MATHI 22:3 - Kemethajüh (N) (Re-editing) Bible (BSI)

³ Ma ma maghathu kesun pi akejjenthu na kemishu wi ghalo qhewa thsü lela mathu na ngho mvu.

MATHI 22:3 Iomraidhean Croise

ZAKECI 68:11

Apvüwa na ayen khuchi nu nzathu kejon na ajüh tsü ketsichi:

ISAYA 30:15

Kemisintsawa Apvüwa, Israel Nyiza Kemethawa na anyithu wi khi, “Kheneng gho ccen hi nondi benlo. Isalethu nthu na zü nu yazishu ben yaden.” Isala nthu na tsü nsa mvu.

JEREMIYA 25:4

Apvüwa na ma magha atusenjüh-kechüthu kesunchi kinie ben lela nthu na nkina nyelela nmeshenchi.

JEREMIYA 35:15

Hi imagha atusenjüh-kechüthu tsüdi nhandhila kesun pi nthu wi chi, nu mathu na nthu na kekuli nkemehai tsü teshi nu mangwa meshon khe salo kesa nthu kizadha. Mathu na nthu acenpvü kepa wi kinyi nyelela tsüthu kekuli nsa lalo kitsanchi, isanu nthu na hi ayyi pi nthu nu nthu bamyithu kecü witsü hangyale kesalina. Isala nthu na ijüh nkina nyelela tsü nkhichila.

HOSEYA 11:2

Isala hi ma keci shathu, ma hi wina bvü kayi. Inyithu na ahhansha sapi Baal cü, mathu na hankedemvu mecang pi atsikezhüthu cü.

HOSEYA 11:7

Mathu na hi wina bvüale khvu saden. Mathu na asunkeqhan mathu miwi kebenwa tsü ghena qaiben, isala thola mathu miwi tsü khushiya nben.

ZEFANIYA 1:7

Apvüwa na ajühkekaghaten pen wi donki keten tsathang na tetsaki bendha; tsalina ma tuwi ceen benyalo. Apvüwa na ma nyithu pi ahhansha sale kiden ben, nu aghinyithu ya Judah yasalo cichidha.

MATHI 21:34

Kemeshentsse bi kewwi tsüwi ma nssümaghathu kesun pi kedengathu wi ma shei kemeshentsse bi khie wa thsü.

MATHI 23:37

“Jerusalem, Jerusalem! No atusenjüh-kechüthu pathi nu Anyiza na nyilothu kesun pi no wi kechithu tsü pathi le! Hi khaju tughu awegü bvü na ma gisha pi ma zzathu ghong keten ti ikwen pi n-nyithu tsüdi ghatiya mvu lela nthu na hi ya tsüti nsa thsüla nu!

MATHI 3:2

Ma khi, “Nthu kesami wina leben khapeghe yalo, kepaghenanye tang Kadiyyi tsüna tetsakidha.”

MATHI 9:15

Jisu na luneng, “Nthu keshanyi kemishu wi kijünyi thu na shanyiwa mathu gweghe keben chu ahathanathi ben thsüya mehai kwe? Tsüti saya nben! Isala mathu jawi na shanyiwa ssibvü kesa tsathang na ghoden, ciwi ccüna mathu na ziben.

Luk Zhükechi Jühtheü Kemehaiwa 13:34

“O, Jerusalem, Jerusalem! No atusenjüh-kechüthu pathi, nu Anyiza nyilothu kesun pi no wi kechi tsü alon pi kecenthi le! Hi khaju tughu awegübvü na ma gisha pi ma zzathu ghong keten ti ikwen chang pi n-nyithu tsüdi ghatisen ben mvu, isala nthu na hi ya tsüti nsa thsü mvu le!

Luk Zhükechi Jühtheü Kemehaiwa 15:28

Acünyu keqhaiwa na ma lebenminu ntsa sa nu ajjen non wi ndulaben, tsalina ma ba na shhugho ma la nduku wi dugholo khie.

Luk Zhükechi Jühtheü Kemehaiwa 19:27

Khili hi nankemeghüthu, hi mathu miwi kadimi nkesa thsü mvuthu tsü ssi gho ituwi na mathu pathilo.’ ”

JOHAN 5:40

Isala nthu na hi wi anuphan kahang tsü benya mvu nten.”

KEKULI 13:45

Judah nyithu na anyitenti tsü muya theng nu anyonsa ya, mathu na Paul ssinu kicennali nu ma kimenni.

ROMNYI 10:21

Isala ma Israel ghena khichi, “Ghanan thangthang hi ikwen chang pi ajüh nkeya nu nyu shun keten nyithu ssiyale sa.”

IBRINYI 12:25

Tsalina kiden-keshaya, nu khi kebenwa jüh tsü nkina mvu nsala. Ayyi wi Anyiza ketsijüh kekhiwa jüh tsü nkina mvula kesathu na bvü meyala. Isalethu, keujüla ithu na tang wina khi kebenwa jüh tsü nkina mvula lethu, khati nu bvüya ben nu!

IBRINYI 9:15

Ha jjügi ghena Khrista na cenkethenjüh ketheüwa tsü sa kecüwa, isanu Anyiza na ciya kesathu yala Anyiza jühkhukechi anuphan kesawegüthu tsü muya thsüle kesalina. Hawa ha saya mehai kepaghenanye ma keshü ghena anyithu na cenkethenjüh atuwa kekhu wi ben nu kesazzithu wi tsüna mathu lisha chicüdha.

CCÜCAKECHI 22:17

Aghamu nu shanyiliwa na khiben, “Gholo!” Ha za keyathu tsüdila khiben, “Gholo!” Kesü le kesü lela dighe kebenwa, Gholo; kesü le kesü lela tsü yamvu kebenwa kekila wi kahang tssü tsü yayalo.