MATHI 5:5 - Kemethajüh (N) (Re-editing) Bible (BSI)

⁵ “Ccatssü ketenthu na kemihhi ntsa, kepaghenanye mathu Anyiza na khishiketheng tsü muyaden!

MATHI 5:5 Iomraidhean Croise

ZAKECI 37:11

Satemeni ketenthu na ayyiwa tsü yaya den, kecca nu mehai kayi kesa wi anonkwen den.

ISAYA 29:19

Ketha-u nu hang kimenni ketenthu na kuti Apvüwa, Israel Nyiza Kemethawa na khukechi anonkeghe tsü mu neng yaben.

JAMES 3:13

Nthu jawi kemetsa nu chüshikeya nyi ben kwe? Ma kahang kemehai wi ma nkekapvü kemetsa kekuli pi nyu ccüca thsülo.

ZAKECI 149:4

Apvüwa na ma nyithu miwi ma kenen ben; ma khangkeya pi satemeni ketenthu nyuwakü cüden.

GALATIANYI 5:23

keccaketssü, nu kekheneng keya. Hathu miwi ayen kepa wi nmi.

JAMES 1:21

Tsalina ayencüki nkemetha nu gheshighenathu tsüdi teshilo. Anyiza tu wi whanu ma ajüh pi nthu leben wi yangchi ketheng, nthu hangshaya kemehaiwa tsü yayalo.

ZAKECI 25:9

Ma satemeni ketenthu ssinu kemeshon len wi wa nu ma leben kemeshen pi mathu sansi cüden.

SHICÜSI 12:3

(Mosa na keccaketssü nyi kesü, ayyi nyi tsüdi miwi ccatssüki.)

KOLOSSINYI 3:12

Nthu na Anyiza nyithu; ma nthu tizen nu nthu kessi pi ma nyithu sayadha. Tsalina nthu ketizen, keccaketssü, nkekapvü, satekemeni, nu kethankehi pvü meyathu yishü.

MATHI 11:29

Nthu ikhhi tsü pvüya, nu hi wina chüyalo, kepaghenanye hi ayencüki mehai nu ccatssü; nu nthu na kecca muyaben.

EFESANYI 4:2

Keshüthangla satemeni, ccatssü, nu lebensielo. Kesü kesü tu wi kekheneng keya wi nthu ketizenli pi ccücalo.

1 PITOR 3:15

Isala nthu leben wi Khrista messikü nu ma pi Apvüwa sala kinyikülo. Kenondi nthu wi keben tsü khati kesa khe nyu na keü lethu, keshüthangla khiya kemehai kiden sen benlo,

ZEFANIYA 2:3

Nthu ayyiwa wi satemeni ketenthu, ma yenkhukechithu nie ketenthu tsüdi, Apvüwa wiwa khapeghe ghalo. Kemeshonwa tsü saya, nu Apvüwa tuwi nthu ketanla nthu satemeni yalo. Isathu, nthu na Apvüwa ma ghekepvü pi ccücakechi tsathang wi kemeten witsü bvüyala mechü.

TITA 3:2

Mathu anyi kesü ghüla nsala, isala ccapeyi sa nu nkitaghala, nu tsüdi tu wi meza- megüshu salo kiza.

ZAKECI 37:22

Apvüwa na sawegü pi kecüthu na ayyiwa tsü nkaya den, isala ma kishencü kesathu tsü jügüshi cüden.

ZAKECI 37:9

Apvüwa nondi ketenthu na ayyiwa tsü yaya den, isala nketsatanthu jügüshiaben .

1 PITOR 3:4

Tsüti kesawa nye, nthu tsikemehai tsüna nthu leben non wi keshhugho, jüwa nketen tsikemehai na ccatssü nu ccen kesa ghamu, tsüna Anyiza tu wi ma men keben ntsawa.

ISAYA 11:4

ma methasi nu ketha-u jühkaghaten, nu kekiqa nkemithu kemeshon sheipi den. Ma jühkhukechi wina kemeten pi anyithu cüden, nu nkemehaithu na shü thsüaden .

ZAKECI 25:13

Mathu na keshüthangla mehai kayi, nu mathu tsangathu na ayyiwa tsü yaya den.

1 TIMOTHI 6:11

Isala Anyiza nyiwa, no hathu ha tsüdila ghü yalo. Ketsatan, Anyiza kemessi, kenondi, ketizen, kethan-kehikeya, nu keccaketssü hathu ha ghang tenlo.

ZAKECI 69:32

Nyu mathu nkhichi ketenthu na ha mukeya wina mathu nen ben; Anyiza kinyi ketenthu kechü-kenong yaden.

ZAKECI 37:29

Ketsatanthu na ayyi tsü nkaya nu ciwi anuphan hangden.

ZAKECI 37:34

No kaghang pi Apvüwa miwi chi, nu ma jühkhukechithu tsü kinalo; ma no kenyuwa ghena ayyi pi no cü, nketsatanthu jügüshi kesa tsü no ya mu thsüden.

2 TIMOTHI 2:25

ccapeyi nu ma keshunwa satemeshon nchithu yishü, kepaghenanye Anyiza na mathu leben khapegheya kemehai matsü pi cü nu ghola atsentsawa tsü chüya thsüaben.

ROMNYI 4:13

Anyiza na Abraham nu ma shicübvüghathu wi ayyi tsüdi pi ma ji sa thsüaden khishichi, ma tsüti sa, tsüna ma Ayenwa kenie ghena nye, isala ma kenondi ghena Anyiza na ma pi ketsatan nyi saya.

ZAKECI 147:6

Ma ma satemeni ketenthu zanki cü, isala gheshighenathu tsü pacha pi ayyi wi chi.

MATHI 21:5

“Zion nyunutiwa wi kizalo, ghangchilo, nthu kadimiwa na nthu wi gho tendha! Ma satemeni nu gada kesü miwi donki, nu gada zza aghala kesü miwi ben.”

ISAYA 60:21

N-nyithu tsüdila kemeshonwa sa waben, nu anuphan ghena ayyiwa tsü yayaben. Hi mathu pi shengchi, hi mathu sachi, hi kedi tsüpi tsüdi ccücale kesalina.

ISAYA 61:1

Kemisintsawa Apvüwa na ma ghamu pi hi pong cüdha. Ma hi kessiya nu hi kesun pi ajühkemehaiwa sengho ketha-uthu cü thsü, leben gükeccüthu sapi mehai cü, nyu kekhu wi kebenthu kekhen nkemi, nu atssüzüthu lishü kecü jüh pi thangchilo kesalina.

ZAKECI 22:26

Ketha-uthu na kedsamvu dsaya den; Apvüwa wi keghothu na ma seng den. Mathu yala anuphan wila mehai keyawa sa!