KEKULI 8:12 - Kemethajüh (N) (Re-editing) Bible (BSI)

¹² Isala mathu na Filip na Anyiza Kadiyyi Jühtheüwa nu Jisu Khrista cüki kekhi tsü nondiya, nu mathu npvüza le nzathu lela baptaiz saya.

KEKULI 8:12 Iomraidhean Croise

MATHI 28:19

Tsalina ayyi nyi tsüdi wi wa mathu pi hi sansikeyathu saya thsülo; Abawa, Atsawa, nu Kemetha Ghamu nyan wina mathu pi baptaiz sa cülo,

Luk Zhükechi Jühtheü Kemehaiwa 9:2

Tsaseng wi ma mathu ya Anyiza Kadiyyi cüki khi pi nyu sansi nu kesakinaathu sa pi mehai cülo kesa kesunshi chi.

Luk Zhükechi Jühtheü Kemehaiwa 9:60

Jisu na luneng, “Keshüthu ya mathu ketanla mathu chhüvhüya thsülo. No wala Anyiza Kadiyyi jüh pi nyu kizalo.”

KEKULI 1:3

Ma keshü seng wi ghanan jügha jü wi ma hangben le kesa kejon tughula mathu tuwi gho, nu ajjügi kejonla pi mathu ccüca. Mathu na ma mu, nu ma Anyiza Kadiyyi cüki khi pi mathu ccüneng.

KEKULI 11:20

Isala kenondithu pahan na Cipra nu Ciren wina gho Antiok wi wa ketsijüh pi Judah nyi nkenyethu kiza nu Apvüwa Jisu cüki Jühtheü Kemehaiwa la pi mathu sansi.

KEKULI 18:8

Sinagog wi alikesa nyi kesü Krispa na ma theghi tsüdi ssinu Anyiza nondiya; nu Korinth wi anyi kepa wi kejonla Paul na ketsijüh kekhi tsü zaya nu nondiya, nu baptaiz saya.

KEKULI 19:5

Mathu na tsü zaya nu Apvüwa Jisu nyan wina baptaiz saya.

KEKULI 2:38

Pitor na mathu wi kiza, “Nthu tsüdila kesami wi leben khapeghe nu Jisu Khrista nyan wina baptaiz sa meyathu yishü, isanu nthu kesami keteshi muyale kesalina; isa lethu, nthu na Anyiza juwa Kemetha Ghamu tsü muya ben.

KEKULI 2:41

Mathu kejonla ma jüh kekhi tsü nondiya nu baptaiz saya, nu tsü ghanan anyi hazar kecheng-u pi mathu wwaya.

KEKULI 20:21

Hi leben khapegheya nu Anyiza wi ghola Jisu Khrista nondiyalo kesa pi Judah nyithu nu Grik nyithu la kizadha.

KEKULI 20:25

“Ae, hi nthu tsüdi jawi wa nu Anyiza Kadiyyi cüki pi nthu sansi cüdha. Nu khili nten na nthu hi nmu nengdha kesa chüben.

KEKULI 28:31

Ma nkuthila kempvüza sa nu Anyiza Kadiyyi cüki pi khi nu Apvüwa Jisu Khrista cüki pi nyu sansi.

KEKULI 5:14

Isala Apvüwa kenondithu nza nu npvüza anyitenti na ghola ji pfüpfü mathu wwaya.

KEKULI 8:4

Kenondithu na bvü zighe sen wa apen tsüdi wi kesansijüh tsü pi khi wa.

ROMNYI 10:10

Kepaghenanye ithu na aleben pi nondi nu Anyiza tuwi meshon yaden, nu apang pi khishü nu hangsha yaden.

1 KORINTHNYI 11:11

Isala ithu Apvüwa wi kahang wi tsü, nza na npvüza nsen nyelela npvüza na nza nsen saya nben.

GALATIANYI 3:28

Tsalina ciwi Judah nyithu nu Judah nyi nkenyethu, amaghathu nu ahvuthu, npvüza nu nzathu kepapa kesa nmidha; kepaghenanye nthu tsüdila Jisu Khrista wi kesütan sadha.

1 PITOR 3:21

atssü tsü jjügi khili nthu hangshaya keben baptaiz kesawa tsü. Tsüna asajjü wi nkemetha bhu temetha kesa tsü nye, isala kemeshen kemehai wina Anyiza wi khishi kechiwa tsü. Tsüna Jisu Khrista hangneng-keshagha wina nthu hangsha yaben,