MATHI 5:9 - Kemethajüh (N) (Re-editing) Bible (BSI)

⁹ “Gweghe kemehaiwa ghena kuli ketenthu na kemihhi ntsa, kepaghenanye Anyiza na mathu pi ma tsangathu le isa ciden!

MATHI 5:9 Iomraidhean Croise

1 KHENICÜKI 12:17

David na wa mathu metu nu khi, “Keujüla nthu na apvüshangthu ti hi kiqale ghonten lethu, nthu na ghoya mehai. Ithu gweghe yalo! Isala keujüla hi nthu patena cüle nsa lela nthu na hi matsa pi ighinyithu kwen wi chiale ben lethu, ithu bamyithu Nyiza na tsü chüben nu nthu meten cüben.”

ZAKECI 120:6

Hi kecca nanmeghü ketenthu tsü ssinu sie mtsü hangdha!

ZAKECI 34:12

No hang nonkwenya mvuben kwe? no kesie kahang nu anonkeghe ya mvuben kwe?

MATHI 5:45

isanu nthu na nthu Ba tang wi kebenwa tsangathu sayale kesalina. Kepaghenanye ma aghani pi anyi kemehaithu nu nkemehaithu tsüdi miwi wegü nu atsangho pi anyi kemehai nu nkemehai kekulithu tsüdi miwi chiden.

MATHI 5:48

Nthu Ba tang wi kebenwa na mehai cencu kesa tsüti nthu la mehai cencu nsathu yishü.

Luk Zhükechi Jühtheü Kemehaiwa 20:36

Mathu na tangnyilothu ti sa nu shü nben. Mathu na Anyiza tsangathu sadha, kepaghenanye mathu na keshü wina hangneng-shaghadha.

Luk Zhükechi Jühtheü Kemehaiwa 6:35

Isala nthu nankemeghüthu tizen, nu mathu ghena kemehaiwa salo; pala pi nyu nna thsü nu mu neng yale nsa la. Isathu nthu kutimen muyaben, nu nthu na Kemisintsa Anyiza tsangathu sayaben. Kepaghenanye ma nkemehaithu nu gheshighenathu tuwi lela mehaiden.

KEKULI 7:26

Dhitsüwa wi la ma Israel nyi meshu keni na kitagha keben muya nu ma manyi yala kemehaiwa sa thsüle nu khi, ‘Kinachilo! Nshinyi qho Israel nyi, mangkesa na hati nshinyi kitaghaben nu?’

ROMNYI 12:18

Nthu saya kemehai chu anyi tsüdi ssinu kecca wi hanglo.

ROMNYI 8:14

Anyiza Ghamu lenketsütson wi hang ketenthu tsüdila Anyiza tsangathu.

ROMNYI 8:16

Anyiza Ghamu na ma ketanla ithu ghamu gweghe nu ithu na Anyiza tsangathu le khishi thsüden.

ROMNYI 8:19

Ayyi ha wi sahangkechithu mabenla Anyiza na ma tsangathu pi ccücachi keten tsü nmvuthi hieben.

1 KORINTHNYI 6:6

kenondi nyi kesü na kepawa ssi wa ajühkaghakhipen wi nkenondithu yala nthu jühkekaghakhi thsüten nu?

2 KORINTHNYI 13:11

Icünyuthu, kemehai sa benlo! Mehaicencu yale kesa ghena apiketsü salo; hi kekhi ha kinaya; khokho jühkeyali nu kecca wi hanglo. Anyiza nanketizen nu kecca ya nthu ssiben keyawa salo.

2 KORINTHNYI 5:20

Ikhang na Khrista mithonthu, kepaghenanye Anyiza na ikhang wina khiben; ikhang na Khrista mithon wina nthu wi khiben, Anyiza yala nthu ma ghinyithu kemili pi ma pvüshangthu saya thsülo.

GALATIANYI 5:22

Isala Aghamu biwa tsüna nanketizen, anonkeghe, kecca, lebenkesie, lebenkecca, ayenkemehai, jühtsentsa kesa,

EFESANYI 4:1

Hi Apvüwa kekuli ghena atssüzü nyi kesü nthu wi kizaben: Anyiza na nthu ci keya wi kahang yen sa ketheng wi tsü hanglo.

FILIPPINYI 4:2

Euodia nu Sintikhe, Apvüwa wi pvünon nyi ti sa nu ajüh keyalilo kesa hi nshinyi wi khieben.

KOLOSSINYI 3:13

Kesü kesü tu wi kekheneng nu keujüla khokho tu wi leben nkagha ben lethu kesami teshi pi kecüli yalo. Apvüwa na nthu kesami teshi kecü ti nthu khokho kesami nketeshilithu yishü.

IBRINYI 12:14

Anyi tsüdi ssi nu gweghe kemehaiwa sa nu kahang kemetha wi hang le kesa apiketsü salo, kepaghenanye thola ha nsenla Apvüwa muya nben.