KEKULI 9:42 - Kemethajüh (N) (Re-editing) Bible (BSI)

⁴² Ha cüki ha Joppa yyi tsüdi wi khi wa nu anyi kejonla Apvüwa nondiya.

KEKULI 9:42 Iomraidhean Croise

2 KHENICÜKI 2:16

Lebanon yikhathu wi ithu na no nsenthu keyishü tsüdila shüchi nu kedhithu tsü bhenghu pi atssükedone miwi na pvü nu Joppa kecu wi dugho thsüaden. No ciwi tsüthu sen nu Jerusalem wi waya mehai.”

JONA 1:3

Isala Jonah na Apvüwa tuwi na bvüale kesalina ma alen hatheneng wiwa wa. Ma Joppa wi wa, ma ciwi ahunjjen kesü na Spain wi wale keben muya. Ma ma kepvü men pi cü nu Apvüwa wina bvüsen Spain wi wale kesa ghena ahunjjen wi kebenthu gweghe duya.

JOHAN 11:4

Jisu na ajüh tsü zakeya wi ma hati khi, “Hawa ha Lazar keshü kinaa nye, isala ha wina Anyiza nyanthangya thsüle kesalina. Isanu ha ghena Anyiza Tsawa nyankethang sayaben.”

JOHAN 11:45

Anyi kejon Maria hhainan keghothu na Jisu kekulithu tsü muya nu ma nondiya.

JOHAN 12:11

kepaghenanye ma ghena Judah nyi kejon na mathu teshi nu Jisu nondi wa bendha.

JOHAN 12:44

Jisu na jisha nu khi, “Anyi thowa na hi nondi ten khe hi kesun kechiwa la nondiden.

KEKULI 10:5

Khili anyi pahan kesun pi Joppa wi anyi kesü ma nyan Simon Pitor tsü ci wa thsülo.

KEKULI 10:8

Nu tsü cüki mehaitsü khi pi mathu kiza nu kesun pi Joppa wi wa thsüa.

KEKULI 11:13

Ciwi ma tangnyilo kesü na gho ma jjen wi ngan nu hati ma kizale kesa khi pi ikhang wi kiza: ‘Anyi pahan kesun pi Joppa wi meshu kesü ma nyan Simon Pitor kesa tsü ci wa thsülo.

KEKULI 11:21

Apvüwa kekhang na mathu ssiden, nu anyi kejonla nondiya nu Apvüwa wi kheneng gho.

KEKULI 11:5

“Hi Joppa nyunutiwa wi kekhie sa keben wi kemanthi kesü mu. Hi tang wi na palakhang ti kesa keti kesü accügwen mejü keben pi ayyi wi dugho thsü, nu tsüna gho ikete wi ben wa.

KEKULI 9:35

Luda nu Sharon yyi wi kahangthu tsüdila ma muya theng nu Apvüwa wi kheneng gho.

KEKULI 9:36

Joppa wi kenondi nyi nza kesü ma nyan Tabitha (Grik jüh wina ma nyan Dorka, ma jjügi “ameshü”) na ben. Ma matsü tsüdi wi kemehai kuli nu ketha-uthu kiqaden.

KEKULI 9:38

Joppa nu Luda manyi jü na kesie nye. Joppa wi kenondithu na Pitor na Luda wi benle kesa chükeya wi mathu na meshu keni wi hati khila kesun pi ma ci wa thsü, “Tizen lethu, wan ikhang wi gholo.”

KEKULI 9:43

Pitor na ghanan kejonla Joppa wi asayhu kedegüwa Simon gweghe ben.

JOSHUA 19:46

Mejarkon, Rakkon, nu Joppa kevü wi ayyi la saghu.