KEKULI 8:30 - Kemethajüh (N) (Re-editing) Bible (BSI)

³⁰ Filip na tsü tetsaki wha nan anyi tsüna Isa atusenjüh-kechüwa lesüshen tsü si keben zaya. Tsalina Filip na ma wi keü, “No no si keben tsü chüben ma?”

KEKULI 8:30 Iomraidhean Croise

ZAKECI 119:32

Hi ileben chi ntsa nu njühkhukechithu tsü nie den; kepaghenanye no meshenshikeya tsüpi hi cüden.

Sansichhü 9:10

No kekuli katsüha kesa tsüdi wi apiketsü sa, kepaghenanye no wa keten keshü yyi witsü kekuli, kemeshen, metsa-mena, nu kemetsa nmidha.

MATHI 13:19

Anyi na Kadiyyi cüki tsü zaya lela ma jjügi nkechüthu tsüna amacü na alen wi keqancathu ti kesa. Atsaghang na gho nu pi mathu leben wi yangchi ketheng tsü sen bvüa.

MATHI 13:23

Amacü ayyi kemehai wi keqancathu tsüna anyi na ajüh tsü zaya nu chüya kesathu: mathu pahan na abi meza, pahan na abi achentugho, nu pahan na abi changha tsüti bünya.”

MATHI 13:51

“Nthu na hathu ha chübenla nu?” Jisu na tsüti mathu keü. Mathu na “Chübenle” khineng.

MATHI 15:10

Tsaseng wi Jisu na anyitenti ci pi ma wi chi nu khi, “Kina nu chüyalo!

MATHI 24:15

“Nthu na ‘Qhethiketen kesawa’ Daniel atusenjüh-kechüwa na kekhi tsü muben. Tsüna kemetha pen wi ngan ben.” (Tsü kesiwa na: ha mangwa jjügi khe chüshiyalo.)

MARK 13:14

“Nthu na ‘Qhethiketen Kesawa’ tsüna ma pen nkenye wi ngan keben muben.” (Kesithu na: ha mangwa jjügi khe chüshi yalo!) “Tsaseng wi Judea wi kebenthu tsüdila ayikha wi bvü wa nsathu yishü.

JOHAN 4:34

Jisu na mathu wi khi, “Hi kedsakejjü tsüna hi kesun kechiwa kenen nu ma kekuli sacen chile kesawa tsü.

JOHAN 5:39

Nthu na Ntsawajüh tsü siden, kepaghenanye nthu tsüthu wi anuphan kahang tsü muya benle meshenden. Ntsawajüh tsüdila isheipiben.

KEKULI 8:27

Tsalina Filip na kidenya nu wa. Ciwi Ethiopia nyi kedi kesü Ethiopia kadijja keben kenoncca wi kemechan nyi kesü na Jerusalem wi Anyiza kinyi wa nu ajjen wi whaden.

KEKULI 8:29

Kemetha Ghamu na Filip wi kiza, “Gorugari katsüwa tetsaki whalo.”

KEKULI 8:31

Kedi tsüwa na luneng, “Nyu ha khimetha pi hi nkiza lethu, hi khati nu tsü chüya nu?” Isanu ma Filip ci pi ma gweghe gorugari miwi donkiya thsüa.

KEKULI 8:5

Filip na Samaria ghazen nyunutiwa wi wa nu Khrista cüki pi anyithu sansi.

1 KORINTHNYI 14:19

Isala hi kemehujjen wi kekinyi kesa wi nyu sansile kesalina ajüh ketheü hazar tagha kekhiwa nyela kechü jüh manga ketan khiben.

EFESANYI 5:17

Tsalina kejüphon sa nbenla, isala Apvüwa na nthu ya sa thsü mvu kebenwa tsü chüyalo.

CCÜCAKECHI 13:18

Hawa ha kemetsa ciben: anyi kesü le kesü lela kemetsa ben lethu, aghangsa number tsü jjügi bhashiya mehai, kepaghenanye tsüna anyi kesü nyan number. Nu number tsüna 666.