MATHI 17:3 - Kemethajüh (N) (Re-editing) Bible (BSI)

³ Ciwi sansikeyathu na Mosa nu Elijah manyi na Jisu ccüneng keben mu.

MATHI 17:3 Iomraidhean Croise

1 KADIMITHU 17:1

Gilead yyi Tishbe wina kegho atusenjüh-kechüwa kesü ma nyan Elijah na Kadimi Ahab wi khi, “Hangkeben Apvüwa Israel Nyizawa, hi ma kekuli sa ketenwa nyan wina hi atsangholo npi kekhichi chu ciwi amapi keni nyelela kecheng atsankegho nyelela akejan na nmila benle kesa hi no wi kiza ben.”

MALAKHI 4:5

“Isala qhethiketen kesa nu Apvüwa tsathang keti tsü npi kegho tuwi hi atusenjüh-kechüwa Elijah kesun pi nthu wi chi cüden.

MATHI 17:2

Mathu na ghang keben wi Jisu tsi na makepa sa: ma mmi na wegü pila aghani ti nu ma thsümeni na miki pi cwencwe sa.

MATHI 17:4

Tsalina Pitor na ajühkhi pi Jisu kiza, “Apvüwa, ikhang hewi keben ha mehai ntsawa le! Keujüla no kenen lethu, hi hewi anithsüjjen kecheng sa na, tsüna kesü nghena, kesü Mosa ghena, nu kesü Elijah ghena.”

MARK 9:4

Ciwi sansikeyathu na Elijah nu Mosa manyi na gho Jisu ssinu ccüneng keben mu.

Luk Zhükechi Jühtheü Kemehaiwa 1:17

Ma atusenjüh-kechüwa Elijah kezü nu kekhang ti Apvüwa tu wi waben. Ma abathu nu atsangathu sa pi ajühkeyali thsü, anyi nyu jüh nkeyathu ssi sengho ketsatan kemeshon len wi chi, nu Apvüwa nyithu sa pi ma ghena kidenya thsüaben.”

Luk Zhükechi Jühtheü Kemehaiwa 16:16

Johan Baptizwa tsü kecu Mosa Yenwa nu atusenjüh-kechüthu na kezhüchi tsüna ben gho; tsü nten na Anyiza Kadiyyi cüki Ajühkemehaiwa pi anyithu sansi kechi wi tsüdila ciwi dule apiketsü sa.

Luk Zhükechi Jühtheü Kemehaiwa 24:27

Jisu na Ntsawajüh wi Mosa lesüshen na wala atusenjüh-kechüthu tsüdi wi ma cüki zhü ketheng tsü khimetha pi manyi kiza.

Luk Zhükechi Jühtheü Kemehaiwa 24:44

Tsaseng wi ma mathu wi khi, “Hi hathu cüki tsüdila kheni nthu gweghe keben wina khi pi nthu kizadha, Mosa Yenwa, atusenjüh-kechüthu na kezhü, nu Zakeci wi ighena zhü kethengthu tsüdila sacen shaben.”

Luk Zhükechi Jühtheü Kemehaiwa 9:33

Mosa nu Elijah manyi na Jisu teshi nu kebvü seng wi Pitor na Jisu wi kiza, “Kesansiwa, ikhang na he wi keben ha khatila mehai nu! Ikhang na anithsüjjen kecheng sa na; kesü nghena, kesü Mosa ghena, nu kesü Elijah ghena.” (Ma ajjügi mangwa khiben khe nchüla khi.)

JOHAN 1:17

Kepaghenanye Mosa wina ayenwa tsü khuchi, isala nanketizen nu atsentsawa tsüna Jisu Khrista wina gho.

AYENZHÜNENG 18:18

Hi mathu nyi jawi na no ti kesa atusenjüh-kechü kesü kesun chicüden; mangwa nkhithu yishü khe hi ma kizaden, nu ma hi khikechi tsüdi pi anyithu kiza- ben.

AYENZHÜNENG 34:10

Israel jawi atusenjüh-kechü kesüla Mosa ti kesa nmi; Apvüwa na ghang tanti ma ccüneng.