MATHI 4:5 - Kemethajüh (N) (Re-editing) Bible (BSI)

⁵ Tsaseng wi Atsaghang na Jisu ssinu Kemetha Nyunutiwa Jerusalem wi wa nu ma pi Kekinyijjen mili kemisi ntsa wi ben thsü,

MATHI 4:5 Iomraidhean Croise

2 KHENICÜKI 3:4

Kedulen keshondhiwa tsüna Kekinyijjen kemeza maben, nu tsüna meter tugu, nu kemisi na meter deni nu mejü. Ajjen keshondhi non mabenla suna kemetha pi nyen.

NEHEMIYA 11:1

Accülikesathu na Jerusalem wi hang wa, nu anyi kepathu na akezen wwi nu atheghi tagha wi atheghi kesüsü kessi pi wala anyunuti kemethawa Jerusalem wi hang thsü, nu kepathu na wala anyunuti nu anyuti kepathu wi hang.

NEHEMIYA 11:18

Levi nyithu na anyunuti kemethawa Jerusalem wi kahang tsüdi saghu la 284.

ISAYA 48:2

Isala nthu na anyunutiwa wi kahang nyi, nu Israel Nyiza, ma nyan na Apvüwa Kekhang ntsawa tsü nondi tenle kapvü nu khiden.

ISAYA 52:1

Jerusalem, zü nu di neng shaghalo! Anyiza nyunuti Kemethawa, njenkeben thsü mphi yalo! Anyiza nkechünyi na nkhweti jenka wi gho nengya nbendha.

DANIEL 9:16

No wakea tsüwi ithu khwe gho, tsalina no Jerusalem ghena leben ntsula yilo. Tsüna n-nyunutiwa, no kemetha yyishiphon wa le. Ithu na kesamithu sa nu ithu baqhaithu na nkemehai kekuli ghena ketekevü diyyithu wi keben nyithu tsüdila Jerusalem nu n-nyithu nkhichiladha.

DANIEL 9:24

“Anyiza na kesami nu nkemehai wi n-nyithu nu n-nyunuti kemethawa tsü teshichi keten matsü ssan pi ketheng na amapi achentagügü kesa tagü. Kesami teshi pi cü nu anuphan ketsatan pieki chiden, isanu kemanthiwa nu atusenjüh-kekhi tsü sacen nu Kekinyijjen kemethawa tsü sametha nengya thsüale kesalina.

MATHI 27:53

Mathu na shagha ashüjjenthu teshi nu Jisu na keshü wina hangneng-keshagha seng wi mathu gweghe Kemetha Nyunutiwa wi wa, nu ciwi anyi kejon na mathu mu.

Luk Zhükechi Jühtheü Kemehaiwa 4:9

Tsaseng wi atsaghang na ma ssinu Jerusalem wi wa nu Kekinyijjen mili wi ki nu ma kiza, “Keujüla no Anyiza Tsawa lethu, no ketanla he wina qanca dulo.

JOHAN 19:11

Jisu na luneng, “Anyiza na pi no nkecü tsü no imiwi kekhang nmi. Tsalina hi ghan pi nkwen wi kechiwa kesami diki le!”

CCÜCAKECHI 11:2

Isala kekinyijjen ameiwa tsü nkitegüla, kepaghenanye tsüthu pi Anyiza nkechüthu cüdha, nu mathu na asha jügha nu keni Anyunuti Kemethawa tsü cüten ben.