MATHI 2:2 - Kemethajüh (N) (Re-editing) Bible (BSI)

² nu keü, “Judah nyithu kadimi sa keten pvügha keben atsawa tsüna khiewa ben nu? Ikhang na nishuwa ma ghotsi tsü muya nu hewi ma kinyile ghoben le!”

MATHI 2:2 Iomraidhean Croise

ZAKECI 2:6

“Zion Yikha kemethawa miwi hi kadimiwa pi benya thsüdha,” ma isakhi.

ZAKECI 45:11

Ntsikemehai ghena kadimiwa na no tepagha thsü ben; ma nPvüwa, tsalina no ma jüh nkinathu yishü.

ISAYA 60:3

No kewegü na mizzatentithu zanyaben, nu kadimithu pi ntsathang ketheüwa thangtheghi wi chiyaben.

JEREMIYA 23:5

Apvüwa na khiben, “Hi David shicü wi ketsatan nyi kesü kessi pi kadimiwa sa keten matsü na ghoden. Kadimiwa tsüna metsa, ketsatan nu kemeshon sen nu ayyi tsüdi wi la kekhang senden.

JEREMIYA 30:9

Tsüti kesawa nyela mathu na hi Apvüwa, mathu Nyiza na David shicübvügha kesü hi ma pi kadimi sa thsü ketenwa kekuli saaben.”

ZEKHARIYA 9:9

Zion nyithu! Anongheyalo, anongheyalo! Jerusalem nyithu, anonkeghe ghena jishalo! Ghangchilo, nthu kadimiwa na nthu wi gho tendha! Ma khang ntsa nu nyankethang sala ghoden, isala ma satemeni nu gada kesü miwi donki ben—— gada zza kesü miwi ben.

SHICÜSI 24:17

Hi tucüki wi ghang chi, nu Israel mizzatenti muben. Mizzatenti tsüwa wi kadimi kesü na ghotsi kewegü ti shhugho ben. Israel wina ghotsi keti comet ti shhugho ben. Ma Moab ccülikesathu pacha ben, nu Seth nyithu tsüdi pasha ben.

MATHI 2:3

Kadimi Herod nu Jerusalem wi anyi tsüdila ha cüki zakeya wi amansa.

MATHI 21:5

“Zion nyunutiwa wi kizalo, ghangchilo, nthu kadimiwa na nthu wi gho tendha! Ma satemeni nu gada kesü miwi donki, nu gada zza aghala kesü miwi ben.”

MATHI 27:11

Jisu na Rom nyi ahng sa kebenwa tuwi ngan nu ma wi keü thsüben. Ma keü, “No Judah nyithu kadimiwa kwe?” Jisu luneng, “No tsüti khidha.”

Luk Zhükechi Jühtheü Kemehaiwa 19:38

Mathu na hati khi: “Anyiza na sawegü pi Apvüwa nyan wina gho ketenwa Kadimi kecüwa salo! Tang wi kecca na ben nu Anyiza nyanthang keyawa salo.”

Luk Zhükechi Jühtheü Kemehaiwa 2:11

Nansü nthu Hangshawa, Apvüwa Khrista tsüna David Nyunutiwa wi pvüghayadha!

Luk Zhükechi Jühtheü Kemehaiwa 23:3

Pilat na ma wi keü, “No Judah nyi Kadimiwa kwe?” Jisu luneng, “Nthu na hi tsüle khi.”

Luk Zhükechi Jühtheü Kemehaiwa 23:38

Ajüh hati pi ma li wi zhütheng: “Hawa hana Judah nyithu Kadimiwa.”

JOHAN 1:49

Nathanael na luneng, “Kesansiwa, no Anyiza Tsawa nu Israel Kadimiwa le!”

JOHAN 12:13

Tsalina mathu na palm chan cüna shhüya nu wa ma metu nu jisha, “Hosanna! Anyiza na sawegü pi Apvüwa nyan wi gho keten Israel Kadimiwa kecüwa salo!”

JOHAN 18:37

Tsalina Pilat na ma keü, “Isathu, no kadimiwa kwe?” Jisu na luneng, “No hi kadimiwa le khi. Hi atsentsawa sheipi le kesa jjügi ghena ayyi hawi gho. Thowa na atsentsawa wi benten khe ijüh kina den.”

JOHAN 19:19

Pilat na pala hati zhü pi kross miwi chi, “Nazareth nyiwa Jisu, Judah nyithu Kadimiwa.”

JOHAN 20:28

Thoma na ma luneng, “IPvüwa, nu iNyiza!”

JOHAN 5:23

Tsalina tsüdila Abawa kinyikü keten tsüti Atsawa la kinyiküden. Thowa na Atsawa kinyiküten khe ma kesun kechiwa Abawa la kinyiküden.

JOHAN 9:38

Anyi tsüwa na khi, “Apvüwa, hi nondiben,” isanu ma Jisu tuwi kukedua.

IBRINYI 1:6

Isala Anyiza na ma Tsa tssütsewa kesun pi ayyi wi chicü keten wi ma hati khi, “Anyiza nyilothu tsüdila ma nkinyithu yishü.”

CCÜCAKECHI 22:16

“Hi, Jisu, hi nyilo kesunchi pi kemehuthu wina pala hathu pi nthu kiza thsü. Hi David shicü wina gho. Hi aghanen ghotsi kewegüwa.”