MATHI 12:3 - Kemethajüh (N) (Re-editing) Bible (BSI)

³ Jisu na khineng, “David na ghamaya kesa seng wi ma nu ma pvüshangthu na khati sa khe nthu na tsü si meya kwe?

MATHI 12:3 Iomraidhean Croise

LEVIYEN 10:20

Mosa na ha zakeya seng wi ma leben ghashu sa.

MATHI 12:2

Farisithu na ha muya theng nu Jisu kiza, “Ghangchilo, no sansikeyathu na Sabbath ghanan wi hati kesa ha ithu Yenwa tsü shun benle!”

MATHI 12:4

Ma Anyiza jjen wi dunu ma nu ma pvüshangthu na keqhaikedithu ketan khe mathu dsakeya Ayen nkemi mesa pi Anyiza kecüwa tsü dsa.

MATHI 12:5

Nyelela nthu na Mosa Yenwa wi Sabbath ghanan kaghapenla keqhaikedithu na Kekinyijjen wi Sabbath tsathang yen pakhhi lela mathu na nsamile kesa tsü si meya kwe?

MATHI 19:4

Jisu na khineng, “Nthu na Ntsawajüh wi Anyiza na adechhü wina anyi nza nu npvüza sahang chile khi keben tsü si meya kwe?

MATHI 21:16

Tsalina mathu Jisu wi keü, “No mathu na mangwa khiben khe zaben ma?” Jisu na luneng, “Anle, zaben le! Nthu na Ntsawajüh wi hati si meya kwe? No ghanyithu nu memethu sansi pi seng cencuya thsüdha.”

MATHI 22:31

Keshü wina hangneng-shaghaben kesa: Anyiza na nthu kekiza tsü nthu na si meya kwe? Ma kekhi na,

MARK 12:10

Nthu na Ntsawajüh wi hati si meya kwe? ‘Ajjen kesathu na pi ma men nkemi sala meya mvula kesa lonwa tsüna tsüdi jawi adonbvü ghangpvüwa sa shaghadha.

MARK 12:26

Keshü wina hangneng-shagha keben cüki: nthu na Mosa lesüshen wi aghangbhon kemecang cüki tsü si meya kwe? Ciwi Anyiza na hati Mosa wi kizale kesa zhütheng, ‘Hi Abraham Nyiza, Isak Nyiza, nu Jakob Nyiza.’

Luk Zhükechi Jühtheü Kemehaiwa 10:26

Jisu na ma luneng, “Ntsawajüh na khatile khiben nu? No tsüthu pi khatile khimethaten nu?”

Luk Zhükechi Jühtheü Kemehaiwa 6:3

Jisu na mathu luneng, “David nu ma nyithu na ghamaya kesa wi khati sa khe nthu na si meya kwe?