MATHI 10:2 - Kemethajüh (N) (Re-editing) Bible (BSI)

² Hathu hana Apostelthu Taghakeni nyan: Simon (Pitor le ci ketenwa) nu ma cünyuwa Andria; Zebedee tsa James nu ma cünyuwa Johan;

MATHI 10:2 Iomraidhean Croise

MATHI 17:1

Ghanan tugho seng wi Jisu na Pitor, nu ma cünyu James nu Johan ssiya nu mathu gweghe ayikha wi wa.

MATHI 20:20

Tsaseng wi Zebedee wubvü na ma tsa keni ssigho Jisu tuwi akhhutsü nu ma kenenwa tsü sa cülo khie.

MATHI 26:37

Ma Pitor nu Zebedee tsa keni ssiya nu ma gweghe wa. Lebengükeccü nu ahathakina na ma miwi gho,

MATHI 4:18

Jisu na Galilee Ghajü ghüsa wi kegoe keten wi ma angakaghan cünyunyi keni Simon (Pitor le ci ketenwa) nu ma cünyuwa Andria manyi na kaghanthsü sen nu aghajü wi anga ghan keten muya.

MATHI 4:21

Ma tsümiwi wha nan cünyunyi kepa wi Zebedee tsa James nu Johan manyi muya. Manyi na manyi ba Zebedee gweghe ahun wi ben nu mathu kaghanthsü tsü noncca ben. Jisu na manyi cichi nan,

MARK 1:29

Jisu nu ma sansikeyathu, James nu Johan manyi, mathu gweghe Sinagog teshi nu meshonqhe Simon nu Andria manyi jjen wi wa.

MARK 13:3

Jisu na Kekinyijjen kejentan Oliv Yikha wi donki keben wi Pitor, James, Johan, nu Andria, hathu na gho kuthila ma wi keü,

MARK 6:30

Apostelthu na gho neng nu mathu kekuli nu nyu kesansi cüki tsüdi khi pi Jisu kiza.

Luk Zhükechi Jühtheü Kemehaiwa 11:49

Ha jjügi ghena Anyiza Kemetsa na khi, ‘Hi atusenjüh- kechüthu nu nyilothu kesun pi mathu wi chiden; mathu na pahan pathi nu pahan meten-meshaben.’

Luk Zhükechi Jühtheü Kemehaiwa 22:14

Matsü na kegho wi Jisu na apostelthu ssinu miz wi donkiya.

Luk Zhükechi Jühtheü Kemehaiwa 22:8

Jisu na hati khi nu Johan nu Pitor manyi kesun pi wa thsü, “Ithu gweghe Shhukeya Kho tsse dsale kesalina wala kidenyalo.”

Luk Zhükechi Jühtheü Kemehaiwa 5:10

Tsüti Simon gweghe keten Zebedee tsa keni James nu Johan manyi la amansa. Jisu na Simon wi kiza, “Nmessi lalo, nthu na khili nten na anyi kaghanthu sa wa tendha.”

Luk Zhükechi Jühtheü Kemehaiwa 9:10

Apostelthu na gho neng nu mathu kekuli cüki tsüdi khi pi Jisu kiza. Ma mathu ssiya nu mathu gweghe anyuti kesü Bethsaida wi wa.

JOHAN 12:22

Filip na wala Andria kiza, nu manyi gweghe wa Jisu kiza.

JOHAN 13:23

Sansikeyathu meshu kesü Jisu na ma tizenghali ketenwa na Jisu kete wi donkiben.

JOHAN 20:2

Tsalina ma bvü sen wa Simon Pitor nu Jisu tizenghali keten sansikeyawa keni wi kiza, “Mathu ashüjjen wina Apvüwa kamang pie bvüdhale, nu ikhang na mathu ma pie wa khie wi chitheng khe nchü.”

JOHAN 21:2

Ciwi Simon Pitor, Thoma (Deduma le kekhiwa), Nathanael (Galilee yyi Kana wina keghowa), Zebedee tsathu, nu kepa wi ma sansikeya meshu keni tsüdi gweghe ben.

JOHAN 21:20

Pitor na khapeghe wa Jisu ma tizenghali keten sansikeyawa hatu wi dsajjü keben wi Jisu tetsaki wha nu “Apvüwa, thowa na no matsa ben nu?” tsüti kekeüwa tsüna ma seng wi keben muya.

