MATHI 5:4 - Kemethajüh (N) (Re-editing) Bible (BSI)

⁴ ‘Anongü ketenthu na kemihhi ntsa, kepaghenanye Anyiza na mathu leben satecca cüden!

MATHI 5:4 Iomraidhean Croise

ISAYA 12:1

Anyithu na hati akhwi kesa tsüwa na ghoden, “Hi no sengle, Apvüwa! No imiwi nlebentsu keten, isala khilitsü ileben kagha sacü, nu imiwi nleben ntsu ladha.

ISAYA 25:8

Kemisintsa Apvüwa Kekhangwa na anuphan ghena keshüwa tsü sen bvüaden! Ma anyi tsüdi nyontssü nyen nu ayyi tsüdi wi ma anyithu ketizensa kesa kejüghekeyawa tsü khuaden. Apvüwa na ma ketanla khichidha!

ISAYA 30:19

Nthu Jerusalem wi kahangthu na qai neng nbendha. Apvüwa na nyu nantizenten, nu nthu na ma wi kekiqa khiechi lethu, ma nthu luneng chicüaben.

ISAYA 35:10

Mathu na anonkeghe sa wa Jerusalem cuya, anonkeghe ghena akhwisa nu jishaden. Mathu na anuphan wila anongheden, anuphanla ahathakina nu leben gükeccü nmilaben.

ISAYA 57:18

“Hi mathu na khati kuli khe mudha, isala hi mathu sapi mehai cüaden . Hi mathu lentsütson nu mathu kiqaden, nu hi leben ketizensa ketenthu satecca cüden.

ISAYA 66:10

Jerusalem ssinu anonghe; ma ghena kenong salo, nthu anyunuti hawa nen ketenthu tsüdila! Khili ma ssinu anonghelo, nthu ma ghena anongü ketenthu tsüdila!

ISAYA 66:2

Hi hi ketanla atssan ayyi maben sachi le! Hi anyi thowa na ma satemeni nu leben khapeghe, hi messi nu ijühkina ten khe tsü miwi hi kenen ben den.

EZEKIEL 7:16

Ayyiketijüthu wi nkhetsü pateqhe kechi ti pahan na bvü sen nu ayikhathu wi bvüaden . Mathu tsüdila mathu kesami ghena anongü den.

EZEKIEL 9:4

“Jerusalem nyunutiwa maben wi wa nu kemechan kesü pi anyunutiwa wi nankenontssü kesa kekuli sa ketheng ghena agüccü nu ketizensa keben nyi kesüsü tie wi jengyalo.”

ZEKHARIYA 12:10

“Hi nanketizen ghamu nu kekhie ghamu pi David shicübvüghathu nu Jerusalem wi anyi kepathu la pong cüden. Mathu na apie pi kecunthi kesawa tsü ghang den, nu mathu na atsa kesütanwa ghena anonkegü ti ma ghena anongü den. Mathu na mathu tsa tssütsewa shü kesathu ti qai ntsa saaden.

Luk Zhükechi Jühtheü Kemehaiwa 16:25

Isala Abraham na khi, ‘Itsawa, meshenchilo, no kahang tsüwi pala kemehai tsüdi pi no cüdha, isala Lazar tsü nkemehai tsüdi muya. Isala ma khili tsü ma he wi ccawadha, nu no ketizen saben.

Luk Zhükechi Jühtheü Kemehaiwa 6:21

“Nthu khili ghama kebenthu na kemihhi ntsa; kepaghenanye nthu na ben yaden!” “Nthu khili qai kebenthu na kemihhi ntsa; kepaghenanye nthu na anonghe yaden!”

Luk Zhükechi Jühtheü Kemehaiwa 6:25

“Nthu khili kejonla kebenthu qhethiketen saben; nthu na ghama ben!” “Nthu khili anonghe kebenthu qhethiketen saben; nthu anongü nu qai ben!”

Luk Zhükechi Jühtheü Kemehaiwa 7:38

Jisu sengwa ngan, nu ma ccü wi qai nu ma nyontssü lle pi Jisu ccü zügüben. Isanu ma lissen pi Jisu ccü nyen nu kimang, nu hankedemvu deli tsü pi ma ccü nyen.

Luk Zhükechi Jühtheü Kemehaiwa 7:50

Isala Jisu na nzawa wi khi, “No kenondi na no hangsha yadha, nleben cca whalo.”

JAMES 1:12

Ghankenan wi khangkeya nyi na kemihhi ntsa, kepaghenanye ma hati ghankenan wi zükeqhe nganya lethu, Anyiza na kahang liwen pi ma tizen ketenthu cüle khichi ketheng tsü pi ma kutimen kesa muyaben.

CCÜCAKECHI 21:4

Anyiza na mathu nyontssü tsüdi nyen cüben. Ciwi keshü, ahathakina, kiqai, nyelela kinaa nmidha. Pala kaghawenthu tsü nmiladha.”