KEKULI 9:15 - Kemethajüh (N) (Re-editing) Bible (BSI)

¹⁵ Apvüwa na ma wi khi, “Walo, kepaghenanye hi ma yala hi kekuli sa nu inyan pi Judah nyi nkenyethu, kadimithu, nu Israel nyithu chüya thsüle kesalina hi ma kessi yadha.

KEKULI 9:15 Iomraidhean Croise

JEREMIYA 1:5

“Hi kahang pi no npi kecü wina no kessiya, nu no npi kepvügha wina no pi mizzatentithu wi atusenjüh-kechüwa kesü sa thsüle sayadha.”

JEREMIYA 1:7

Isala Apvüwa na hi wi khi, “No ghanyi mtsü benle nkhila, isala hi no kesun pi chi keben nyithu wi wa nu hi no ya khilo kekiza tsüdila pi mathu wi kizalo.

MATHI 10:18

Ighena nyu na nthu ghan sen nu ahngthu nu kadimithu tuwi gho ajühkaghaten ben, Ajühkemehaiwa pi mathu nu Anyiza nkechüthu kiza thsüle kesalina.

JOHAN 15:16

Nthu na hi kessi meya, isala hi nthu ya wa nu nthu bi anuphan benya keten tsü kejon bünyalo kesalina hi nthu kessiya nu nthu pi kekuli sa thsü. Isathu nthu inyan wina Abawa wi mangwa khie khe ma tsü pi nthu cüden.

KEKULI 13:2

Mathu na zi nu Apvüwa kinyi keben wi Kemetha Ghamu na mathu kiza, “Barnaba nu Saul manyi na ighena nu hi manyi ci keya kekuli tsü sa thsüle kesalina manyi kesunshi chilo.”

KEKULI 21:19

Paul na mathu shalom sachi, nu Anyiza na khati ma ssinu Judah nyi nkenyethu jawi kuli khe tsü cüki mabenla khi pi mathu kiza chia.

KEKULI 22:14

Ma khi, ‘Ithu bamyithu Nyiza na no yala ma kemeshen chüya, ma ketsatan maghawa muya, nu ma hhai zaya thsüle kesalina no kessi yadha.

KEKULI 22:21

Apvüwa na hi wi khi, ‘Walo, hi no kesun pi kelensie wi Judah nyi nkenyethu wi chiben.’ ”

KEKULI 25:22

Agrippa na Festa wi khi, “Hi la anyi hawa jüh kinachi mvu ben le!” Festa na luneng, “No dhitsü wi ma jüh zayaben.”

KEKULI 26:1

Agrippa na Paul kiza, “No ketanla no ghena khiya kemehai khuchidha.” Paul na ma kwen zanki nu hati ma ketanla ma ghena khi:

KEKULI 26:32

Nu Agrippa na Festa wi kiza, “Anyi hawa ha ma Rom Kadimiwa tuwi wale nkhi lethu, ma teshi cüa kesa le.”

KEKULI 27:24

nu khi, ‘Paul, nmessi lalo! No wala Rom Kadimiwa tuwi n-nganthu yishü, nu Anyiza na ma kemehai wina no gweghe wa ketenthu tsüdi kahangli hangsha cüben.’

KEKULI 28:17

Ghanan kecheng seng wi Paul na Judah nyi ccülikesathu ci pi keccünengli. Mathu na gho saghukeya wi ma mathu wi khi, “Hi Israel nyithu, hi mangla anyithu nyelela ithu bamyithu Yenwa tsü keshun kekuli nsa lela hi ghan pi Jerusalem wi atssüzü sa thsü nu pi Rom nyithu kwen wi chile.

KEKULI 28:28

Tsaseng wi Paul na khi, “Nthu na ha chü meyathu yishü, Anyiza na hangshakeya ketsijüh ha kesun pi Judah nyi nkenyethu wi chicüdha. Mathu na tsü yayaben.”

ROMNYI 1:1

Anyiza na ma Jühtheü Kemehaiwa pi nyu sansilo kesa ghena ciya nu kessi pi apostel kesü saya kesawa, Jisu Khrista maghawa Paul wina sa kechi.

ROMNYI 1:5

Anyiza na mizzatenti tsüdila ssi wa nondiya nu nieya thsüle kesalina ma wina hi pi Khrista ghena apostel kesü saya thsü.

ROMNYI 11:13

Hi khili nthu Judah nyi nkenyethu wi khiben: Hi Judah nyi nkenyethu ghena apostel sa keben chu hi kekuli wi kapvüshüsha saden.

1 KORINTHNYI 15:10

Isala Anyiza nanketizen wina hi hati saben, nu ma nanketizen pi hi kecü tsüna ma men nkemi nye. Tsü miwi la hi apostel kepathu miwi apiketsü sa kuli, tsüna ntsakhiwa hi kulikeya nye, isala Anyiza nanketizen na hi gweghe kuliben.

1 KORINTHNYI 9:16

Hi ajühkemehaiwa pi kekhi ghena ketan kekapvü-u nmi. Kepaghenanye hi tsüti nsathu yishü kesa ahza na ben. Isala keujüla hi Ajühkemehaiwa tsü pi nkhila lethu, ighena khatila kemessi ben nu!

GALATIANYI 1:1

Paul, anyi wina kesun kechi nyelela anyi kekhi wina sa keya ghena la nye, isala Jisu Khrista nu keshü wina ma sa pi hang kecü Abawa Anyiza wina apostel sa keyawa wina kesun kechi.

EFESANYI 3:1

Ha jjügi ghena hi Paul, no Judah nyi nkenyethu ghena atssüzü saben, Anyiza wi khie den.

1 TIMOTHI 2:7

Tsalina hi ya kenondi nu atsentsawa ketsijüh tsü pi thangchilo kesalina hi pi Judah nyi nkenyethu ghena apostel kesü nu kesansiwa sala kesunchi. Hi milimesa nben; hi atsentsawa khiben.

2 TIMOTHI 1:11

Anyiza na hi Jühtheü Kemehaiwa pi thangchilo kesa ghena hi pi apostel nu kesansiwa sa thsüdha,

2 TIMOTHI 2:4

Süpahi kesü na ma kekuli wi ma kediwa kenen sa mvu kesalina ma anyi kepathu kahang kekuli pi ma pakivvü nten.

CCÜCAKECHI 17:14

Mathu na Khaghanenizzawa ssinu kaghashen ben, isala Khaghanenizzawa na ma ci keyathu, kessi keyathu, nu jühtsentsa sa ma nie ketenthu ssinu mathu chaya ben, kepaghenanye ma apvüwathu miwi Apvüwa nu kadimithu miwi Kadimiwa.”