KEKULI 9:16 - Kemethajüh (N) (Re-editing) Bible (BSI)

¹⁶ Nu ma ighena ketizen nsathu keyishü tsüdi pi ma ccücaden.”

KEKULI 9:16 Iomraidhean Croise

ISAYA 33:1

Ithu ghinyithu na dedi tendha! Thola mathu ji npeghe nyelela mathu nmatsa lela mathu na nyu ji peghe nu nyu matsadha. Isala mathu na nyu ji peghe nu nyu matsa keten tsüna asakhen sathu, nyu na mathu ji peghe nu mathu matsaden.

MATHI 24:9

Tsaseng wi nyu na nthu ghan pi metenmesha nu pi shü thsüaben. Anyi tsüdila ighena nthu nanmeghü ben.

MATHI 5:11

“Nthu na isenkeniethu kesa ghena nyu na nthu kiminni, metenmesha, nu nkemehai tsüdi khi pi nthu shun lethu nthu na kemihhi ntsa.

JOHAN 15:20

Hi pi nthu kekiza tsü meshen yalo, ‘Amagha kesü tsüna ma pvüwa miwi ndiki.’ Keujüla mathu na hi metenmesha lethu, nthu la meten- mesha ben; nu hi kesansijüh kina lethu, nthu jüh la kina ben.

KEKULI 14:22

Manyi ciwi wa kenondithu na kenondi tsentsa wi benya thsüle kesalina mathu satezü nu kechü-kenong nu khi, “Ithu na Anyiza Kadiyyi wi dule kesalina agükeccü kejon saben.”

KEKULI 21:11

Ma ikhang wi ghola Paul geshi keqhan tsü khu pi ma ccükwen bhenya nu khi, “Hawa ha Kemetha Ghamu na khiben: Jerusalem wi Judah nyithu na hati nu ageshi keqhan ha pvüwa bhenya nu pi Judah nyi nkenyethu kwen wi chiaben.”

KEKULI 21:13

Isala ma luneng, “Nthu mangkesa na hati qai pi ileben sameshü ben nu? Hi Apvüwa Jisu ghena Jerusalem wi nyu hi kebhen thsü ketan nyela keshü la shüya mehai.”

KEKULI 21:4

Anyu tsüwa wi kenondithu pahan muya nu ikhang ciwi ghanan tagü ben. Mathu na Aghamu wina Paul Jerusalem wi nwa lalo khi.

KEKULI 9:14

Nu ma keqhaikedi ntsathu wi kekhang khieya nu he Damaska wi no kinyi ketenthu ghan yale kesalina ghoben.”

KEKULI 9:6

Isala no shagha nu anyunutiwa wi tsü walo, ciwi no mangwa nsathu yishü khe pi no kizaben.”

2 KORINTHNYI 6:4

Tsüti kesawa nye, ikhang na alentagha kekuli wi ikhang na Anyiza maghathu le kesa pi ccücale kesalina agükeccü, ketizenkesa, nu ahathakina tsüdi wila kethankehi ntsa nu kekheneng benden.

1 THESSALONIKANYI 3:3

isanu nthu kesüla kemeten-kemesha tsü ghena aseng nkheneng thsüle kesalina. Ithu ghena kemeten-kemesha ha Anyiza kemeshen le kesa nthu na chüben.

2 TIMOTHI 1:12

nu ha jjügi ghena hi hathu wi ketizen saben. Isala hi njüghela kempvüza ben, kepaghenanye hi hi nondi kebenwa tsü chü keben ghena, nu atsathang tsüwa npi kegho chu hi pi ma dhenchi kethengwa tsü ma nonccaya mehai kesa hi chütiben.

2 TIMOTHI 3:11

hi kemeten-kemesha, nu hi ketizenkesa mudha. Antiok, Ikonium, nu Lustra wi imiwi khati sa nu hi kemeten-kemesha nkemehai ntsa wi kethankehikeya tsüdi no chüben. Isala Apvüwa na tsüthu tsüdi wi hi khushi cü.

1 PITOR 4:14

Keujüla Khrista ghena nyu nthu kimenni lethu, nthu na kemihhi ntsa, kepaghenanye anyankethang Ghamu, Anyiza Ghamu tsüna nthu miwi ben.

CCÜCAKECHI 1:9

Hi, nthu cünyuwa Johan, Jisu wina nthu gweghe kemeten-kemesha nu kadiyyi wi ben nu kethankehila kekheneng benden. Anyiza jüh nu Jisu cüki pi kekhi ghena hi ghan pi Patmos ayyi-mangkehi wi chia.