MATHI 3:2 - Kemethajüh (N) (Re-editing) Bible (BSI)

² Ma khi, “Nthu kesami wina leben khapeghe yalo, kepaghenanye tang Kadiyyi tsüna tetsakidha.”

MATHI 3:2 Iomraidhean Croise

1 KADIMITHU 8:47

n-nyithu kekhie kina chicülo. Keujüla mathu na ayyi ciwi mathu leben khapegheya nu no wi khie, mathu kesami nu gheshighena kekuli khishi lethu, O Apvüwa, mathu kekhie kina cülo.

Job Lesüshen 39:12

No ma nlli kewwi tsü pvügho nu n-niegi wi asu kesagho tsü ghacengya mehai kwe?

Job Lesüshen 42:6

Tsalina hi ijühkekhi tsüdi ghena jüghedha, nu ayyinikhu ayyiwen wi kuweng, nu leben khapeghe benle.

EZEKIEL 33:11

Hi Kemisintsa Apvüwa hangben keten Nyiza tsentsawa ghena kesami nyi kesü keshü ghang pi hi nen ntenle kesa kizalo. Hi ma kesami nsala nu hangkeyawa hi nenle. Israel, no kekuli nkemehai sa kebenwa tsü teshilo . Mangkesa na no shü mvu ben nu?

DANIEL 2:44

Kekhang kesen tsüthu tsüwi tangwi kebenwa Anyiza na kadinyu asakhen sa nketen kesü sayaben. Tsüwa tsüna nyu khiela nkaya nben, isala kadinyu kepathu tsüdila yasatha sa nu tsüwa tsüna anuphanla benden.

MATHI 10:7

Wala ‘Tang Kadiyyiwa tsüna tetsakidha le’ kesa pi sansi chilo!

MATHI 11:20

Jisu na amankesa kejon kekuli nyutithu wi kahangthu na mathu kesami wi leben khapeghe meyala, tsalina Jisu na anyutithu tsü kiminni.

MATHI 12:41

Ajühkaghaten tsathang wi Nineve nyithu na shagha nthu kiminni ben, kepaghenanye mathu na Jonah jüh kekhi zakeya wi mathu na kesami wina khapegheya; hi nthu kizaben, hewi pala pahan Jonah miwi kediki na benle!

MATHI 13:11

Jisu luneng, “Kekuthi wina tang Kadiyyi cüki chüya keten pi nthu cüdha, isala mathu ghena tsü tsüti nyele!

MATHI 13:24

Jisu na ajühkaghape kepa wi la pi mathu kiza: “Tang Kadiyyi na hati kesa. Anyi kesü na amacü kemehai pvü wa ma lli wi vvüchi.

MATHI 13:31

Jisu na ajühkaghape kepa wi khi pi mathu kiza: “Tang Kadiyyi tsüna hati kesa. Anyi kesü na hanuwencü pi ma lli wi yangchi.

MATHI 13:33

Jisu na tsü miwi la ajühkaghape pi mathu kiza: “Tang Kadiyyi tsüna hati kesa. Nza kesü na azimi khuya nu pi ashijü kecheng wi awheng saghu nu maben la azimi npi ceng keshhugho chu pi ketheng tsüti le.”

MATHI 13:47

“Tang Kadiyyi tsüna hati la kesale. Anga kaghanthu pahan na mathu kaghanthsü pi aghajü wi cüchi nu anga alen kepapa kesa tsüdila ghanya.

MATHI 13:52

Tsalina ma khineng, “Hawa ha ma jjügi, Ayenkesansithu tsüdila tang Kadiyyi nyi sayakea tsüna ajjen pvüwa na ma keben ketheng jjen wi pala ketheü nu kaghawen khushikeya tsütile.”

MATHI 18:23

Kepaghenanye tang Kadiyyi na hati le. Ciwi kadimi kesü na ma maghathu wi ma men kepvü tsü ghangle kesa südheya.

MATHI 20:1

“Tang Kadiyyi na hati kesale. Ciwi anyi kesü na ghanen mitu na anyi pahan ssinu ma kemeshentsse lli wi wale bhawa.

MATHI 22:2

“Tang Kadiyyi hana hati kesale. Ciwi kadimi kesü na ma tsawa keshanyi ghena kemishu kesü kidenya.

