MATHI 5:3 - Kemethajüh (N) (Re-editing) Bible (BSI)

³ “Aghamulen wi ketha-u le kesa kechüthu na kemihhi ntsa, kepaghenanye tang Kadiyyi na mathu ji saden!

MATHI 5:3 Iomraidhean Croise

2 KHENICÜKI 33:12

Ma ketizenkesa wina ma satemeni sen Apvüwa ma Nyiza wi gho ma kekiqa khie wa.

2 KHENICÜKI 33:19

Kadimiwa kekhie kesa nu Anyiza na tsü keluneng, nu ma leben npi khapeghekeya wi kesamithu —ma nkemehai kekuli, Anyiza nkechü kekinyipenthu nu ma kesa acenpvü nzawa Asherah tsikezhü nu ma atsikezhü kekinyi —tsüdila atusenjüh-kechüthu cükikezhü wi zhütheng.

2 KHENICÜKI 33:23

Isala ma ma ba ti ma satemeni nu Apvüwa tuwi ngho; ma ma ba miwi kesami jikayi sa.

2 KHENICÜKI 34:27

nu nleben khapeghe nu ituwi no satemeni, nthsümeni mezüqhe nu qai, no hi khati Jerusalem nu ma nyithu meten cüle pateqhe kechi tsü za keya wi, hi no kekhie zayadha.

2 KHENICÜKI 7:14

keujüla mathu na hi wi khie nu leben khapegheya nu mathu na sa keten nkemehai wina kheneng gho lethu, hi tangwi ben nu mathu hhai kina cü, mathu kesamithu teshi pi cü, nu mathu yyi sapi mehai pfü neng yathsüaben.

Job Lesüshen 42:6

Tsalina hi ijühkekhi tsüdi ghena jüghedha, nu ayyinikhu ayyiwen wi kuweng, nu leben khapeghe benle.

ZAKECI 1:1

Nkemehai kesansi len wi alen nketsenthu, kesami nyithu kahang yen nkemehai nkenie, nu Anyiza nkekhichijüh kekhithu pen wi ndonki,

ZAKECI 112:1

Apvüwa senglo! Apvüwa nyuwakü keten nyi na anonkeghe ntsa; ma jühkhukechi tsü nie mvuthi sa keten tsüna.

ZAKECI 128:1

Apvüwa jüh nie ketenthu na kemihhi ntsa, ma jühkhukechithu wi hang ketenthu.

ZAKECI 146:5

Jakob Nyiza pi ma kekiqawa saya, nu Apvüwa ma Nyiza wi maghaki ketenthu na kemihhi ntsa,

ZAKECI 2:12

kedheggü nu ma ccü wi kukedulo; nyelethu ma wan ma leben tsu, nu no ya shü tsüthu keyishü ghena. Ma pi atsonhi sa keyathu na kemihhi ntsa.

ZAKECI 34:18

Apvüwa na accükwenshü kebenthu kete wi ben den; mathu kaghang nmila kesathu hangsha cüden.

ZAKECI 41:1

Ketha-uthu shei meshen ketenthu na kemihhi ntsa; mathu na agüccü keben wi Apvüwa na mathu kiqa cüden.

ZAKECI 51:17

O Anyiza, ihhanshawa ha satekimeni ghamu le, no satemeni nu leben khapeghe kesa tsü meya mvu sa nben.

ZAKECI 84:12

Kekhang ntsawa Apvüwa, no nondi ketenthu na khatila anonghe nu!

KEMETSAJÜH 16:19

Satemeni nu ketha-u sa keben tsüna kekapvü nyi kesü sa nu nyu ji khukeya wi ma shei mukeya miwi mehaiki.

KEMETSAJÜH 29:23

Kekapvü tsüna no zanshaden, isala keujüla no no satemeni ten lethu nyu no küden.

KEMETSAJÜH 8:32

‘Kepvünyithu, khili ijüh kinalo. Hi kekhi ti salo, isathu nthu nonghe yaben.

ISAYA 30:18

Isalela Apvüwa na nthu nantizen chicüle hieben. Ma ketizen pi nthu miwi chileben kepaghenanye ma keshüthangla kemeshonwa tsü kuliden. Mathu kenondi pi Apvüwa miwi chi ketenthu na anonkeghe ntsawale.

ISAYA 57:15

“Hi kemisi nu kemetha Nyiza anuphanla hangben ketenwa tsüle. Hi kemisi nu kemetha pen wi hangden, isala hi mathu kenondi nu kaghang pi cü nengle kesalina anyi mathu kahang satemeni nu leben khapeghe keyathu la ssinu hangden.

ISAYA 61:1

Kemisintsawa Apvüwa na ma ghamu pi hi pong cüdha. Ma hi kessiya nu hi kesun pi ajühkemehaiwa sengho ketha-uthu cü thsü, leben gükeccüthu sapi mehai cü, nyu kekhu wi kebenthu kekhen nkemi, nu atssüzüthu lishü kecü jüh pi thangchilo kesalina.

ISAYA 66:2

Hi hi ketanla atssan ayyi maben sachi le! Hi anyi thowa na ma satemeni nu leben khapeghe, hi messi nu ijühkina ten khe tsü miwi hi kenen ben den.

MIKA 6:8

Nyele, Apvüwa na mangwa mehai khe pi ithu kizadha. Ma ithu wi yamvu kebenwa na ha: mangwa meshon khe tsü kesa, ghaliki kesa pi keccüca, nu satemeni nu ithu Nyiza ssinu kahang.

