KEKULI 8:32 - Kemethajüh (N) (Re-editing) Bible (BSI)

³² Ma Ntsawajüh si keben tsüna ha: “Ma pathiale ssi wa keten khaghaneniwa tsüti kesa, ma khaghaneni ma kenyen ce lela nmaghala kebenwa tsüti. Ma ajüh kesüla nkhi.

KEKULI 8:32 Iomraidhean Croise

ZAKECI 39:2

Hi ajüh la nkhila ceen ben, kemehai lela nkhi! Isala hi ketizenkesa na nmehai kayi,

ZAKECI 39:9

Hi ajüh nkhila ceen ben den, kepaghenanye hi pi hati ketizensa thsü kebenwa tsüna no le.

JEREMIYA 11:19

Hi pi khaghaneni zza jühkeya ti ssi wa pathiale saben, nu mathu na acho nkemehai sapi hi shun ben lela hi tsü nchü. Mathu na hati khiben, “Ithu na achantonwa tsü ma cüki mehai keben wina shüchia na, ithu na ma pathi nu thola ma nmeshen thsüla na.”

JEREMIYA 12:3

Isala Apvüwa no hi chüben; no hi mangwa saden, nu khati no ghaliten khe no muben. Anyi nkemehai hathu ha ssinu khaghaneni pathiale keten ti bvülo; mathu süthiale kesa tsüwa npi kecu chu mathu hieya.

JEREMIYA 51:40

Hi mathu pi khaghaneni zzathu, anenithu, nu aneni süponthu ti süthiaben . Hi Apvüwa, hi khidha.”

Luk Zhükechi Jühtheü Kemehaiwa 23:34

Jisu na khi, “Iba, mathu kesami teshi pi cülo, kepaghenanye mathu na mangwa saben khe mathu nchü.” Mathu na akezen wwi nu ma thsümeni tsü pi mathu jawi gishüya.

JOHAN 1:29

Dhitsüwa wi Johan na Jisu ma tetsaki gho keten muya nu khi, “Ae, Anyiza khaghanenizza ayyi kesami sen nu bvüa ketenwa tsüna ka kale!

KEKULI 8:31

Kedi tsüwa na luneng, “Nyu ha khimetha pi hi nkiza lethu, hi khati nu tsü chüya nu?” Isanu ma Filip ci pi ma gweghe gorugari miwi donkiya thsüa.

ROMNYI 8:36

Ntsawajüh na khi keben ti, “Nthu ghena ikhang na matsü tsüdi wila shüya kemehai kemessi wi ben; ikhang pi khaghaneni ssinu pathi wa ketenthu ti saden.”

1 KORINTHNYI 15:3

Hi mukeya ti pi nthu wi kiza, nu tsüna aghuti ntsawa: Ntsawajüh wi zhü ketheng ti Khrista na ithu kesami ghena shü;

1 PITOR 1:19

isala tsüna khaghanenizza kinaqhe nyelela nyu ghojünkeya mangla nkemi ti kesa Khrista pi ahhansha kesa jjü men kedhuwa tsü.