MATHI 23:13

“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na anyithu tuwi tang Kadiyyi jenka tsü khenden, isala nthu na ciwi ndu nu anyithu na ciwi dule kesathu la du thsü nten.

MATHI 25:1

Tsü tsüwi tang Kadiyyi na hati saben. Ciwi ghala meshu tagha na mathu nnikecanki sen nu shanyiwa ssiyale wa.

MATHI 25:14

“Tsü tsüwi tang Kadiyyi na hati saben. Ciwi anyi kesü na ma jjen teshi nu kijünyi wa keten wi ma maghathu cichi nu ma keben pi mathu dhenchi.

MATHI 4:17

Tsü nten na Jisu na jühkemehaiwa khi pi nyu sansishu: “Nthu kesami wina leben khapeghe yalo, kepaghenanye tang Kadiyyi na tetsakidha le!”

MATHI 4:23

Jisu na Galilee tsüdi wi wa sinagogthu wi nyu zhüsansi, Kadiyyi cüki Ajühkemehaiwa pi khisansi, nu anyi khuma-khujü kepapa pvü keten nu kesakinaathu tsüdi sa pi mehai cü.

MATHI 5:10

“Ketsatanwa kekuli ghena nyu mathu metenmesha ketenthu na kemihhi ntsa, kepaghenanye tang Kadiyyi na mathu ji saden!

MATHI 5:3

“Aghamulen wi ketha-u le kesa kechüthu na kemihhi ntsa, kepaghenanye tang Kadiyyi na mathu ji saden!

MATHI 6:10

No kadiyyi ya keghowa salo; Tang wi ti ayyi ha miwi no kesasa sayalo.

MATHI 6:33

Isala atuwa sa Anyiza kadiyyi nu ma ketsatanwa tsü bha yalo, isathu pala hathu ha tsüdi pi nthu cüaben.

MARK 1:15

Ma khi, “Sati kesa matsüwa tsüna ghodha, nu Anyiza Kadiyyi na tetsakidha! Nthu kesami wina leben khapegheya nu Jühtheü Kemehaiwa nondiyalo!”

MARK 1:4

Tsüti Johan na aghansha wina gho nyu baptaiz sa nu nyu sansi. Ma anyithu wi kiza, “Nthu kesami wina leben khapegheya nu baptaiz sayalo, isathu Anyiza na nthu kesami teshi pi cüben.”

MARK 6:12

Tsalina mathu na wala anyithu ya mathu kesami wina khapegheyalo kesa pi sansi.

Luk Zhükechi Jühtheü Kemehaiwa 1:16

Nu ma Israel nyi kejonla sa pi Apvüwa mathu Nyiza wi gho nengya thsüaben.

Luk Zhükechi Jühtheü Kemehaiwa 11:20

Isala keujüla hi Anyiza kekhang sen nu atsaghangthu jügüshiya ben lethu, tsüna Anyiza Kadiyyi na nthu miwi ghodha.

Luk Zhükechi Jühtheü Kemehaiwa 13:3

Nyele! Hi nthu kizaben, nthu na kesami wi khapeghe meya lethu, nthu la mathu ti shüaben.

Luk Zhükechi Jühtheü Kemehaiwa 13:5

Nyele! Hi nthu kizaden, nthu na kesami wi khapeghe meya lethu, nthu la mathu ti shüaben.”

Luk Zhükechi Jühtheü Kemehaiwa 15:10

Hi nthu kizaden, tsü makesü, Anyiza nyilothu na kesami nyi kesü leben khapeghekeya ghena anonghe ntsa saben.”

Luk Zhükechi Jühtheü Kemehaiwa 15:7

Hi nthu kizaden, tsü makesü, ketsatan nyi achentugu nu tugu leben nkhapeghela mehai kesathu miwi kesami nyi kesü leben khapeghekeya ghena tang wi anonghe ntsa saben.

Luk Zhükechi Jühtheü Kemehaiwa 16:30

Kebanwa na khineng, ‘Tsü ketan na cen nbenle, iba Abraham! Isala keujüla anyi pahan keshü wina hangshagha mathu wi wha lethu, mathu na mathu kesami wina khapegheya benle.’

