MATHI 1:1 - Kemethajüh (N) (Re-editing) Bible (BSI)

¹ Hawa ha Abraham shicübvüghawa David shicü kesü, Jisu Khrista bamyithu nyan kezhü:

MATHI 1:1 Iomraidhean Croise

ADECHHÜ 12:3

“Hi sawegü pi no cü ketenthu sawegü cüden. Isala kishen cü pi no cü ketenthu kishen cüden.” “Nu hi no wina sawegü pi mizzatenti tsüdila cüden.”

ADECHHÜ 2:4

Hatinu atssan, ayyi sahangya. Apvüwa Anyiza na atssan nu ayyi sa kechi wi

ADECHHÜ 22:18

Mizzatenti tsüdila hi sawegü pi nshicübvüghathu kecü ti pi mathu la cülo khieben, — kepaghenanye no hi ayenkhukechi tsüdi kenie ghena.”

ADECHHÜ 5:1

Hana Adam shicübvüghathu nyan kezhü. (Anyiza na anyi sahang kechi wi manyi pi ma tsi ti sachi.

ZAKECI 132:11

No atsentsa jühkhishi pi David tuwi chi—— no khunengya nketen jühkhishi kechiwa tsü: “Hi ntsathu jawi meshu kesü pi kadimiwa sa thsü den, nu ma nsengwi kekhang senden.

ZAKECI 89:3

No khichi, “Hi kessi keyawa anyi tsü ssinu ajüh cendha; Hi imaghawa David wi ijüh khishichi.

ZAKECI 89:36

Ma keshüthangla ma shicü na ben ben, nu aghani na wegükeben chu hi ma kadiyyi tsü hieden.

ISAYA 11:1

David kadishi hana achanton kesü shüchi kesa ti, isala ma chonhi wi ma connie ketheü shhugho keten ti, kadimi ketheü kesü David shicübvüghathu jawi na shaghaden.

ISAYA 53:8

Ma ghan pi ma jühkaghakhi nu ma pathi le ssi wa, isala thola ma cüki nmeshen chila. Ithu nyi kesami ghena ma pi shü thsüa.

JEREMIYA 23:5

Apvüwa na khiben, “Hi David shicü wi ketsatan nyi kesü kessi pi kadimiwa sa keten matsü na ghoden. Kadimiwa tsüna metsa, ketsatan nu kemeshon sen nu ayyi tsüdi wi la kekhang senden.

JEREMIYA 33:26

Nu ntsakhiwa, hi ha saketheng ti hi Jakob shicübvüghathu nu imaghawa David ssinu cenkethenjüh tsü nieden. Hi David shicübvüghathu kesü kessi pi Abraham, Isak, nu Jakob shicübvüghathu miwi kekhang sen thsüden. Hi inyithu nantizen ntsa sacü nu mathu sapi mehai nengya thsüaden .”

AMOS 9:11

Apvüwa na khiben, “Hi David kadiyyiwa, ajjen kesü na qanca pi yasa kesawa ti kesa tsü sanengya keten tsathang kesü na gho tendha. Hi ma wikeshonthu sapfü nu tsü saneng yaden. Hi tsü saneng pi kheni ti saaden.

ZEKHARIYA 12:8

Tsü tsüwi Apvüwa na Jerusalem wi hang kebenthu khweya, nu mathu jawi nkezü ntsawa lela David kezü ti saaben. David shicübvüghathu na Apvüwa nyilo ti, Anyiza ti mathu lentsütson ben.

MATHI 1:18

Hatinu Jisu Khrista pvüghaya. Ma jja Maria tsüna Josef na ma yale keü ketheng, isala manyi wubanyi npi sakewa wi Maria na Kemetha Ghamu wina atsa-npvü ya.

MATHI 1:2

Abraham na wala Kadimi David kecu bamyithu na ha: Abraham, Isak, Jakob, Judah nu ma cünyuthu; Perez nu Zera (manyi jja na Tamar), Hezron, Ram, Amminadab, Nashon, Salmon, Boaz (ma jja na Rahab), Obed (ma jja na Ruth), Jesse nu Kadimi David.

MATHI 15:22

Kanaan nyi nza kesü na ayyi ciwi hang keten na gho ma metu nu khi, “Apvüwa David Tsawa; hi nantizen chicülo! Atsaghang kesü na inga miwi ben, nu ma güccü ntsa saben.

MATHI 3:16

Jisu na baptaiz saya meyi atssü wina shhugho. Tsaseng wi tang wi shachi nu ma Anyiza Ghamu na nkhetsü kesü ti sa dugho ma miwi ben wa kesa muya.

MATHI 9:27

Jisu na apen tsü teshi thengnu kegoe wa nan anyon nkemu meshu keni na ma niela magha nu khi, “David Tsawa, ishinyi nantizen chicülo!”

Luk Zhükechi Jühtheü Kemehaiwa 1:33

nu ma Jakob shicübvüghathu miwi anuphan kadimi saden; ma kadiyyi na ma sakhen sa nben!”

JOHAN 7:42

Messiya tsüna Kadimi David shicü kesü sa nu David kahang pen Bethlehem nyuti witsü pvüghaya benle kesa Ntsawajüh na khiben.”

KEKULI 2:30

Ma atusenjüh-kechü nyi kesü nu Anyiza na ajüh khishi pi ma kekiza tsü ma chüben; Anyiza na David shicübvügha kesü pi David ti kadimi sa thsüden.

ROMNYI 1:3

Hana ithu Pvüwa Jisu Khrista, ma Tsawa cüki tsü; asajjü wi ma David shicü wina pvüghaya,

ROMNYI 4:13

Anyiza na Abraham nu ma shicübvüghathu wi ayyi tsüdi pi ma ji sa thsüaden khishichi, ma tsüti sa, tsüna ma Ayenwa kenie ghena nye, isala ma kenondi ghena Anyiza na ma pi ketsatan nyi saya.

ROMNYI 9:5

mathu na Ibri bamyi kemechan shicübvüghathu; nu Khrista na asajjü wi tsü mathu mizza wina gho. Anuphanla tsüdi miwi kekhang sen ketenwa Anyiza kesengwa salo! Amen.

GALATIANYI 3:16

Anyiza na ajühkhuchithu sa pi Abraham nu ma shicübvügha cüdha. Ntsawajüh na “shicübvüghathu” kejon majjügi anyi kejon khi nben, isala “shicübvügha” kesütan majjügi anyi kesütan tsüna Khrista khiben.

1 TIMOTHI 2:5

Kepaghenanye ciwi Anyiza kesütan na ben, nu anyi kesü Khrista Jisu, Anyiza nu anyi jüwi jühkepiwa na ben,

2 TIMOTHI 2:8

Hi Jühtheü Kemehaiwa pi kesansi ti David shicübvügha kesü keshü wi sa pi hangneng kecüwa Jisu Khrista tsü meshen yalo.

CCÜCAKECHI 22:16

“Hi, Jisu, hi nyilo kesunchi pi kemehuthu wina pala hathu pi nthu kiza thsü. Hi David shicü wina gho. Hi aghanen ghotsi kewegüwa.”