pi ma kecü kezü sen nu nyu kekuli sa, isanu anyankethang nu kekhang na anuphan nu anuphanla ma ji sa ketenwa Jisu Khrista wina pala tsüdi wi la keseng pi Anyiza kecüwa salo. Amen.

1 SAMUEL 15:30

Saul na khineng, “Hi samidha le. Isala khili ccülikesathu nu Israel nyithu tuwi hi nyuwakü nu hi gweghe walo, isanu hi ya Apvüwa n-Nyiza kinyiya thsülo.”