Luk Zhükechi Jühtheü Kemehaiwa 21:31

Tsü makesü, nthu na hathu ha sa keben kemu wi Anyiza Kadiyyi na gho tendha kesa nthu na chüyaben.

Luk Zhükechi Jühtheü Kemehaiwa 24:47

nu ma nyan wina leben khapeghekeya nu kesami teshi kecü ketsijüh tsü pi Jerusalem wi atuwa sala mizzatenti tsüdi wi nkizathu yishü.

Luk Zhükechi Jühtheü Kemehaiwa 6:20

“Nthu ketha-uthu kemihhi ntsa; kepaghenanye Anyiza Kadiyyi tsüna nthu ji saden!”

Luk Zhükechi Jühtheü Kemehaiwa 9:2

Tsaseng wi ma mathu ya Anyiza Kadiyyi cüki khi pi nyu sansi nu kesakinaathu sa pi mehai cülo kesa kesunshi chi.

KEKULI 11:18

Mathu na ha zakeya seng wi kicennali nsala nu Anyiza seng nu khi, “Anyiza na Judah nyi nkenyethu la leben khapeghe nu hangya thsüle kesalina matsü kemehai pi cüdha.”

KEKULI 17:30

Anyiza na anyi nkechü tsüwi tsü mula nkemu ti teshi cüdha; isala khilitsü anyi kahe wi keten tsüdila mathu nkemehai wina khapeghe yalo kesa ahza khuchidha le!

KEKULI 2:38

Pitor na mathu wi kiza, “Nthu tsüdila kesami wi leben khapeghe nu Jisu Khrista nyan wina baptaiz sa meyathu yishü, isanu nthu kesami keteshi muyale kesalina; isa lethu, nthu na Anyiza juwa Kemetha Ghamu tsü muya ben.

KEKULI 20:21

Hi leben khapegheya nu Anyiza wi ghola Jisu Khrista nondiyalo kesa pi Judah nyithu nu Grik nyithu la kizadha.

KEKULI 26:20

Isala hi atuwa sa Damaska nu Jerusalem nu Israel diyyi maben nu Judah nyi nkenyethu jawi wa, nu mathu kesami wina leben khapegheya nu Anyiza wi gho, nu mathu leben khapeghe keya kekuli pi nyu ccücalo kesa pi sansi.

KEKULI 3:19

Tsalina leben khapegheya nu Anyiza wi gholo, isathu ma nthu kesami teshi pi cüben na.

2 KORINTHNYI 7:10

Kepaghenanye Anyiza ahathakina senya kesawa tsüna leben khapeghe kecü sengho nu ssi wa hangshakeya wi chi cüden, nu ciwi asenkemeshen nmi. Isala ayyi nyi hathakina tsüna keshü sengho cüden.

KOLOSSINYI 1:13

Ma kejang kekhang wina ithu khushiya nu ithu ssigho ma ketizen Tsawa kadiyyi wi chicüdha,

2 TIMOTHI 2:25

ccapeyi nu ma keshunwa satemeshon nchithu yishü, kepaghenanye Anyiza na mathu leben khapegheya kemehai matsü pi cü nu ghola atsentsawa tsü chüya thsüaben.

IBRINYI 6:1

Tsalina ithu Khristanyi kesansijüh atuwathu tsü teshi theng nu atu wi kezügü kesansijüh tsü jügü wa nalo! Ithu kheneng wa ma men nkemi kekuli wi khapeghe bvü kesa giketegü nu Anyiza nondi yishü;

2 PITOR 3:9

Anyi pahan kemeshen ti Apvüwa na ashina ma jühkhukechi tsü sa nten. Tsüti kesawa nye, ma nthu ghena lebensie ben, kepaghenanye ma anyi kesütanla pi yasa thsü kesawa nyela tsüdila mathu kesami wina kheneng gho thsü mvuben.

CCÜCAKECHI 2:21

Ma kesami wina khenengya thsüle kesalina hi matsü pi ma cü, isala ma keqheza kekuli wi nkheneng mvula.

CCÜCAKECHI 2:5

No khati kesa wina khuli bvü khe, meshen yalo! No kesami wina khenengya nu no kheni kekuli tsüti salo. Keujüla no kesami wina kheneng meya lethu, hi no wi ghola nhula kedonpen tsü ma pen wina khuyaden.