MATHI 4:3 - Kemethajüh (N) (Re-editing) Bible (BSI)

³ Tsaseng wi Atsaghang na ghonu ma wi khi, “No Anyiza Tsa lethu alon hathu ha kiza nu amesa ceng thsülo.”

MATHI 4:3 Iomraidhean Croise

BVÜKESHHU 16:3

nu manyi wi kiza, “Ejipt wi Apvüwa yala ikhang pathi thsüthu mehai kesa nan. Ciwi ikhang donki nu asa dsa nu atsse kepa wi la dsa pi anonkwenya kesa nan. Isala nshinyi ikhang ssi shhugho he ayyikeshü wi tsüdi khwenthi shüa tendha le!”

MATHI 14:33

Ahun wi keben sansikeyathu na Jisu kinyi nu khi, “Ntsakhiwa no Anyiza Tsawa le!”

MATHI 16:16

Simon Pitor na khineng, “No Messiya, hangkeben Anyiza Tsawa le.”

MATHI 26:63

Isala Jisu na ccen benwa. Keqhaikedi Kemisiwa na kheneng ma wi khi, “Hi khili hang kebenwa Anyiza nyan wina no pi kishen thsüben: no Anyiza Tsawa Messiya tsü la, pi ithu kizalo.”

MATHI 3:17

Isanu tang wi ahhai kesü na khi, “Hawa ha hi ghali keten itsawa, hi ma ghali ntsa saden.”

MARK 1:1

Hawa ha Anyiza Tsawa Jisu Khrista cüki Ajühkemehaiwa.

MARK 3:11

Nu anyi nkemehai ghamu ssi ketenthu na ma mukeya wi mathu ma tuwi khulidu magha nu, “No Anyiza Tsawa le!” khi.

MARK 5:7

Ma misikhhali magha nu khi, “Kemisintsa Anyiza Tsawa Jisu! No hi pi mangwa sa mvu ben nu? Hi nmeten lalo, hi Anyiza nyan wina no wi khieben.”

Luk Zhükechi Jühtheü Kemehaiwa 1:35

Nyilowa na luneng, “Kemetha Ghamu na nmiwi ghoben nu Anyiza kekhang na no ghong cüben. Tsalina ntsa tsü pvüghaya lethu, ma pi Kemethawa Anyiza Tsawa le ciden.

Luk Zhükechi Jühtheü Kemehaiwa 22:70

Mathu tsüdila keü, “No Anyiza Tsawa kwe?” Ma luneng, “Nthu na hi tsüle khi.”

Luk Zhükechi Jühtheü Kemehaiwa 4:3

Atsaghang na ma wi khi, “Keujüla no Anyiza Tsawa lethu, alon hathu kiza nu amesa ceng thsülo.”

Luk Zhükechi Jühtheü Kemehaiwa 4:41

Atsaghangthu la anyi kejon wina maghala “No Anyiza Tsawa le!” khi nu shhughoa. Atsaghangthu na ma Messiya le kesa chü keben ghena Jisu na mathu satekü nu mathu ya ajüh nkhi thsüla.

Luk Zhükechi Jühtheü Kemehaiwa 4:9

Tsaseng wi atsaghang na ma ssinu Jerusalem wi wa nu Kekinyijjen mili wi ki nu ma kiza, “Keujüla no Anyiza Tsawa lethu, no ketanla he wina qanca dulo.

JOHAN 1:34

Johan khi, ‘Hi tsü muyadha, nu ma Anyiza Tsawa tsüle kesa hi nthu kizaben.’ ”

JOHAN 1:49

Nathanael na luneng, “Kesansiwa, no Anyiza Tsawa nu Israel Kadimiwa le!”

JOHAN 20:31

Isala nthu yala Jisu tsüna Khrista nu Anyiza Tsawa le kesa nondi nu tsü kenondi ghena ma nyan wina kahang muya thsüle kesalina hathu ha zhü chitheng.

JOHAN 9:35

Jisu na mathu anyi tsüwa jügüshidha le kesa zaya; ma wa anyi tsüwa muya nu keü, “No Anyi Tsawa tsü nondiben ma?”

KEKULI 9:20

Ma meshonqhe Sinagogthu wi wa nu Jisu tsüna Anyiza Tsawa le kesa pi nyu sansi.

2 KORINTHNYI 1:19

Kepaghenanye Sila, Timothi, nu hi, ikhang na pi nthu sansi kechi Anyiza Tsawa, Jisu Khrista tsüna “Anle,” nu “Nyele,” kesawa tsü nye, isala Anyiza ma “Anle,” kesawa tsü.

GALATIANYI 2:20

Tsalina khili hang kebenwa tsüna hi nyedha, isala hi wi hang kebenwa tsüna Khrista. Hi khili hang kebenwa kahang ha na hi tizen nu ighena ma kahangli khuchi kesawa Anyiza Tsawa kenondi wina hang ben.

1 THESSALONIKANYI 3:5

Tsalina hi Timothi kesunchi ben. Hi pvüben meyala kesalina ma kesun pi nthu kenondi cüki chüya thsüle sa. Atsaghang na nthu mechu nu ikhang kekuli tsüdi pi ma men nkemi sa meyacha le!

IBRINYI 12:16

Thola ya Esau ti kahang nkemetha nyelela keccüna nkemi wi hang, ma anün khu kesü ghena ma tssütsewa shei pi jeü kesawa tsüti nsa thsüla.

IBRINYI 4:14

Kepaghenanye ithu Keqhaikedi Kemisintsa Jisu, Anyiza Tsawa na wa Anyiza tu wi ben wa kesalina ithu kenondi khishi keten tsü zükeqhe ghansenya nalo!

IBRINYI 7:3

Ciwi Melkhizedek ma ba, ma jja, nu ma bamyithu cüki kezhü mangla nmi; ma kepvügha nu keshü cüki kezhü la nmi. Ma Anyiza Tsawa ti kesa kesü; ma anuphanla keqhaikediwa kesü saben.

1 JOHAN 3:8

Thowa na kesami saben ten khe ma Atsaghang ji, kepaghenanye Atsaghang na aghatsan wina samidha. Anyiza Tsawa hang kegho ma jjügi Atsaghang na kuli ketheng tsü yasa cüle kesa ghena.

CCÜCAKECHI 2:10

No ketizen sa keten tsü katsüha mangla nmessila. Kinalo! Atsaghang na nthu pahan pi atssüzüjjen wi chi nu nthu ghan-nan ben, nu nthu gükeccü na ghanan tagha ketan saben. Keshü kecu wi lela hi wi jühtsentsa sa yalo, isathu hi kahang pi no khangkeya kutimen sa cüben.