MATHI 5:8 - Kemethajüh (N) (Re-editing) Bible (BSI)

⁸ “Aleben kemethathu na kemihhi ntsa, kepaghenanye mathu Anyiza muyaden!

MATHI 5:8 Iomraidhean Croise

ZAKECI 24:4

Kekuli nu kemeshen kemethathu, atsikezhü kinyi nketenthu nyelela milikemesa jüh khi nketenthu le.

ZAKECI 51:10

Imiwi aleben kemetha sachilo, O Anyiza, nu ajühkeya ghamu pi hi cülo.

IBRINYI 10:22

Tsalina leben tsentsa nu kenondi tsentsa, kemeshen nkemehai satemetha nu atssü kemetha pi agwo sametha kesa leben pvü nu Anyiza tetsaki wa nalo.

IBRINYI 12:14

Anyi tsüdi ssi nu gweghe kemehaiwa sa nu kahang kemetha wi hang le kesa apiketsü salo, kepaghenanye thola ha nsenla Apvüwa muya nben.

KEMETSAJÜH 22:11

Keujüla no aleben kemetha nu ajüh kecca kekhi nen lethu kadimiwa na npvüshangwa sadha.

JAMES 4:8

Anyiza tetsaki gholo, isathu ma la nthu tetsaki ghoben. Nthu kesami nyithu nthu kwen metsilo! Nthu nkenyeghe kesathu nthu leben satemethalo!

1 PITOR 1:22

Nthu na khili atsentsawa tsü kenie ghena nthu ketanla nthu satemethadha nu leben tsentsa sa nthu pvüshang kenondithu tizenden, nthu leben tsüdi sen nu khokho ketizenli tsentsa sa tenlo.

JAMES 3:17

Isala tang wi kedugho kemetsawa tsüna atuwa kemetha, tsüna kecca, keccaketssü, nu apvüshang kemehai; tsüna nanketizen nu kekuli bi kemehai bün yaden; tsüna nyu nankepapa kesa nu nkenyeghe kesa nmi.

TITA 1:15

Kemethathu ghena tsü pala tsüdila metha; isani nkemethathu nu nkenondithu ghena tsü pala mangla nmetha, kepaghenanye mathu leben nu kemeshen lela nmethaladha.

ZAKECI 15:2

Alentagha wi Anyiza jühkina nu keshüthangla kemeshonwa sa keten nyi, ma jüh tsüna atsentsa nu ntsakhiwa,

KEKULI 15:9

Anyiza na ikhang nu mathu nankepapa nsa, ma mathu kesami teshi pi cü, kepaghenanye mathu na nondiya.

ZAKECI 73:1

Ntsakhiwa Anyiza na Israel nyithu aleben kemethathu tuwi mehaile.

IBRINYI 9:14

Hawa ha ntsakhiwa, isalethu Khrista jjü pi sacen kechiwa tsü khati ma men benki nu! Ma ketanla ma pi anuphan Ghamu wina kecencu hhansha kesü sa pi Anyiza cüdha. Ma jjü na keccüna ma men nkemi wi ithu kemeshen satemetha cüben, isanu ithu yala hang kebenwa Nyiza kekuli saya thsüben.

2 KORINTHNYI 7:1

Hi ketizen icünyuthu, khishikechi hathu ha tsüdila ithu ghena sa. Tsalina ithu gwo nu ithu kahang sa pi nmetha thsüla ketenthu tsüdi wi ithu ketanla ithu samethaya, nu Anyiza kemessikü wi metha cencu nu hang nalo.

ZAKECI 18:26

No kemethathu tuwi metha, isala nketsatanthu nanmeghü den.

1 KORINTHNYI 13:12

Ithu khili mu keben hana ayena kesü wi aghayen mu keben ti kesa; isala tsashi wi ithu mehaitsü kemuliya den. Hi khili chükeben hana pahan ketan; isala tsashi wi Anyiza na icüki chücen keben ti tsü cenyaben.

CCÜCAKECHI 22:4

Mathu na ma mmi muyaben, nu ma nyan pi mathu tie wi zhüki pvüben.

ADECHHÜ 32:30

Jakob na khi, “Hi Anyiza metuti yadha, isala hi hangben; ” tsalina ma apen tsü nyan pi Peniel cia.

ZAKECI 51:6

Apinonketsü nu atsentsa tsüna no yamvu ketenwa tsüle; no kemetsa tsüpi hi pong cülo.

2 SAMUEL 22:27

No kemethathu tuwi metha, isala gheshighenathu tuwi nmehai.