KEKULI 8:39 - Kemethajüh (N) (Re-editing) Bible (BSI)

³⁹ Manyi atssü wina shhugho meyi Apvüwa Ghamu na Filip ssi bvüa nu kediwa na ma nmula, isala ma anonghe ntsa nu wa.

KEKULI 8:39 Iomraidhean Croise

1 KADIMITHU 18:12

Keujüla hi bvü meyi Apvüwa ghamu na no ssinu nyu nkechü pen wi wa lethu khati sa nu? Isanu hi Ahab kiza la no hewi benle nu ma gho no mu meyala lethu, ma hi pathiaben. Meshenyalo hi ghanyi keben tsüwi na leben tsentsa sa Apvüwa kinyi kegho nyi kesüle.

2 KADIMITHU 2:16

nu khi, “Hewi anyi kezüthu hi deni na ben. Ithu gweghe npvüwa ghang wa na. Apvüwa ghamu na ma ssi wa ayikha nyelela ayyiketijü pahan wi teshithengla nashe.” Elisha na luneng, “Nmale, nthu na nwa lalo.”

ZAKECI 119:111

N-yenkhukechithu tsüna anuphanla iji; tsüthu tsüna ileben wi nonkeghewa.

ZAKECI 119:14

Keben-keyeng kejon pi iji sakeya miwi njühkhukechithu keniewa hi nen.

ISAYA 61:10

Apvüwa na mangwa sachidha khe Jerusalem na tsüghena anongheben. Ma shanyili kesü na keshanyi ghe kiden pvü keben ti kesa. Anyiza na hangshakeya nu khangkeya pi ma mphi thsüdha.

EZEKIEL 11:1

Anyiza ghamu na hi piekiya nu ssi wa Kekinyijjen kaghapeng-jenka na nishuwa chi. Ciwi kaghapeng- jenka wi Azzur tsa Jaazaniya, nu Benaiya tsa Pelatiya, nu mizzatentiwa ccülikesa meshu keni pi wwala npvüza meshu nkwe nu manga keben hi mu.

EZEKIEL 11:24

Kemanthi tsüwa wina Anyiza ghamu na hi piekiya nu hi ssi neng gho Babylonia wi kushinyithu wi chi cü. Tsaseng wi kemanthi tsüna cen,

EZEKIEL 37:1

Hi Apvüwa kekhang kidhenya, nu ma ghamu na hi ssi wa ayyiketijü kesü wi agüthu na pong keben pen wi tsü chia.

EZEKIEL 43:5

Apvüwa ghamu na hi pieki sennu akhemi kevüdhi ndukuwa wi du, ciwi Kekinyijjenwa tsüna Apvüwa nyankethang pi pongkea hi mu.

EZEKIEL 8:3

Ma akwen kesü chang chi nu ilissen mahhaya. Nu kemanthi hawa wi Anyiza ghamu na hi pieki pi tang ameghü wi chi nu hi ssisen Jerusalem wi wa. Ma hi ssisen kekinyijjen kaghapeng- jenka na aghawa kedulen non wi wa, ciwi Anyiza leben ketsu cüssi kecüwa tsikezhü tsüna ben.

MATHI 13:44

“Tang Kadiyyi tsüna hati kesa. Anyi kesü na alli wi kekuthi keben tsü muya. Ma tsü shanbhon neng, nu ma nonghe ntsa wala ma keben tsüdi pi jeü, isanu wala alli tsü sheiya.

MATHI 3:16

Jisu na baptaiz saya meyi atssü wina shhugho. Tsaseng wi tang wi shachi nu ma Anyiza Ghamu na nkhetsü kesü ti sa dugho ma miwi ben wa kesa muya.

MARK 1:10

Jisu na atssü wina shhugho meyi, tang wi shachi nu Aghamu na nkhetsü ti ma miwi dugho keten ma muya.

KEKULI 13:52

Antiok wi kenondithu anonghe ntsa sa nu Kemetha Ghamu pi pong pvüya.

KEKULI 16:34

Tsaseng wi ma manyi ssi wa ma jjen wi kedsakejjü pi cü. Ma nu ma theghithu na anonghe ntsa sa, kepaghenanye mathu na khilitsü Anyiza nondiyadha.

KEKULI 8:29

Kemetha Ghamu na Filip wi kiza, “Gorugari katsüwa tetsaki whalo.”

KEKULI 8:38

Kediwa na ma gorugari khen pi ngan thsü nu Filip nu kediwa manyi gweghe atssü wi dula Filip na ma pi baptaiz saya thsü.

KEKULI 8:8

Tsalina anyunuti tsüwa wi anyithu na anonghe ntsa sa.

ROMNYI 5:2

Ma kenondi wina ithu ssigho ithu khili ngan keben Anyiza nanketizen wi ha chi cüdha. Ithu na Anyiza nyankethang wi benden kesa nondi nu kapvüben.

FILIPPINYI 3:3

Atsentsa ahyukahan saya kesathu tsüna ikhang khe mathu nye, kepaghenanye ikhang na Anyiza Ghamu wina ma kinyi nu ikhang Khrista wi kahang ghena anonghe den. Ikhang na kenondi pi asajjü kekuli miwi chi nten.

FILIPPINYI 4:4

Nthu keshüthangla Apvüwa wi anonghethi salo. Hi ha khi neng ben: anonghethi salo!

JAMES 4:16

Isala nthu na khili kapvü nu awisa benden; kekapvü ha tsüdi kesazzi.