JOHAN 21:24

Hawa ha sansikeya nyi ma hathu khi nu tsüthu la zhüchi, nu ithu na ma sheikepi tsüna atsentsa le kesa chüben.

JOHAN 6:67

Tsalina ma sansikeyathu taghakeni wi keü, “Nthu la hi teshi bvü mvuben kwe?”

JOHAN 6:70

Jisu na luneng, “Hi nthu Taghakeni ha kessi meya kwe? Isala nthu jawi meshu kesü na atsaghang le!”

JOHAN 6:71

Tsüna ma Simon Iskariot tsawa Judah cüki tsü khiben. Kepaghenanye Judah na Taghakeni jawi meshu kesü lela ma Jisu matsa.

JOHAN 6:8

Ma sansikeyathu meshu kesü Simon Pitor cünyuwa Andria na ma wi kiza,

KEKULI 1:13

Mathu na Jerusalem wi dula mathu na ben keten ajjenshha tangwa wi ben. Tsüthu na Pitor, Johan, James nu Andria, Filip nu Thoma, Bartholoma nu Mathi, Alfa tsawa Jakob, Simon kempvüzawa, nu Jakob tsawa Judah.

KEKULI 1:26

Tsaseng wi mathu na manyi ghena akezen sa nu kessi, nu Mathia kessiya, ma pi apostelthu taghakhen tsü wwaya.

KEKULI 12:2

Ma njünnu pi Johan cünyuwa Jakob süthi thsüa.

KEKULI 3:1

Ghanan kesü Pitor nu Johan manyi minulen amighe kecheng kekihhe kekhie kesa tsü wi Kekinyijjen wi wa.

1 KORINTHNYI 15:7

Tsaseng wi ma James tu wi gho, nu tsaseng wi apostelthu tsüdi tu wi gho.

EFESANYI 4:11

Ma “kesawegü juthu pi anyithu cü”; ma anyi pahan pi apostelthu, kepathu pi atusenjüh-kechüthu, kepathu pi jühketsinyithu, kepathu pi pastorthu nu kesansithu sa thsü theng.

IBRINYI 3:1

Hi Khristanyi cünyuthu, Anyiza na ciya kesathu! Anyiza na kesunchi pi ithu kenondi wi khishi keten Keqhaikedi Kemisintsa kesa thsüwa Jisu cüki tsü meshen chilo.

1 PITOR 1:1

Jisu Khrista apostel Pitor na pila Anyiza na kessikeya nyithu na bvüzighe sen nu Ponta, Galatia, Kappadosia, Asia, nu Bithunia yyi wi kebenthu kecü.

2 PITOR 1:1

Simon Pitor, Jisu Khrista maghawa wina pi ithu Nyiza nu Hangshawa Jisu Khrista ketsatan wina ithu kenondi ti ma men kebenwa pi cü kethengthu wi kechi.

2 JOHAN 1:1

Keshenpfüwa wina pi— Nzawa nu ma tsangathu hi atsentsa wina tizen ketenthu kecü. Hi ketan nyela atsentsawa chü nu nthu tizen ketenthu tsüdila,

3 JOHAN 1:1

Keshenpfüwa wina pi— hi atsentsa wi ma tizen ketenwa Gaya kecü.

CCÜCAKECHI 1:1

Lesüshen hana Jisu Khrista pi ccücakechi cüki zhü theng. Pala hathu ha wan sacen keten Anyiza na pi ma maghathu ccücalo pi ma cü; Khrista na tangnyilo kesun pi ma maghawa Johan wi chi nu tsü chüya thsü,

CCÜCAKECHI 1:9

Hi, nthu cünyuwa Johan, Jisu wina nthu gweghe kemeten-kemesha nu kadiyyi wi ben nu kethankehila kekheneng benden. Anyiza jüh nu Jisu cüki pi kekhi ghena hi ghan pi Patmos ayyi-mangkehi wi chia.

CCÜCAKECHI 18:20

O tang wi kebenthu, ma yasa kesa ghena anonghelo! Anonghelo, Anyiza nyithu, apostelthu, nu atusenjüh-kechüthu! Kepaghenanye ma nthu miwi kuli kechi tsü ghena Anyiza na ma meshensadha le!

CCÜCAKECHI 22:8

Hi, Johan pala hathu tsüdi zaya nu muyadha. Nu hi khathansha wi tsüthu zaya nu mu cenya khe, hi nyilo pala hathu pi hi keccücawa ccü wi khulidua, nu hi ma kinyi le sa wa.