MATHI 11:25

Tsü tsüwi Jisu na khi, “IBa, atssan nu ayyi Pvüwa! Hi no sengle, kepaghenanye no pi kemetsa nu kechüthu tuwi kuthi ketheng tsü pi nkechüthu ccücachi kesalina.

MATHI 11:6

Imiwi kesütu nkesathu na kemihhi ntsa.”

MATHI 13:16

“Isala nthu na acenpvü keben ntsale! Nthu nyon na muben, nu nthu khuna na zaben.

MATHI 19:14

Jisu na khi, “Ghanyithu tsü nkhenla nu hi wi gho thsülo, kepaghenanye tang Kadiyyi na hathu hati kesathu ji saben.”

MATHI 24:46

Amagha hati sa keben ma pvüwa na kheneng gho mukeyawa na kemihhi ntsawa le!

MATHI 25:34

Tsaseng wi Kadimiwa na anyi ma kwen ajewa kebenthu wi khiben, ‘Nthu iBa kesawegü kepvüthu! Ghala ayyi npi kesachi wina nthu ghena kiden ketheng kadiyyiwa ha ghong yalo!

MATHI 3:2

Ma khi, “Nthu kesami wina leben khapeghe yalo, kepaghenanye tang Kadiyyi tsüna tetsakidha.”

MATHI 8:11

Hi nthu kizaben, anyi kejon na nishuwa nu niduwa na ghola tang Kadiyyi kemishu wi Abraham, Isak, nu Jakob gweghe donkiben.

MARK 10:14

Jisu na tsü mukeya wi ma leben minuya nu ma sansikeyathu wi kiza, “Ghanyithu tsü nkhala, mathu yala hi wi gho thsülo, kepaghenanye Anyiza Kadiyyi na hathu hati kesa jile.

Luk Zhükechi Jühtheü Kemehaiwa 11:28

Isala Jisu na tsü luneng, “Tsü miwi la Anyiza jüh zaya nu nie ketenthu na khatila mihhidha nu!”

Luk Zhükechi Jühtheü Kemehaiwa 18:14

Jisu na khi, ‘Hi nthu kizaden, Farisiwa tsü nyela khajana kekhüwa tsüna Anyiza ssinu meshonya nu ma jjen wi whadha. Kepaghenanye anyi kesü le kesü lela ma pi dithang ketenwa satemeni cüden, nu ma satemeni ketenwa sa pi di cüden.’ ”

Luk Zhükechi Jühtheü Kemehaiwa 22:29

nu iBa na kekhang senya kemehai pi hi kecü tsüti hi la pi nthu cüden.

Luk Zhükechi Jühtheü Kemehaiwa 22:30

Nthu na hi Kadiyyi wi hi gweghe dsa nu jjüben, nu nthu na kadipen wi donki nu Israel mizza Taghakeni miwi kekhang senben.

Luk Zhükechi Jühtheü Kemehaiwa 4:18

“Apvüwa Ghamu na imiwi ben, kepaghenanye ma hi ya ajühkemehaiwa pi ketha-u sansilo hi kessiya. Ma hi kesun pi atssüzüthu teshi chicü, anyon nkemuthu muya thsü, Ketizen kesathu lisha chicüden kesa pi thangchilo,

JOHAN 20:29

Jisu na ma wi khi, “No hi kemu ghena nondiben ma? Hi nmula nondi kebenthu tsü khatila mihhidha nu!”

AYENZHÜNENG 8:2

Meshenyalo, Apvüwa nthu Nyiza na nthu matsü kesiela ayyikeshü wi amapi jügha keqoedeja keten chuli nthu ssigho, agükeccü kesunchi pi nthu leben pienan, isanu ma nthu na mangwa sa mvuben, nu nthu na ma yenkhukechi tsü nie tenla nye khe chüyale kesalina.

JAMES 1:10

nu Anyiza na keban Khristanyi kesü zansha cü lela, ma tsü ghena anonghe kesa-u. Kepaghenanye keben tsüna aghang thighi kepvü ti nmila ben.

JAMES 1:12

Ghankenan wi khangkeya nyi na kemihhi ntsa, kepaghenanye ma hati ghankenan wi zükeqhe nganya lethu, Anyiza na kahang liwen pi ma tizen ketenthu cüle khichi ketheng tsü pi ma kutimen kesa muyaben.

JAMES 2:5

Hi ketizenthu, ha kinachilo! Anyiza na ayyi ha wi kahhatu nyi kessi pi kenondi wi keban saya thsü nu pi ma tizen ketenthu cüle khishichi ketheng kadiyyiwa tsü ghongya thsü.

CCÜCAKECHI 19:9

Tsaseng wi tangnyilowa na hi kiza, “Ha zhüyalo: Khaghanenizzawa keshanyi wi qhechi kethengthu na kemihhi ntsa.” Tangnyilowa na khineng, “Hathu hana Anyiza jühtsentsa.”

CCÜCAKECHI 22:14

Anyi mathu thsümeni satemethaya kesathu na kemihhi ntsa, kepaghenanye mathu na anyunutiwa jenkathu wi dushhuya nu kahang chan bi tsü dsaya kemehai ben.

CCÜCAKECHI 3:17

No hati khiben ‘Hi keban nu kemehai nyi; hi hi nsenthu keyishü tsüdila ben.’ Isala no khatila agüccü nu ketizen sa ben khe no nchü le! No ketha-u, kimissü, nu anyon nkemu nyi.